خيانه من نوع آخر
البارت الثانى عشر ١٢
بقلم /👈ريناد💝رينووو👉
اللهم صلى وسلم وبارك على اشرف الخلق اجمعين
بعد ماخرج محمود من فيلا ياسر صفاء اتصلت بياسر
ياسر :الووو
صفاء :الحقنا ياياسر محمود اتهجم على الفيلا برجاله كتير اووى وضرب مصطفى وبابا حسن وخطف حنين وشكله كان مخيف اووى انا خايفه يعمل فيها حاجه الحقهاياياسر بسرعه الله يخليك...
ياسر فرمل العربيه وقفل مع صفاء واتصل على البوليص واداهم عنوان فيلا محمود وقلهم انه سمع صوت اطلاق نار جاى منها
وبعد كده اتصل على اياد وطلب منه انه يجيب ساره ويروحو على عنوان محمود... وساره تجيب التحليل والدليل التانى اللى عندها
ياسر طلع على الفيلا بمنتهى السرعه وفى الوقت ده مصطفى كمان فاق واخد العنوان من صفاء واخد مفاتيح عربيتها وخرج يسوق بسرعه زى المجنون
وصول ياسر تزامن مع وصول البوليص واثناء ماهما بيحاولو يفتحو البوابه بالقوه وصل مصطفى
محمود فى الاثناء دى جوا الفيلا بيضرب فى حنين ضرب جامد بكل حاجه تيجى تحت ايده لغاية ماوقعت فى الارض واستسلمت للضرب مأنقذهاش غير آسر لما اتصدى للضرب بجسمه
حنين اول ماشافته ابتسمت
محمود اتجنن اكتر :بتضحكى ليييييه ايه اللى بيضحكك انطقى
حنين بتنطق وكانها متخدره :ببتسم لحبيبى
ومدت ايدها لآسر
محمود :اسكتى مش انا مبقتش آكل من الحركات دى ...لا بقى ياكل معايا جن ولا عفريت ولعبتك اتكشفت ياهانم والفيلا جبتلها كذا شيخ لا فيها جن ولا عفاريت
وهتقولى يطلع مين آسر ده وعرفتيه ازاى قبل ماأخلص عليكى... انطققققى وابتدا يضرب فيها من جديد
فى الاثناء دى باب الفيلا اتفتح بطلقات ناريه من البوليص عطلو القفل بتاعه وقدرو يفتحوه...
محمود خرج يشوف ايه اللى بيحصل لانه متصورش ان حد يقدر يهدم حصونه العاليه وفى الاثناء دى آسر مسك ايد حنين وجرى بيها للسطح ..
آسر :اظن خلاص كده لازم تيجى معايا آسر كان بيشاور لحنين لتحت بمعنى ترمى نفسها ..
حنين بصتله بضعف ومن وسط دموعها قالتله
رقيه ياآسر مقدرش اسيبها
آسر :كفايه ياحنين كفايه... فكرى فنفسك شويه تقدرى تقوليلى بالوضع ده مع محمود ضامنه انك هتفضلى عايشه لرقيه ؟...محمود هيخلص عليكى فى مره من المرات
فى الوقت ده محمود جرى على السطح ومسك حنين يحتمى بيها من ياسر ومن مصطفى والبوليص
محمود :لو حد قرب هحدفها من فوق الخاينه دى...
ياسر : اعقل يامحمود كل حاجه هتتحل ..انت فاهم الموضوع غلط انا هفهمك... واياد كمان عاوز يقولك على حاجه مهمه جدا
محمود :والحيوان ده ايه دخلو فيلتى ؟...امشى اخرج بره
ياسر :اياد جاى هو وساره عشان يبرا نفسه ويبرا هند مراتك من تهمة خيانتك
