بقلمي / ضوء القمر 💫
المهم فرحانه هيه وعايشه بخير
فرحتله وصرت ضحكات بدين "
بيوم اجه حسن عليها حتى يطلعون بالبدايه رفضت بس بعدين وافقت طلعت وياه جان بالنسبه الها شخص لطيف و حباب بس مع ذالك ما كدرت تحبه مرت ال 5 سنوات بسرعه و تخرجت ماريا و قرروا موعد زواجها و جان نفس يوم خروج يوسف من السجن بحسن سير و سلوك راح للشقه الي بيها مروان و سامر حتى يرتاح و ما جان يعرف ان اليوم هو عرس الي احتلت أفكاره 5 سنوات طلعت ماريا من الصالون و جانت تشبه ألاميرات سمعت ابوها يحجي بالفون و يكول يوسف طلع بحسن سير و سلوك حست قلبها صار طبل و ما كدرت تكمل اكثر اول ما وصلت طلبت تشوف حسن اول ما اجه و سد الباب
ماريا : حسن انته خوش رجال و الف من تتمناك و ماكو وحده ممكن ترفضك بس اني احب شخص ثاني و اكيد ما راح تقبل تزوج وحده تحب غيرك
حسن : وليش ما حجيتي من 5 سنوات
ماريا : لان ما جنت اعرف مصير الي احبه شنو
سكت حسن و سكوته خوف ماريا
حسن : خلص يا بنت العم انتي طالك بالثلاثه روحي للي تحبي واني اتكفل بالباقي
فرحت ماريا حيل و نزلت دموعها
ماريا : شكرا شكرا الك
طلعت ماريا تركض هي و بدلتها و كل الي يشوفها يستغرب من منظرها وكفت ماريا بنص الطريق و هي تتذكر ان متعرف عنوانه بس اذكرت عنوان وحدا اسمه مخلد مره يوسف كاله كدامها اخذت تكسي و راحت بسرعه للعنوان دكت الباب بقوه طلع شاب بعمر يوسف
مخلد ب استغراب : نعم اختي تفضلي
ماريا : اريد عنوان يوسف
مخلد : يوسف بالسجن
ماريا : لالا هو اليوم طلع بس اني ما اندل عنوانه
مخلد : هسه اتأكد من مروان
اتصل مخلد ب مروان و عرف ان يوسف طلع فعلا اخذ عنوانهم و نطاه ل ماريا و ماريا راحت اخذت تكسي و راحت بسرعه للعنوان وصلت كدام الشقه و هي تلهث دكت الباب و ل حظها يوسف الي فتحه ضلوا واحد يباوع بوجه الثاني و كل واحد منهم ما مستوعب وجود الثاني كدامه بدت ماريا تبجي و حضنت يوسف
ماريا : شتاقيتلك
يوسف جان مصدوم و عرف من منظرها ان اليوم عرسها بعدها عنه بهدوء
يوسف : شجابج
ماريا : انته احبك يوسف
يوسف : انتي على ذمه رجال
هزت ماريا راسها بمعنى لا
ماريا : طلكني
ضل يوسف ساكت مايعرف شيسوي حياته لسه متدمره و مايعرف منين يبدي ميريد يظلمها
يوسف : روحي
انصدمت ماريا و دموعها نزلت
ماريا : اروح؟
يوسف : روحي اني ما اناسبج ولا نمط حياتي يناسبج الفرق بينا من السما للارض انتي دكتور و ابوج لواء واني حي الله واحد توه طالع من السجن
أنت تقرأ
خاطِفي انتَ قَدَري
Roman d'amourلا يولد الإنسان جيدًا أو سيئًا على الإطلاق ؛ يصبح جيدًا أو سيئًا عندما تأتي لحظة الاختيار.
