خاطِفي انتَ قَدَري

البارت السادس

بقلمي / ضوء القمر 💫

يگوللها دائماً: "أنتِ أيامي الحلوة".

سامر : اشتغلي يمي و انطيج ضعفين الراتب الي تاخذيه
نارين : و ششتغل يمك بالله
سامر : اي شي ان شاء الله بس تكابليني و تكعدين المهم محد يتعرضلج

سكتت نارين و اول مره تحس ان الها ظهر و سند صار هدوء بس قطعته نارين

نارين : ممكن سؤال
سامر : جواب
نارين : ليش انفعلت هلكد يعني اخويه ما اهتم للموضوع بكدك
سامر : اخوج عار
نارين : زين ليش هيج تتعامل وياي
سامر : بصراحه اول مره شفتج من رزلتيني لان جنت راح ادعمج كلت انتي الي و متصيرين ل غيري و آله اربيج بس ما كدرت اوصل ل شي عنج بس ربج شمرج بطريقي
نارين : انته جنت سايق بسرعه
سامر : وصلنا
نارين : شكرا على كلشي

نزلت نارين دخلت للبيت و سامر تحرك ب سيارته راجع للقصر اما نارين ف دخلت و جانت فرحانه نوعا ما أن اكو شخص يخاف عليها و يدافع الها مو مثل اخوها الي بكلمه من مرته يجنزها صارت مرت اخوها كدامها

مرت اخوها : خير راجعه من وكت
نارين : خلصت شغل و رجعت مايصير
مرت اخوها : لا يصير من طول جيتي من وكت روحي حضري غده اخوج على جيه
نارين : حرام عليج يعني اني راجعه من الشغل تعبانه و انوب شغل البيت
مرت اخوها : والله حبيبتي اني هم حامل و تعبانه و على العموم براحتك يجي اخوج و هو يتصرف وياج
نارين : اففففف

عافتها و صعدت غيرت ملابسها و نزلت طبخت الغده و نظفت و حتى الهدوم غسلتها كل هذا و مرت اخوها كاعده رجعت نارين ل غرفتها مهدوده رأسا نامت كعدت على صوت الفون ردت بدون ما تشوف منو المتصل

نارين بنعاس : الو
سامر : نايمه
نارين : ممم
سامر : شلون صرتي
نارين : تعبانه
سامر : ليش

توه دترد عليه بس دخل اخوها عادل للغرفه

عادل : يالله ست الحسن كعدي عايفه الشغل كله على شذى و هي حامل و مكضيتها نوم و اكل
نارين : والله حرام عليكم يعني فوك شغلي و تعبي بالمستشفى انوب شغل البيت
عادل : مشكلتج تحركي نظفي المطبخ
نارين : هسه

طلع عادل من الغرفه و نارين كامت تبجي و تدعي الله ياخذها حتى ترتاح من هل عيشه كل هذا صار و الخط مفتوح و سامر سمع كلشي جان يغلي بداخله بس ساكت سد الخط و هو يتحلف اخوها

نروح يم يوسف

اما يم يوسف و ماريا ف جان الوضع هادئ حيل و علاقتهم شويه شويه تتحسن بالليل جان يوسف كاعد يتابع فلم ع التلفزيون جتي ماريا كعدت على كرسي قريب منه و بدت اتابع ويا بهاي الثناء وصلت رساله ل يوسف من قرأها كان طلع برا وكف شويه بعيد و اتصل على سامر

يوسف : متأكد من الملف
سامر : ي تأكد
يوسف : عاشت ايدك سامر دير بالك على مروان
سامر : لتخاف دا افكر ادزه يم مخلد
يوسف : اني نطيته عنوان الشقه القديمه
سامر : بس مصطفى يعرف بيها و ممكن يدور هناك
يوسف : خلص دزه يم مخلد اني فهمته على كلشي
سامر : ماشي