မနေ့။ ။
မကြာလှသေးသော အတိတ်မို့ ယခုချိန်ထိ ပူနွေးစွာ ကွက်ကွက်ကွင်းကွင်း မှတ်မိနေသည့် ပုံရိပ်များ။
အောင်စာရင်းထွက်တဲ့နေ့ ။ ထိုနေ့က သူလာခဲ့သည်။ သူမ့ဆီကို ။ အဲ့အချိန်တုန်းက သူမ မီးဖိုချောင်ထဲမှာ ချက်ပြုတ်နေခဲ့၍ အိမ်နောက်ဖေး ဘက်ထိ သူ ရောက်လာကာ စကားပြောခဲ့သည်။
စပြောတဲ့ အကြောင်းရာကတော့ အောင်စာရင်းကို ဘယ်လိုလုကြည့်ခဲ့ရကြောင်း ၊ လူတွေအများကြီးကို ဘယ်လိုတွန်းခဲ့ရကြောင်း ။
မသိလျှင် စစ်တိုက်ထွက်၍ပြန်လာသည့်
စစ်သူကြီးတစ်ယောက်ကဲ့သို့ပင်။
သူတကယ် ပင်ပန်းလာခဲ့သည်ကိုတော့ ခေါင်းကို ရေလောင်းထားသကဲ့သို့ ရွှဲနေသော အချောင်းလိုက် ကျနေသည့် သူ့ ဆံပင်ထံမှ သိနိုင်၏။
အသားဖြူဖြူ၊ နက်မှောင်မနေဘဲ အညိုဖျော့ဖျော့ မျက်ဆံညိုတည်ရှိတဲ့ မျက်ဝန်းနှင့် ထင်းနေသော မေးရိုး၊ ပါးလွှာသော နှုတ်ခမ်းအစုံကို ပိုင်ဆိုင်ထားသော အမျိုးသားဟာ ချွေးတွေရွှဲနစ်နေသည်။
ဖြူနေသောသူ့အသားရေပေါ်ရှိ ချွေးစက်တို့မှာ တလက်လက်တောက်ပနေသောစိန်ဥလေးများ တွဲလွဲခိုနေြကသယောင်။
အြခားသူမှာ ချွေးထွက်လာလျှင် ပုံပျက်ပန်းပျက် ဖြစ်တတ်ပေမဲ့ မုန်းသဏ္ဌာန်၏ ရှေ့မှာရှိတဲ့ အနှီလူသားမှာမူ ပို၍ပင် ဆွဲေဆာင်မှုတိုးနေသယောင်။
" ဟူး မောလိုက်တာကွာ ဟိတ်ဒ် (Hate)
မင်းမလဲ ပြောတဲ့သူကို အားနာဦး စကားပြန်မလာပဲ မနေနဲ့လေကွာ "
ဟင်းချင်နေရာမှ သူမ လည်ပြန်ကြည့်လိုက်တော့ သူကရယ်ပြ၏။ ပါးချိုင့်များပင် ပေါ်လို့။
သူမဟင်းအိုးထဲသို့ ရေများထပ်ထည့်ခဲ့ပြီး သူရှိရာသို့ သွားလိုက်သည်။
သူ ။ သူဆိုတာ သူမရဲ့ သူငယ်ချင်း သောကပါ။ နာမည်က ဆန်းလွန်းလို့ သူ့ကို မှတ်မိနေခဲ့တာ ။ သောကမှာ သူ့ထက်နှစ်နှစ်ကြီးတဲ့ အင်ဂျင်နီယာ အလောင်းအလျာ အကို တစ်ယောက် ရှိ၏။
သူ့အကိုနာမည်က လောကတဲ့ ။ အဲ့ဒါနဲ့ အငယ်မွေးတော့ သောက ဖြစ်သွားသည် ဟူ၍ ပြောကြသည်။ အသောကနဲ့ ခဏခဏ စနောက်ခံရတဲ့အတွက် နာမည်ပြောင်းဖု့ိ လုပ်ခဲ့ရာမှ တစ်ခုခုသော ဘယ်သူမှမသိတဲ့ အကြောင်းကြောင့် မပြောင်းဖြစ်တော့ပေ။
YOU ARE READING
သဏ္ဌာန်
Non-Fictionဒီကမ္ဘာကြီး ထဲမှာ ပုံစံတွေများစွာ...... သဏ္ဌာန် တွေများစွာ...... သို့သော်လည်း အတ္တ ပုံစံခွက်ထဲမှ သဏ္ဌာန် ငယ်တွေကတော့ လှပခြင်းမရှိ နှလုံးသားဒဏ်ချက်များနှင့် သဏ္ဌာန်အချို့ CV Photo From Pexel Full Credit to Original Owner ( ပုဂ္ဂိုလ်ရေးရာများကြောင်...
