خيانه من نوع آخر
روايات /ريناد رينوووو
الحلقه الاولى ١ 👍👍
ملحوظه ياجماعه اى مشاركه للروايه تكون بالغلاف والامضاء لو سمحتو وتكون بعد نزول الروايه بساعه او اتنين
سبحان الله وبحمده سبحان الله العظيم
**********************
فى فيلا كبيره اقرب مايكون للقصور داخل المطبخ واقفه حنين وهى ربة المنزل تحضر فى الفطار واثناء ماأبتدت بوضع الاطباق على السفره بتنده بصوت عالى :
روقه رقيه يلا ياروحى الفطار جاهز انزلى بسرعه انتى وبابا هتتأخرو
تنزل بنت فى منتهى الجمال بوشها الملائكى تجرى على السلم بأبتسامه وباباها وراها بيجرى ؛ حاسبى ياروقه هتقعى انزلى وحده وحده ياقلب بابا
رقيه :متخفش عليه يابابى انا كبيره
محمود :يالوحى انا على حبيبة بابا الكبيره فديتو الكبران ياناس ويقرب عليها ويشيلها من وسطها على كتفه وينزلو هما الاتنين بيضحكو يقعد على السفره ويقعدها جمبه
يبتدى يفطر وعينه على مراته اللى قاعده على السفره وسرحانه وتبتسم بخجل مع نفسها وكأن حد بيوشوشهها وبيضحكها
محمود يرفع حاجب واحد :احمممم
تنتبه حنين من شرودها وتبدا تاكل بخوف وهى باصه جوا طبقها وبعد فتره رفعت عينها تتفقد بنتها رقيه زات الاربع سنوات
حنين :مش بتاكلى ليه ياروقه
رقيه :مش ليا نفس مش عاوزه افطر
حنين :بس ده غلط ياروقه عش وقبل متكمل ردت عليها رقيه ماما قلت مش عاوزه وبعدين انتى مش ليكى دعوه بيا بابى قلى انتى تعملى اللى انتى عاوزاه ومحدش له دعوه بيكى مش كده يابابى
محمود متابع الحديث بأبتسامه عريضه :طبعا كده ياقلب بابى من جوه
حنين بزهق :يوووه يامحمود مش معقوله اللى بتعمله فى البنت ده انتا خليتها عنيده جدا ومش بتسمع كلام لاى حد وحتى مدرسينها بيكتبولى ملاحظات فى الكرسات بتاعتها انها مش بتسمع كلامهم ومغلباهم
محمود :تغلبهم براحتها واى مدرس يزعلها انا اخليه يترفد من المدرسه فورا
حنين :طيب ينفع يامحمود متفطرش دى طفله وجسمها لسه بيتبنى هى متعرفش حاجه لسه ولا تعرف اللى يفيدها من اللى يضرها كده جسمها يضعف وتتعب لازم احنا نوجهها
محمود بوعيق :طول منا عايش مفيش اى حاجه تقدر تضرها ولا حتى المرض انتى فاهمممممه وقام مسك ايد رقيه وخرج وقفل باب
محمود :يلا ياروقه اتأخرنا
رقيه :حاضر يبابا ياحبيبى جيت اهو
محمود بص بطرف عينه وهو ماشى :عاوزه حاجه اجيبهالك معايه وانا راجع
حنين :لا مش عاوزه
محمود :انشاله معوزتى يلا ياروقه اجرى
رقيه : زووووو هههههه
محمود :هههههههه حلوه زوووو دى ياقلب بابا
محمود ورقيه خرجو واول ماباب الشقه اتقفل حنين لفت حوالين نفسها بفرحه وهى بتهمس :
انتا فين تعالا بئه وحشتنى جدا
وفجأه يتحرك كرسى هزاز قدام التلفزيون
تجرى حنين عليه وتقعد على ركبها قدامه بفرحه ويتجسد قدامها اجمل انسان شافته فى كل حياتها وعلى وشه اجمل ابتسامه فى الكون يمد ايده ليها حنين تمد ايدها بشويش فوق ايده ويسحبها بمنتهى الحنان عشان تقعد على رجله وتحط دماعها على صدره
