إن الروحَ إذا إلتقت بمن يشبهها ترممت وتَعافت واكتملت .
بمركز الاستخبارات العراقيه و تحديدا ب غرفه تحت الارض جان مربوط على كرسي ورغم آثار التعذيب و الضرب الي مبينه على وجهه إلى أن الابتسامه ما فارقت شفايفه و هذا الشي الي جان يستفز كل الضباط الي حققوا وياه جان منزل راسه و يدندن ب اغاني و هو مبتسم حتى يستفز العيون الي تراقبه من خلال الكاميرات المزرعه بالغرفه
بغرفه ثانيه جانت عيون الضباط تشع نار بسبب هذا الشخص المستفز
الضابط الأول : وبعدين صار 4 ايام نحقق وياه و ماكو نتيجه الضابط الثاني : لا و مستفز من اعذبه يضحك كأنما دا ادغدغه الضابط الأول : احنا نبلغ العميد و هو يتصرف الضابط : ماشي اني راح اروح أبلغ العميد و انته حاول محاوله اخيره وياه الضابط الأول : تمام
و فعلا انطلق الضابط الثاني حتى يبلغ العميد ب ان ما كدروا يحصلون على اي معلومه و الضابط الأول اتجه للغرفه فتح الباب و دخل كعد كدامه
الضابط : ما ناوي تعترف يوسف ب ابتسامه مستفزه : على شنو الضابط : مسوي نفسك بريئ يوسف : ( المتهم بريئ حتى تثبت ادانته) مو اني الي اعلمك القانون سياده الضابط الضابط : اخخ لو عندي سلطه شويه زياده جان عدمتك ب ايدي
كام الضابط حتى يطلع من الغرفه بس وقفه كلمات يوسف الي رعبته
يوسف : شخبار مرتك الحامل
التاف الضابط ب بطئ و عيونه تشع شرار بينما يوسف مبتسم ب استفزاز رجع الضابط لزمه من شعره
الضابط بغضب : منين تعرف مرتي يوسف بضحكه : أعصابك لتخاف مو من مبادئي أذى مره
دفعه الضابط و طلع بسرعه من الغرفه توجه ل غرفه المراقبه شاف العميد واكف أدى التحيه العسكريه و وكف يمهم يراقبون يوسف من الكاميرات
العميد : طلعوا و سلموه متعلقاته الضابط الاول : بس سيدي هذا خطر عرف... العميد : شفت الي صار و طول ما هو محبوس ما راح نكدر نثبت شي عليه الضابط الثاني للضابط الأول : الي مخبلني شلون عرف مرتك حامل و محد دخل عليه غير اني و انته الضابط الأول : شيطان العميد : كافي نقاش و نفذوا الأمر الضباط : حاضر سيدي
أدوا التحيه العسكريه و راحوا يحررون يوسف و يسلموه متعلقاته بينما العميد ضل يراقبه من خلال الكامره
هسه خل نتعرف على البطل
يوسف أحمد المختار عمره 26 سنه يتيم الام و الاب عاش و تربى ويا عمه تاجر السلاح و المخدرات و صار قاتل محترف ميثق ب شخص غير ابن عمه و صديق طفولته
شبيه يوسف
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
