خاطِفي انتَ قَدَري

البارت الخامس

بقلمي / ضوء القمر 💫

تمَاسك وكأن لروحك درعٌ #لا يكسر

راح يوسف باتجاه السرير حتى ينام و ماريا لسه واكفه

ماريا : شدسوي
يوسف : انام
ماريا : واني وين انام
يوسف : بصفي؟
ماريا : لا طبعا انته نام ع القنفه و إني ع السرير
يوسف : على فكره هاي غرفتي
ماريا : والله يا سياده الضابط انته شغلت تحميني و ادور راحتي يالله تفضل

عض يوسف شفته و كام غصب عنه نام ع القنفه و ماريا راحت ع السرير جان دافي رأسا نامت اما يوسف ضل يتكلب طول الليل لانه اول مره ينام على القنفه و اخيرا كدر ينام وجه الصبح صارت ساعه 7:30 كعدت ماريا رفعت راسها و انصدمت من منظر يوسف جان لابس بس شورت داخلي و نايم على بطنه غطت وجهها بخجل كامت تركض طلعت من الغرفه صعدت ل غرفتها و هي تتنفس بصعوبه

ماريا بهمس : هذا شلون ينام هيج

احمر وجهها و هي تتذكر منظره

ماريا : معقوله كل الولد هيج ينامون

غطت وجهها بايدها

ماريا : بس لا بابا مينام هيج

راحت غيرت ملابسها و نزلت غسلت وجهها و وكفت بالمطبخ تحضر الريوك طلع يوسف من الغرفه جان لابس بجامه و تشيرت نص ردان من شافته تذكرت منظره و تذكرت ان هي طول الليل واكفه كدامه و تحجي وياه و هو بس بالشورت الداخلي احمر وجهها مره ثانيه و يوسف انتبه الها

يوسف ب استغراب : شبيج
ماريا بصوت شبه مبحوح : ماكو شي

استغرب يوسف منها بس ما اهتم كعد كدامها و بدوا ياكلون ب هدوء إلى أن قطعته ماريا

ماريا : ممكن العصر نطلع للسوبر ماركت
يوسف : ليش
ماريا : محتاجه شويه أغراض
يوسف : تمام

كمل يوسف اكله و كام غير ملابسه و طلع بعد ما نبه ماريا ان تقفل كل البوب و متفتح مهما يصير رجع يوسف للقصر و تعامل طبيعي ويا مصطفى الي جان يحاول يعرف الخطه بس يوسف ما كاله شي صعد فوك على غرفه سامر دخل بدون استئذان جان سامر نايم بس بالشورت مثل يوسف كعده

يوسف : لكيت الي وصيتك عليه
سامر بنعاس : لا اليوم يكون يمك
يوسف : حاول تستعجل ما بقى غير 15 يوم على موعد العمليه
سامر : زين و مروان معقوله يوافق على الي راح يصير ب ابوه
يوسف : ما اعرف ما سألته
سامر : يوسف مروان اني وياك ربيناه واني ما عندي استعداد اكسره اسأله الأول
يوسف : تمام

كام يوسف راح ل غرفه مروان الي جان كاعده يقرأ بتركيز و اول ما شاف يوسف طفر عليه حضنه

مروان : يوسف اشتاقيتلك
يوسف : واني هم
مروان : وين جنت
يوسف : شغل المهم جايك بموضوع
مروان : شنو
يوسف : غير ملابسك و نطلع حتى احجيلك
مروان : تمام 10 دقايق