خيانه من نوع آخر
البارت العاشر ١٠ 👍
بقلم 👈ريناد 💝رينوووو💕💞👉
اللهم صلى وسلم وبارك على اشرف الخلق اجمعين
نرجع بالزمن لورا ..
فى فيلا اياد فى ليلة الحفله
اياد فضل مدايق للصبح مجالهوش نوم افتكر كل حاجه حصلت بينه وبين محمود ليلة الحادثه
فلاااااش بااااك
أياد فاق فى غرفة فى المستشفى لقى محمود قاعد جمبه على الكرسى
محمود :هاه حبيبى احسن دلوقت.... ارجوك سامحنى يا إياد انا مش عارف عملت كده ازاى.. الزفت الخمره هى السبب لكن اوعدك ياأياد انى هبطلها ...هبطلها وهلتفت لشركتى ولحالى ومالى
إياد :ياريتك عورتنى من زمان ياعم طالما التعويره دى هترجعلك عقلك من تانى
محمود :الف بعد الشر عليك ياحبيبى متقولش كده انتا مش عارف غلاوتك عندى؟ دنا كنت اموت لو جرالك حاجه... محمود كان بيقول الكلام ده بمنتهى البرود والهدوء
محمود :انا من بكره هنزل الشغل وانتا ارتاح انا مديونلك بكتير اووووى ربنا يقدرنى اردلك جمايلك كلها
إياد :احنا مفيش بينا جمايل ياصحبى اهم حاجه انتا بس تفوق من اللى انتا فيه ده
محمود :متقلقش انا فوقت خلاص مع انى فوقت متأخر لكن معلش فوقت برضو وهلحق الفاضل
إياد :متعرفش انا مبسوط ازاى من اللى بسمعه وساره كمان هتفرح جدا لما ابلغها بالكلام ده
محمود :ساااااااارااااااااه فكرتنى بساره انا متصلتش بيها عشان مخوفهاش عليك لكن هكلمها دلوقتى واطمنها... اصل انا عارف اد ايه هى بتخاف عليك وبتحبك وانتا كمان بتحبها ...وطلع تليفونه وقلب فيه
تصدق ياإياد ان انا معنديش رقم ساره مراتك على تليفونى !!!مع ان انتا كان معاك رقم هند مراتى !!
إياد :طيب وليه مطلبتوش منها او سجلته من مراتك
محمود :مكنتش بهتم بحجات صغيره زى دى وكمان مكونتش بعوزها فحاجه
إياد :خلاص انا هتصل عليها من فونى
محمود :بعد ماتتصل ابقا ادينى الرقم عشان يبقى عندى عشان ابقا اهتم بيها واخد بالى منها هى وابنك لو روحت مكان زى ماكنت بتهتم بمراتى فغيابى
إياد حس بحاجه مش طبيعيه فى اسلوب محمود وحس ان فيه حاجه لكن مرضيش يسأله عن حاجه
اياد اتصل بساره اللى جت المستشفى وهى هتموت من الرعب عليه لكن اول ماوصلت طمنها وقالها انه وقع على لوح زجاج فى شقة محمود واتعور وانها بسيطه .. وابتدت تهدا وإياد بلغها ان محمود خلاص قرر انه يرجع شغله تانى وانه خلاص هيتخلص من
كل حاجه وحشه بيعملها
وساره ظهرت عليها الفرحه واتمنت لمحمود التوفيق
محمود رجع الشركه وكل حاجه ماشيه حلو جدا ومحمود فى وقت بسيط قدر يسيطر على وضع الشركه ويرجعها تقف على رجليها فى فتره قصيره
