اقرو وقولولى ايه رأيكم فيا وانا دكتوره نفسيه 😊
خيانه من نوع آخر
البارت الحادى عشر ١١
بقلم /👈ريناد رينوووو💝💞👉
اللهم صلى وسلم وبارك عليك ياحبيبى يارسول الله ..
صفاء دخلت المكتب عند ياسر
صفاء :ياسر فيه حاجه حصلت شكلك مدايق
ياسر :اقعدى ياصفاء ... صفاء قعدت قدامه وبصاله باهتمام
ياسر :محمود جالى المكتب النهارده
صفاء بتحثه على المتابعه :هاه
ياسر :وقلى حاجه غريبه اوووى قالى ان حنين بتخونه مع واحد اسمه آسر وغلطت فى اسمه قدامه وهو عشان كده ضربها بالطريقه دى
صفاء :وطبعا صدقته!
ياسر :دا اقسم بحياة بنته
صفاء :طب بذمتك ده حد يصدقه؟
ياسر :والله ياصفاء الموضوع ده برجل نافوخى ومبقتش عارف مين صادق ومين كذاب واتنهد وهو بيربع ايديه ويسند على المكتب بضهره
صفاء :انا لايمكن اصدق حاجه زى دى ..وبعدين ازاى انتا مش قادر تعرف انت مش دكتور نفسى وبتقول انك بتعرف الانسان اللى قدامك اذا كان بيكدب ولا لا !!
ياسر :ماهى هى دى المشكله محمود لما كان بيتكلم عن خيانة حنين ليه مكانش بيكذب كانت حركة عيونه مش مضطربه يعنى معنى كده انه بيتكلم الصدق..
صفاء :اكيد فيه حاجه غلط انا هتكلم مع حنين واعرف ايه الحكايه بالظبط
ياسر :ومحمود كمان مش طالب من حنين اكتر من تفسير وانها تقوله آسر ده يطلع مين
وقال كمان انها لو بتعرف راجل تانى غيره هيطلقها لانه مش هيقدر يعيش معاها بعد كده
صفاء :بيكذب طبعا دا اول ما هيشوفها مش بعيد يقتلها فى الحال
ياسر :ياصفاء محمود مريض نفسى ولو فضل شاكك فى حنين ممكن يشك ان رقيه كمان مش بنته زى اسامه ومضمنش ساعتها ...ممكن يأذى البنت او يحاول انه يحملها ذنب مامتها ويخليها مكان مامتها فى التعذيب وممارسة العنف عليها زى ماحمل حنين ذنب خيانة هند ليه .
صفاء :ياخبر ممكن فعلا دا يحصل؟
ياسر :ياصفاء الموضوع اخطر مما تتصورى
احنا بصدد اننا نواجه حالة مرض نفسى يؤدى للجنون،، ومش بعيد الحاله تتطور وينتج عنها قاتل متسلسل
عارفه القتله المتسلسلين دول بيكون واحد مثلا عنده عقده من مامته كانت بتعامله بعنف وهو طفل يكبر ويقتل اى ست كبيره فى سن والدته بنفس الطريقه ونفس الاسلوب ...
حد مراته خانته زى محمود كده عقله مايتحملش الصدمه ويتحول لكاره لكل ست متجوزه ويبدا يصطادهم ويقتلهم بنفس الطريقه ونفس النمط
صفاء فتحت عنيها على آخرهم وهى بتتخيل محمود يوصل للمرحله دى واستأذنت من ياسر وطلعت لحنين اوضتها لكن لقتها نايمه
صفاء استنت لغاية ما حنين صحيت من النوم ودخلت لها وطلبت بلطف من حسن وريحانه انهم يروحو يرتاحو فى اوضتهم وهى هتقعد مع حنين شويه عشان عاوزاها فى موضوع مهم
