أختطاف عن طريق الخطأ

الفصل الرابع

الفصل الرابع♥️
اختطاف عن طريق الخطأ🤍
~~~~~~~~~~~~~~

جماعه فوت لو سمحتوا بليز بقى و تروحو تعملو للبارتات السابقه💜
~~~~~~~~~~~~~~~~~~~~~
الساعه 6 الصبح
صحى عمرو و بص حواليه و بعد كده بص لمليكه بعشق ممزوج بألم و بعد كده قام من على السرير و خرج من الاوضه و راح اوضته و رمى نفسه على السرير و قال ب وجع
عمرو :- انا واحد غبى لان لسه لغايه دلوقتى بحبك حتى اللى عملتيه فيا برضو بعشق التراب اللى بتمشى عليه نفسى اموتك و فنفس الوقت احميكى انا غبى .... غبى قام من على السرير بغضب و الم و دخل الحمام و فتح المايه البارده عليه
بعد مده....
خرج عمرو من الحمام و لبس هدوم مكونه من قميص اسود و بنطلون اسود و كوتشى اسود و خرج من اوضته و من الفيلا كلها و راح الشركه و مليكه شاغله تفكيره او اقصد ملاك
~~~~~~~~~~~~~~~~~~~~~~~~
على الساعه تسعه كده....
عند مليكه
كانت بتنضف اوضه من الاوض بحزن و شرود و مش مركزه مع صباح اللى بتكلمها فبتخرج من سرحنها بعد ما صباح هزتها برفق و بتقول
صباح :- فى اى يا بنتى مالك
مليكه بتنهيده :- مفيش
صباح :- لاء فى .... فى ايه يا بنتى
مليكه :- هو بس الحكايه ماما و بابا وحشنى اوى
صباح :- هما ميتين؟!
مليكه بتسرع :- لا بعد الشر عليهم
صباح :- احم .... سورى
مليكه :- عادى انتى مكنتيش تعرفى ..... و ياله خلينا
ننضف عشان متجيش مدام عفاف تبهدلنا
صباح :- ياختى عادى
مليكه :- ايدا مدام عفاف
لفت صباح بسرعه و قالت بخوف
صباح :- والله كنت بهز....
ضحكت مليكه و قالت
مليكه :- تصدقى عادى جدا
صباح :- ايوّه عليكى يا مليكه دا انتى رخمه
مليكه :- اهو انتى ياله خلينا نكمل تنضيف لاحسن نتهزق
صباح :- يلا ياختى نكمل
و قعدوا يكملوا تنضيف
~~~~~~~~~~~~~~~~~~~~~~~
فى مكان تانى.....
فيلا صغيره حوليها ورود و شجر نروح لاوضه من الاوض كانت قعده نِهال على الكنبه و فأديها كاس و فالايد التانيه سيجاره
نهال بغضب :- كان خلاص فاضل ان احنا نعلن ان انا و عمرو و هنجوز بس انتى ظهرتى
Flash Back
بعد ما طلعت مليكه اوضتها بص عمرو على السلالم و هى مليكه بتطلع بسرعه لحد ما اختفت عن انظاره
لف عمرو لنهال و بصلها و قالها بهدوء
عمرو :- نهال عايزك فموضوع مهم تعالى ورايا على المكتب
نهال بدلع :- حاضر يا حبيبى
سبق عمرو نهال على المكتب و دخلت نهال وراه قعد عمرو على الكرسى اللى قدام المكتب و قعدت نهال قدامه بهدوء بص عمرو على نهال من غير ما يتكلم
فقلقت نهال و قالت لعمرو بخوف
- فى اي يا عمرو قلقتنى
عمرو بتنهيده :- بصراحه كده انا مش هتجوزك
نهال بصدمه :- ايه!!
