بقلمي / ضوء القمر 💫
فتى فتن بفتاة فتاه ، ثم عاد إلى ربه فهداه ، ثم إذ بربه يهديها إياه .
بعد مرور 5 سنوات
انفتح باب غرفه النوم و دخلوا أطفال ثنين يركضون
الأطفال : بابا بابا بابا
صعدوا على السرير يصحون ابوهم الي اول ما كعد بده يدغدغهم و يلعب وياهم جانت ضحكتهم عاليه دخلت ماريا للغرفه
ماريا : مو كافي لعب عاد ورانا مدرسه و شغل
الثلاثه ب صوت واحد : مريضييين
ماريا : والله كوموا كدامي
عمر : مامي بليز بس اليوم منروح للمدرسه
رامي : يي مامي بليز
يوسف بغمزه : بليز مامي
ضحكت ماريا عليهم بينما الاولاد جانوا يتهامسون ويا ابوهم
عمر : بابا شنو رايك تقشمرها
يوسف : امك متتقشمر
رامي : حاول
ماريا : يوسف
يوسف : نعم يروحي
ماريا بتهديد : بما ان الاولاد ما راح يروحون للمدرسه شنو رايك نعزم نارين و سامر و مروان
يوسف : يالله أطفالي لازم نروح للمدرسه
عمر و رامي بصوت واحد : بابااااا
عمر : قشمرتك
طلعوا الاولاد يركضون و ماريا و يوسف يضحكون راحت ماريا يم يوسف الي رأسا حضنها
ماريا : مخلفه نسختين منك
يوسف : شنو رايج نخلف الثالث و نخلي يشبهج
ماريا و هي تحاول تفلت منه : يوسف وراك شغل و الاولاد وراهم مدارس راح تتأخرون
يوسف : طز بالشغل و طز بالمدارس
ماريا بتحذير : يوسف
قبل ما يحجي كدرت ماريا تفلت من حضنه و تطلع من الغرفه بسرعه ضل يوسف يضحك كام يغير ملابسه حتى يروح للمطعم
اما ب الشقه المقابله ل شقه يوسف و ماريا
جانت نارين تحاول تصحى سامر و الاولاد مثل كل يوم لان نومهم ثكيل
نارين ب ملل و صوت عالي : كعدوووووووووووووا
فزوا الكل من نومهم و بده نارين الرزاله اليوميه الي تعودوا يسمعوها
نارين : شلعتوا قلبي حرام عليكم يعني شلون يوميه بنفس المعاناه تعبوني اني اذا انجلطت راح انجلط من وراكم
كام سامر باسها من خدها و همس احبج ب اذانها هدئت
نارين بهدوء : يالله الريوك جاهز
عافتهم و طلعت بينما سامر باوع ل أطفاله الي يشبهوه بكل تصرفاته
سامر : يالله قبل ما ترجع
ضحكوا الأطفال و كاموا بسرعه يغيرون ملابسهم ما عدا بنته الصغيره الي جانت شغلتها الوحيده ان تضحك على تصرفات ابوها و اخوانها
طبعا سامر خلف 3 أطفال فارس و فراس تؤم و نور الصغير
طلع سامر و هو شايل أطفال ويا ما طلع يوسف و نزلوا سوه و همه يضحكون على حياتهم الي بعمرهم ما جانوا يتخيلوها
أنت تقرأ
خاطِفي انتَ قَدَري
Romanceلا يولد الإنسان جيدًا أو سيئًا على الإطلاق ؛ يصبح جيدًا أو سيئًا عندما تأتي لحظة الاختيار.
