သွေးအိုင်ထဲလဲကျနေတဲ့လူတစ်ယောက်
အရှိန်ပြင်းပြင်းနဲ့မောင်းနှင်လာတဲ့ကားတစီး
လီဗာကိုအားကုန်နင်းလို့ထိုကားရှေ့ခေါင်းထိုးဝင်ပစ်ခဲ့တဲ့သူမ
" Jane !!!!"
သူမနာမည်ကိုအော်ခေါ်လိုက်တဲ့လူတစ်ယောက်ရဲ့အသံ
ဘယ်နှစ်ပတ်မှန်းမသိတော့အောင်လိမ့်ထွက်သွားတဲ့ကားထဲကသူမ...
အားယူပြီးခပ်တိုးတိုးညည်းညူမိတဲ့စကားတစ်ခွန်း
" ငါမရှိလဲဆက်ပြီးအားတင်းထားရမယ်နော် ချစ်တယ် "
ထို့နောက်တော့ခန္တာတစ်ခုလုံးကိုစိမ့်ဝင်လာတဲ့နာကျင်မှုနောက်သို့ သူမလိုက်ပါသွားခဲ့တယ်
အရာအားလုံးဟာမှောင်အတိကျသွားခဲ့......။
--------------------------------------------
" hello Mrs. Kimလားသူသတိရလာပြီ"
လက်ထဲကဖုန်းလွတ်ကျမသွားအောင်သူမသတိထားလိုက်ရသည်
ဒီသတင်းကိုကြားရဖို့သူမအချိန်များစွာစောင့်ခဲ့ရတာပါ
မျက်ရည်တွေဟာအတားအစီးမရှိစီးကျရင်း.....
" ကျေးဇူးတင်ပါတယ် မာမီ့သမီးလေးမာမီ့စီပြန်လာခဲ့ပေးလို့"
နှုတ်မှတဖွဖွရေရွတ်ရင်းသူမကားကိုဆေးရုံသို့ဦးတည်လိုက်သည်
---------------------------------------------------
" သူရော မာမီ....သူအဆင်ပြေရဲ့လား "
" ..........................."
ကျွန်မကိုကြည့်နေတဲ့မာမီ့ရဲ့မျက်ဝန်းတွေကိုမကြိုက်လိုက်တာ
" သမီးမေးနေတယ်လေ...သူအဆင်ပြေတယ်မဟုတ်လားလို့
သူအရင်အတိုင်းပဲမဟုတ်လား....သူ..."
" သူမရှိတော့ဘူး နီနီ....အဲ့ဒီနေ့ထဲက သူမရှိတော့တာ.."
ဟင့်အင်း မယုံဘူး...သူကဘာလို့မရှိတော့ရမှာလဲ
အဲ့ဒီနေ့က...အဲ့ဒီနေ့ကသူမသေချာပေါက်သူ့ကိုကာကွယ်ခဲ့တာလေ....
" မယုံဘူး မာမီညာနေတာ သမီးကိုညာနေတာ
မာမီသူ့ကိုသဘောမကျလို့ မာမီသူ့ကိုမုန်းနေလို့
ဒီလိုစကားတွေပြောနေတာ သမီးသိတယ်
သူသေချာပေါက်အသက်ရှင်နေမှာ သမီးကိုယ်တိုင်...."
" နီနီ!!!! အသိတရားဝင်စမ်း "
မာမီ့ရဲ့ဒေါသတကြီးအော်ဟစ်လိုက်သံကြောင့်
သူမမာမီ့မျက်နှာကိုကြည့်လိုက်မိသည်
မာမီဟာသူမကိုစိုက်ကြည့်ရင်းငိုနေခဲ့တာ
" မာမီသူ့ကိုမုန်းတာမှန်တယ်
မာမီ့သမီးလေးကိုအရူးတစ်ယောက်လိုဖြစ်စေခဲ့လို့သူ့ကိုမုန်းတာမှန်တယ်....ဒါပေမယ့်သူမရှိတော့တာလဲအမှန်ပဲ
ဒါကိုနီနီလက်ခံပေးရမယ် "
သူမပခုံးကိုကိုင်ပြီးပြောပြနေတဲ့မာမီ့စကားတွေကြောင့်
ရင်ထဲမှာအဆမတန်ပူလောင်နေမိတယ်
" ဘာလို့လဲ....ရှင်သန်စေချင်လို့ငါသေပေးခဲ့တာလေ
ဘာလို့နင်ကမရှိတော့တာလဲ ဘာလို့ငါ့ကိုထားခဲ့တာလဲ
ဘာလို့ငါ့ကိုမစောင့်တာလဲ ဘာလို့များ....