عمرو :- ايوه لان بصراحه انا مش عايز اتجوز و مش متقبل فكره الجواز
نهال بدموع :- بس يا عمرو انا بحبك اوى
عمرو بحزن :- متزعليش منى يا نهال بس انا مش عايز اتجوز دلوقتى و انا مش عايز اعلقك بيا
نهال بسرعه :- انا ممكن استناك و اصبر
عمرو :- العمر بيعدى يا نهال و فى مليون واحد عايز يتجوزك
نهال :- عمرو انا بحبك
عمرو بحده :- خلص الكلام يا نهال
End Flash Back
رمت نهال الكاس اللى فأديها على الارض بعصبه و غل و قالت من تحت سننها
نهال :- نفسى امسكك و اخنقك يا ملاك بس و دينى لو عمرو مش هيبقى ليا يبقى مش هيبقى ليكى
و قعدت نهال تفكر و تخطط عشان تخلى ملاك تبعد عن عمرو نهائيا
~~~~~~~~~~~~~~~~~~~~~
على العصر.....
فى حى من احياء القاهر فى احد العمارات نتوجه للدور التالت نلاقى بنت فى سن مليكه بترقص عشوائى و بتردد بصوت عالى الاغنيه الشهيره "الغزاله رايقه" و البنت دى اسمها "اسيل عمران" عايشه مع ممامتها و اخوها الصغير "محمود"
اسيل :- لى لى لى لى يا ليل الغزاله رايقه ...... ما الناس الحلوه سايقه ...... يا سيدى يا جمالو مالو الضغط كتير عليه ما تقرب منى حبه ..... لاء لسه شويه حابه طب وحيات المحبه ....
محمود بمقاطعه :- مش صوت نانسى عجرم هو عشان تلحنى فالاغنيه و صوتك عامل زى العرسه لوحدو مش ناقصين صداع
طفت اسيل الصب و بصت على محمود بعتاب مصطنع
اسيل :- اخص عليك يا مودى دا انا اختك حبيبتك
محمود :- يا ختى انا مش عارف ازاكر و عندى فاينل بكره و انتى مشغلالى الغزاله رايقه
اسيل باستفزاز :- م انا رايقه فعلا
محمود :- يا ثقالتك يا شيخه
اسيل :- يا ابنى عادى خد الموضوع easy ما انا كمان عندى فاينل بكره و عادى يعنى
محمود :- م عشان انتى فاشله يا ام مادتين كنتى شايلاهم و علا صوته فأخر الجمله قربت اسيل عليه بسرعه و قالت
اسيل :- اسكت يخربيت عقلك يا شيخ ماما هتسمعك
محمود :- ما تخليها تسمع
اسيل :- ياض هديك بالبوكس ياض
محمود :- اى طريقه كلامك البيئه دى
اسيل باستفزاز :- طب ما تعلمينى يا سوسن هانم
مسك محمود اسيل من قفاها و قال
محمود :- بت ما تقولليش سوسن
اسيل :- لاء سوسن
ساب محمود اسيل و عمل نفسه انه رايح ناحيه اوضه مامته
محمود :- خلاص انا هروح اقول لماما على المادتين اللى انتى شيلتيهم
اسيل :- يخربيت المادتين على سنين المادتين على اللى شيلنى المادتين على سنينهم السوده يحرقك بجاز يا دكتور خالد مع دكتور احمد الاتنين مع بعض خد ياض احوده تعالى هنا ياض
محمود :- عايزه اي
اسيل :- هروح اعملك شاى و متقولش لماما تمام
محمود :- امم افكر ..... خلاص ماشى
اسيل :- همك على كرشك بس
قاطعهم صوت خبط على الباب الشقه
اسيل :- حوده روح افتح الباب
محمود بتذمر :- لاء انا فتحته المره اللى فاتت
اسيل :- يا كداب انا اللى فتحته المره اللى فاتت
محمود باستفزاز :- خلاص انا هروح اقول لماما على المادتين اللى انتى شيلتيهم
