أختطاف عن طريق الخطأ

الفصل السادس

الفصل السادس♥
إختطاف عن طريق الخطأ🤍
فوت من فضلك🌟❤
~~~~~~~~~~~~~~~~~~~
على الضهر
صحيت دينا بكسل و اتوجهت للحمام اللى ملحق بأوضتها و اخدت شاور سريع خرجت من الحمام و راحت اوضه الملابس و لبست بنطلون جينز ازرق و تيشيرت ابيض و لبست  كوتشى اسود. سرحت دينا شعرها و خرجت من اوضه الملابس و اتفزعت لما لقت غسان قدامها شهقت بقوه
دينا بفزع :- انت بتعمل اي هنا يا اهبل
غسان :- جاى ازور خطيبتى
دينا بحنق :- وحيات امك
غسان بصدمه :- ايه؟!
دينا و استوعبت اللى قالته :- مقصدش......انا ..... انا قصدى انك مينفعش تشوفنى لان بابا هينفخك
غسان برفع الحاجبين :- دينا حبيبتى راعى كلامك الدبش اللى بتقوليهولى انتى اتخبطتى فراسك اصل مش دى دينا الحساسه الرقيقه اللى بتخاف من الدبان
دينا :- ده اسلوبى يا غسان و كملت بخوف و بعدين انت عارف ان بابا مانعك انك تجيلى هنا او تخرج معايا بسبب اللى عملته معايا قالت اخر جمله بضيق و كتفت ايديها
غسان :- يا حبيبتى انا مكنتش اقصد والله و بعدين هى اللى جت جرت عليا و حضنتنى و با...
دينا بغيره :- ولااااا انا عارفه اللى حصل و متحكليش و جاى تتحكم فيا و تقولى متلبسيش ضيق و متسلميش على شباب و متكلميش شباب و اتفضل امشى لانك عكرت مزاجى على الصبح
قرب غسان منها و وقف قدمها
غسان بهمس و عشق :- عشان انتى بتاعتى و مش عايز حد يشاركنى فيها انا اسف لو انتى زعلانه منى بس والله انا هزقتها و مسحت بكرمتها الارض مش عايزك تزعلى منى يا حبيبتى انا اسف
بصتله دينا بحب و هديت شويه بعد كلامه ده
دينا :- خلاص مسمحاك
حضنها غسان بحب و بادلته دينا الحضن
غسان بهمس فودانها :- انا بعشقك
دينا بحب :- و انا كمان
شدد غسان على حضنها ورفعها من على الارض
فضلو كده بدون كلام بيستمتعوا بحضنهم الدافى لحد ما دينا قطعت الصمت ده
دينا :- غسان
غسان بحب :- ايوه يا روح غسان
دينا بإبتسامه :- المفروض تمشى دلوقت عشان لو بابا طلع و شافنا بالمنظر ده مش هيعديها على خير فامشى دلوقتى
بعد غسان عن دينا و باسها من جبينها
غسان بهمس :- هتوحشينى اوى يا سُكرتى
ابتسمت دينا على لقبه اللى بيقولهلها
دينا بحب :- و انت كمان
حضنها غسان اخر مره و خرج من البلكونه فضلت متابعاه و بصاله لحد ما خرج دخلت تانى
لقت بباها دخل الاوضه بعد ما خبط و سمحتله بالدخول
قرب  باباها و اسمه سفيان منها
و حضنها بادلته دينا الحضن استغرب سفيان من ريحه لبس دينا وشامم ريحه برفان رجالى فأوضتها و فلبسها بعد سفيان عنها و بصلها برفع حاجب
سفيان :- هو المحروس بتاعك جه
دينا بتوتر :- لاء ...... لاء يا بابا
سفيان :- دينا حبيبتى قوليلى بدون كدب و متخافيش مش هعمله حاجه
دينا باستسلام :- اه
سفيان بسخريه :- مش هيبطل الحركات الهبله ديه ولا ايه
دينا مغيره الموضوع :- احم حضرتك عايزنى فحاجه
