خيانه من نوع آخر
الحلقه ٢👍
روايات ريناد يوسف 💕
لا اله الا الله وحده لا شريك له له الملك وله الحمد وهو على كل شيئ قدير
فلاااااش باك تقريبا قبل ١٥ سنه فى فيلا اخرى
محمود :يلا ياروحى يلا ياأوس أوس انزل انتا وماما الفطار جاهز
تنزل وحده جميله جدا وهى شايله طفل صغير عمره سنه وهى مبتسمه
برضو حضرت الفطار زى كل يوم ياحبيبى ؟ ياسيدى خلينى انا احضره مره من نفسى كل يوم تتعب نفسك كده !!!!
محمود :طب ده كلام انا هتعب لاعز منكم يعنى؟ وبعدين تعب هنوده حبيبتى راحه هى واسامه بيه حبيب بابا
هند :ربنا يخليك لينا وميحرمناش منك يارب ياحوده
محمود :ولا يحرمنى منكم ياكل دنيتى
هند وهى بتفطر :اممم صحيح ابقى سيبلى العربيه عشان هخرج اشترى شوية حجات واشم هوا انا واوس اوس شويه
طيب مااروح الشركه وابعتلك سواق الشركه يوصلك هتسوقى ازاى بأسامه ؟
هند :لا مهو اصل رحاب صحبتى جايه معايه هى وبنتها هنتفسح سوا ونشترى شويه حجات كده
محمود :حاضر ياروحى على فكره فى اقرب فرصه هجيبلك عربيه بس نعدى بس من المشروع اللى حطيت فيه كل فلوسى ده
هند :ان شأء الله ياحبيبى.. بقولك ياحوده متخرج معانا النهارده احنا بقالنا كتير اوووى مخرجناش مع بعض ..
محمود وهو بيلاعب فى اسامه ابنه... معلش والله ياهند مقدرش ابدا اسيب الشغل اليومين دول انتى عارفه شغال على مشروع حاطط فيه كل ماأملك واى تقصيرة منى او اهمال هيضيع شقى عمرى.. معلش استحملى هانت فتره وتعدى وانا اوعدك انى هعوضك واخدك انتى واسامه فى جوله نلف العالم.... انتى مش كنتى نفسك تزورى الهند انا هوديكى الهند واركبك الفيل كمان هههههه
هند :الله يامحمود اخيرا هروح الهند ؟؟؟ بس انامش هركب افيال بخاف منها .
محمود :خلاص ياستى نركب اسامه على الفيل واحنا نقف نتفرج عليه من بعيد .. ولا ايه يااوس تركب فيل نونو
اسامه ضحك وهما الاتنين ضحكو معاه
محمود :بركاتك يام العجايب ...هند هتروح الهند .. يلا يدوب الحق انا بقى واداها اسامه وباس دماغها وخرج
محمود اتصل على صاحبه اياد اللى شغال فى شركته ودراعه اليمين عشان يجى يوصله وفعلا بعد مده بسيطه وصل عنده
اياد :ايه هى عربيتك عطلت ولا ايه
محمود :لا ابدا بس هند هتخرج النهارده بيها ياسيدى هى ومراتك عشان يشترو شوية حجات ويتفسحو هما والولاد
اياد :غريبه يعنى مراتى مجبتليش سيره
محمود :عادى يعنى تلاقيها نسيت وهتقولك بعدين... والله مستنى الشغل الجديد ده يخلص بفارغ الصبر عشان اجيب لهند عربيه وافسحها شويه حاسس انى ظالمها معايه الفتره دى اووى وحاسس بتقصير معاها هى واسامه