اسيل :- يباااى عليك واد غتت خلاص انا اللى هفتح
غور انت ذاكر
محمود :- حسنى الفاظك دى
اسيل باستفزاز :- طيب ..... اتفضل حضرتك غور من وشى ذاكر
محمود :- طيب
راحت اسيل و فتحت الباب ولقت "د/خالد سمير" (اللى كانت بتدعى عليه من شويه)
اسيل فسرها :- يباى عليك كانت نقصاك انت كمان ادكتور خرا
خالد :- ايه يا اسيل عامله ايه
اسيل ببرود :- تمام
خالد :- اسيل انتى لسه مش موافقه
اسيل :- اه و عمرى ما هغير قرارى ده
خالد برفع حاجب :- ده انتى بتتحدينى بقى
اسيل :- ااه عندك مانع
خالد باستفزاز :- طب تمام ...... المهم انا كنت جاى اقولك متلبسيش الزفت اللى كنتى لبساه الصبح فالجامعه
اسيل بغضب :- اي ده و انت مالك انت دى حاجه متخصكش
خالد :- لاء انتى تخصينى
رزعت اسيل الباب فوش خالد اللى مصدوم من الموقف
خالد بهمس و صدمه :- دى قفلت الباب فوشى
حمحم بحرج و بص حواليه و حمد ربنا ان مكانش فى حد موجود و الا منظره هيبقى زباله و راح على شقته
اما عند اسيل
بعد ما قفلت الباب فوش خالد قعدت على اقرب كرسى و فضلت تهز فرجلها بعصبيه
اسيل :- اهدى ..... اهدى ده واحد حيوان ميستاهلش انك تحرقى دمك بسببه
و اخدت تهدى فنفسها
~~~~~~~~~~~~~~~~~~~~~~~~
فى مكان مهجور و معزول من السكان اشبه بالصحراء فى عماره مهجوره مكونه من دورين فى بنت جميله قاعده على كرسى و متكتفه و عنيها متغطيه بإشارب و محطوط على بوقها شريط لاصق بتحاول بكل الطرق ان تفك نفسها مش عارفه لحد ما سمعت صوت اقدام جايه و حد بيتكلم و الصوت ده مألوف عليها لحد ما الصوت قرب اكتر ناحيتها و بعد كده صمت تام قلقت و خوفها زاد لحد ما حست ان فى حد بيشيل الإيشارب من عنيها و شال اللزق من بوقها و حد بيحط النضاره بتاعتها اتصدمت من اللى واقف قدمها قالت بصدمه
- حازم؟!
: اه حازم
- انت ..... انت اللى خاطفنى
: لاء متقوليش كده يا (دينا) احنا بس هنقضى وقت جميل و بعد كده تروحى عادى
دينا بخوف :- قصدك ايه
حازم بغمزه و نظره على جسم دينا :- قصدى اللى فبالك يا دودو
قعدت دينا تتحرك بهستيريا
ببكاء - حازم لاء لاء ارجوك متعملش فيا كده انا زى اختك
: اختى؟! هه انا عمرى ما اعتبرتك اخت هو اه بباكى اتبنانى بس عمرى ما اعتبرتك اخت كنت شايفك حبيبه و صديقه بس لكن اخت لاء
- حازم ارجوك سيبنى امشى و مش هقول لبابا على اللى انت عملته
: انتى شايفانى غبى لاء طبعا عمرى ما هسيبك و بعدين خطيبك فى اي زياده عنى عشان تحبيه هه هو انا وحش
- انا عمرى ما اعتبرتك غير اخ و بس يا حازم و بعدين البنات بتترمى تحت رجلك
: انا مش هسيبك غير لما تكونى ليا و ملكى
دينا بصراخ :- لااااء ارجوك يا حازم لاء
كان حازم على وشك انه يقرب من دينا بس ظهر صوت طلقه و اغمى على دينا
و هنا بيدخل خطيب دينا و اسمه "غسّان"
ضابط قسم قتل و الجرائم و بيقرب من حازم بغضب و بيضربه بالبوكس فى وشه بكل غضب و قوه عندو و بعد كده رماه على الارض بعد ما حازم اغمى على من كتر الضرب و قرب غسان من دينا بخوف و قلق عليها و بيفكها و بيحاول يفوقها