سفيان :- اه عايزك تجهزى بليل عشان فى حفله
دينا :- تمام
مشى سفيان و وقف قدام باب اوضتها
سفيان بسخريه :- ابقى قولى للمحروس لو مش عايز تتقفش متحطش برفان لحسن الريحه نفاذه شويه و خرج سفيان من الاوضه
ضربت دينا جبهتها :- يا غبى
~~~~~~~~~~~~~~~~~~~~
عند أسيل
خرجت هى و صاحبتها من المدرج و وقفوا قدام الجامعه بيكلمو لحد ما لقو شابين  قدامهم
(حسن ، مصطفى) سلمت أسيل و صاحبتها عليهم
اسيل :- اى يا شباب عاملين ايه
حسن :- بخير يسطا طول ما انتى بخير
اسيل :- تسلم ابو على عامل اي يا مصطفى
مصطفى بتكشيره :- سبينى باللى انا فيه يا ست اسيل دلوقت
اسيل :- الله فى اى يا بنى مالك
مصطفى :- الست رانيا عماله كل شويه تتخانق معايا و بصراحه مبحبش كده
اسيل :- يا سيدى سيبها ما فى مليون واحده قدامك
سلمى صاحبه اسيل :- اه اسيل عندها حق
اسيل بخبث :- و بعدين فى بنات هيموتو عليك و انت البعيد جبله
ضربت سلمى اسيل فأديها بصتلها سلمى بنظره تحذير
كتمت اسيل فهى عارفه ان سلمى بتحب مصطفى بجنون
مصطفى باستغراب :- بجد؟! مين؟
بصت لها سلمى برجاء بأن هى متقولش حمحمت اسيل
اسيل :- ولا حد كنت بضحك معاك
مصطفى :- تمام
حسن :- اسيل ممكن ثانيه
اسيل :- اه طبعًا
بعدت اسيل و حسن شويه عن مصطفى و سلمى
حسن :- بصراحه يعنى انا معجب بيكى و عا....
مكملش كلامه بسبب مقاطعه اسيل ليه
اسيل :- بص يا حسن انا بصراحه بعتبرك زى اخويا بس و كمان انا مش عايزه ارتبط دلوقتى انا عايزه اعيش سنجل يابنى و اسافر و اعمل حجات كتيييير اوى اوى و ان شاء الله تلاقى اللى تنسبك
حسن :- تمام
اسيل :- انت زعلت
حسن :- لاء عادى يبنتى
بصت اسيل ناحيه سلمى و مصطفى اللى بيكلمو مع بعض و بعد كده بصت لحسن و قالت بهمس
اسيل :- اقولك على سر
حسن :- قولى
اسيل :- وحيات عيالك ما تقول حد
حسن :- والله ما هقول لحد انا بير اسرار
اسيل :- ماشى ....... سلمى بتحب مصطفى
حسن :- بجد
اسيل :- اه زى مبقولك
حسن :- طب اقولك انا على سر
اسيل :- قول
حسن :- مصطفى بيحب سلمى
اسيل :- بجد
حسن :- اه والله بس هو خايف ليرتبط بيها عشان عارف ان هى حساسه و خايف يجرحها
اسيل :- العب اى رأيك نوفق راسين فالحلال
حسن :- ماشى انا هشجعه يتقدم لها
اسيل :- ايوه
حسن :- ياله اسيبك انا بقى
اسيل :- باى
حسن :- باى
مشى حسن و كانت هتروح اسيل لسلمى لقت خالد واقف قدامها
اسيل :- استغفر الله العظيم يا رب افندم فى حاجه يا دكتور خالد
خالد :- كنتى واقفه بتكلميه ليه
اسيل بهمس :- احنا فالجامعه و مش عايزه اعلى صوتى عشان انا جبت اخرى منك
و مشت و سابته اما خالد
خالد :- ماشى يا اسيل
~~~~~~~~~~~~~~~~~~~~~~~~~~
عند عمرو
واقف متصنم و مش عارف يرد يقول ايه كل ده حصل ليها فى ١٢ ساعه  بس لو كانت غابت اكتر من كده كانت مش هتكون فالدنيا خرج من سرحانه على صوت الدكتور