အားး....နာကျင်လိုက်တာဟာ "
မျက်ရည်တွေကျရင်းသွေးရူးသွေးတန်းရေရွတ်နေတဲ့သူမကို
မာမီကဖက်ထားပေးခဲ့တယ်
" ကိုယ့်ကိုကိုယ်ပိုချစ်ပေးပါလို့သူမှာခဲ့တယ် နီနီ.....
အိပ်မက်တွေကိုသူ့ကိုယ်စားအကောင်အထည်ဖော်ပေးစေချင်
တာ သူ့ရဲ့နောက်ဆုံးဆန္ဒပဲ "
" မာမီသူ့ကိုမုန်းပေမယ့်အတတ်နိုင်ဆုံးကြိုးစားခဲ့ပါတယ်
ကျိုးသွားတဲ့နံရိုးကနှလုံးကိုပြန်စိုက်ပြီး..."
"တော်ပါတော့မာမီရယ်.....တော်ပါတော့ "
ငိုချပစ်လိုက်ယုံကလွဲလို့ငါဘာမှမတတ်နိုင်တော့ဘူးထင်ပါတယ်
နင့်စကားဆိုနားထောင်တတ်လွန်းတဲ့ငါ့ကို
နောက်ဆုံးအချိန်ထိစကားတွေနဲ့ချုပ်နှောင်ထားခဲ့လေသလား
" သမီးသူ့စီသွားချင်တယ် မာမီ သူ့အုတ်ဂူကိုသွားချင်တယ် "
" သွားလို့မရဘူးနီနီ.....မာမီတို့ကအခုကိုရီးယားမှာမဟုတ်ဘူး
ပြီးတော့....သူ့အရိုးပြာကိုဂျီဂျီကိုယ်တိုင်ဟန်မြစ်ထဲမျှောပေးခဲ့တာ"
---------------------------------------------------
ပထမဆုံးသတိပြန်ရချိန်မှာ ပထမဆုံးမြင်ချင်မိတဲ့လူဟာ
သူသာဖြစ်တယ်......ကျွန်မရဲ့တိမ်စိုင်လေး
ကျွန်မခိုနားခွင့်မရှိတဲ့ကောင်းကင်လေး
ကျွန်မရဲ့ရူးမိုက်မှုလေး....
အစကနေအဆုံးထိသူ့အနားမှာ......
သူစေညွှန်ရာကြွေလွင့်ရမယ့်အရံကြယ်တစ်လုံးလိုနေထိုင်ပေးခဲ့တာ....
ဒါပေမယ့် အခုသူကျွန်မနားမှာမရှိဘူး...
သူလေ....ကျွန်မကို.....စောင့်မနေခဲ့ပါဘူး.......
Jennie ruby jane kim
-------------------------------------------tbc
အရေးအသားမကောင်းရင်ခွင့်လွှတ်ပါ
Leo Nile
Oops! This image does not follow our content guidelines. To continue publishing, please remove it or upload a different image.
YOU ARE READING
ငါရယ်.....နင်ရယ်.....သူရယ်.....
Fanfikceမြူတွေရဲ့တစ်ဖက်စွန်းမှာ ငါစောင့်နေမှာမို့လို့ ငါ့အရိပ်ကိုစိတ်နဲ့ဖမ်းယူရှာဖွေပါ ငါတို့ပြန်ဆုံကြမယ်မဟုတ်လား......