: دينا ....... دينا حبيبتى فوقى ...... دينا
بعد مده
بتبدا دينا ترجع للوعى و بتبص على غسان و بتحسبه حازم و بتصرخ
- ارجوك يا حازم ابعد عنييي
: اهدى يا دينا اهدى ده انا غسان يا روحى اهدى
بطلت دينا تصرخ و بصت لوش غسان و اترمت فحضنو بدون مقدمات و بدأت تعيط
- كك ...... كان بيحاول
: اهدى يا حبيبتى اهدى خلاص الكلب ده هياخد جزائه
ضمت دينا نفسها اكتر على غسان
- غسان ارجوك متسبنيش
: انا عمرى ما اسيبك يا روح غسان
~~~~~~~~~~~~~~~~~~~~~~
باليل خالص الساعه 12
خلصت مليكه شغل و طلعت لاوضتها بتعب و اخدت شاور فالحمام اللى فأوضتها و اخدت لبس من الدولاب مكون من بيجامه سوده بس
و قعدت على السرير بتعب و بصت لأديها الملفوفه بحزن
- يا رب رجعنى لأهلى او حد ينقذنى من المصيبه دى
و اتنهدت بعمق و كانت هتطفى النور
بس اتفزعت لما لقت الباب بيتفتح بدون مقدمات و بيخش عمرو بهدوء
: اعمليلى عشا و هاتيهولى على اوضتى
- طيب
و خرج من الاوضه اما مليكه فضلت بصه على مكان ما عمرو واقف
مليكه و هى بتقلد عمرو بطريقه مضحكه :- اعمليلى العشا و هاتيهولى على اوضتى.....بارد
و خرجت من اوضتها و راحت تحضر لعمرو الاكل
بعد مده....
خلصت مليكه تحضير فالأكل و طلعت لاوضه عمرو و خبطت و امرها عمرو بالدخول و دخلت و حطت الاكل على الترابيزه تحت انظار عمرو و كانت هتخرج بس عمرو وقفها
: استنى عندك
لفتلو و بصت ليه بكره و ضيق
- نعم
: اعمليلى قهوه
- حاجه تانى
: و بعدها تعالى حضريلى الحمام و تحضريلى هدومى
- حاجه تانى
: و تيجى بعدها تربيلى سريرى
مليكه فسرها :- اااااه لو اجى امسكك من رقبتك و اموتك عشان اريح منك البشريه كلها
- حاجه تانى يا باشا
: لما تخلصى اللى قولتلك عليه
عملت مليكه ليه كل حاجه زى ما قلها و وقفت بتعب و نوم قدامه
: بكره تكون صحيه من خمسه الصبح
بصت مليكه على ساعه على الكومودينو اللى جمبها
- بس دلوقتى الساعه واحده يعنى فاضل اربع ساعات بس
: ميهمنيش المهم عندى تصحى الساعه خمسه
- طيب
و خرجت مليكه من الاوضه و راحت اوضتها و قعدت على السرير بتعب و حزن
- طب انا اعمل ايه دلوقتى انام عشان متأخرش و يزعقلى ولا انام و لا ايه عااا منك لله يا شيخ
ورمت نفسها على السرير و راحت فنوم عميق
×××××××××××××××××××××××
فى اليوم التالى
الساعه سبعه الصبح....
كانت مليكه بتنضف بتعب
- اااه خلاص مش قادره انا هروح استأذن منه انى اخد اجازه
كانت مليكه و هى ماشيه خبطت فشخص طويل مسكت مليكه دراعها
- اااه مش كنت تحاسب
بص الشخص ده ليها من رجلها لحد راسها
: اى القمر ده
- افندم؟!
: اسم القمر ايه انا شادى المنشاوى صاحب عمرو و مش مرتبط
- اي اللى انت حضرتك بتقولو ده
: اى الرقه و....
عمرو بغضب :- انتى بتعملى اي هنا يا ملاك امشى يالا
- طب انا كنت عايز.....
: قولت امشى
مشيت مليكه بغضب وراحت المطبخ
- فى اى يابنى ما براحه على البت ده انت كان ناقص
تضربها
: ملكش دعوه يا حنين و كنت جاى ليه
- الله الله فى اى يعمنا مزاجك مش رايق ليه هى نهال نكدت عليك و لا ايه
: اسبقنى ياله عالشركه و حسك عينك تعمل مشكله زى ما عملت امبارح و الا و ربى و ما اعبد لهكون نازل ععليك ضرب ما اخلى فيك حته سليمه
- حاضر متقلقش و ثق فيا انا ماشى سلام
: و ابقى حضر نفسك للحفله بتاعه بليل
- تمام
و مشى شادى من الفيلا اما عمرو راح ناحيه المطبخ
بغضب
: مليكه تعالى على المكتب
- حاضر
و مشى عمرو ناحيه المكتب و مليكه وراه ماشيه و مستغربه هو متعصب ليه
دخلت مليكه المكتب بعد ما سمحلها عمرو اول ما مليكه دخلت و واربت الباب لقت نفسها اترزعت جامد على الباب و عمرو قدامها
: انتى ازاى تقفى مع شادى و تكلمى معاه
- لاء انا خبطت فيه و قعد يستظرف و يعاكس فيا و ابتدى يعرفنى بنفسه لحد ما حضرتك طلعت و امرتنى ان انا امشى و بس
: انتى قولتى ايه
- قولت اى فايه
: قولتى هو ايه؟؟
- عاكسنى و استظرف معايا
: تمام و ياريت متتكررش تانى فاهمه
- تمام
و خرجت مليكه بعد ما أمرها عمرو بالخروج
عمرو بوعيد :- مااشى يا شادى لما نكون لوحدنا بسس؟!
×××××××××××××××××××××××××
عند نهال
كانت قاعده فى الجنينه بكل غرور و ثقه و بتفكر فخطه عشان تبعد ملاك او اللى بتحسبها ملاك عن عمرو لحد ما انتفضت و قالت بفرحه
- لقتها يس يس يس اما اروح بقا و اجهز نفسى للحفله
×××÷××××××××××××××××××××
باليل الساعه 8
فى حديقه فيلا عمرو
بدأ رجال الاعمال و سيدات الاعمال يتجمعوا لحد ما
وصلت نهال اللى كانت لبسه فستان فضى ضيق بدون حمالات و ليه فتحه من عند الصدر واسعه و كمان فالضهر و مزينه نفسها بميكب هادى و لبسه سلسه من الماس و انسيال و خاتم من الماس و مشيت فالحفله بكل ثقه و خطفت الانظار بجمالها الساحر
و فنفس الوقت نزل عمرو للحفله و لابس بدله سوده و تحتيها قميص ابيض و بيمشى بثقه و غرور
لقى نهال بتقرب منه و حضنته و بادلها عمرو الحضن و مشيوا و بدأت الحفله
اما عند مليكه كانت خلاص فصلت نهائى و كانت هتتسحب و تطلع اوضتها لقت عفاف بتديها صنيه عليها مشروبات
: اطلعى وزعى العصير للناس
- طب ماتخلى صباح
بحده : اللى اقولو يتنفذ
- تمام
طلعت مليكه بره و قالت بضيق :- جاتك نيله و انتى عامله زى رئيسه
و طلعت الحفله و بدأت توزع العصاير بابتسامه هاديه و خلصت و دخلت و كانت دخله المطبخ لقت حد ساحبها و حط حاجه على منخيرها و بوقها لحد ما فقدت الوعى و المجهول بيبصلها بشهوه و بيقول
- و اخيرا
يا ترى ايه هى خطه نهال ؟
و مين الشخص اللى عطا لمليكه مخدر؟
×××××××××××××××××××××××
خلصانا نكتفى بده و بس و بعدد ٣ ايام او يومين هنزلكوا البارت
ارجو فوت و تعليق 💜💕
و لو فى اخطاء قولولى

Sarah hagag 🤎.

اسيل

خالد

دينا

غسان