Only For Me [𝐶𝑜𝑚𝑝𝑙𝑒𝑡𝑒𝑑]

Part - 14⚡

🔹Unicode🔹

"သည်းငယ် ဒီနှစ်မွေးနေ့လက်ဆောင် ဦး ဘာပေးမယ်ထင်လဲ"

"ဘာကြီးလဲဟင် ဦး"

ထင့်မွေးနေ့တိုင်း တန်ဖိုးကြီး လက်ဆောင်များ အထူးသဖြင့် လူငယ်တွေကြား ရေပန်းစားသည့် limited edition ပစ္စည်းများဝယ်ပေးတတ်သော ဦးကြောင့် ထင်တစ်ယောက် မွေးနေ့လက်ဆောင်လေးတွေဆို မျှော်တတ်နေပြီဖြစ်သည်။

"ခန့်မှန်းကြည့်လေ သည်းငယ် ဘာထင်လဲလို့"

"မသိဘူးဗျာ ဦး က မပေးချင်လို့ ဈေးကိုင်နေတာမို့လား မယူဘူးဗျာ ကျွန်တော်လဲကိုယ့်ဘာသာ ၀ယ်နိုင်တယ်နော်"

"ဟုတ်ပါပြီ စွာစိလေးရယ် ဦးကစတာပါနော် မျက်စိခဏမှိတ်ထား ပြမယ်"

"ဟုတ်"

ထင်မျက်ခွံတို့ကို ပိတ်ချလိုက်ပြီး ဦးဆီမှ မျက်လုံးဖွင့်လို့ရပြီဟူသော အသံကို နားစွံ့နေလိုက်သည်။ဦးကမျက်လုံးဖွင့်လို့ရပြီပြောတော့ မြင်လိုက်ရသည့်အရာက သူ့အင်္ကျီရင်ဘက်ကို ဖွင့်ဟထားသည့် ဦး။ထို့အပြင်သူ့ဘယ်ဘက်ရင်ဘက်ပေါ်တွင် တွေ့လိုက်ရသည့်အရာက

'𝑯⚡𝒊𝒏'

ဆိုတဲ့ တက်တူးလေး။

"ဦး..."

"ထင် လို့  ကျွန်တော်နာမည်လား"

"သည်းငယ်က တော်လိုက်တာ ဟုတ်တာပေါ့ သည်းငယ်နာမည်လေးပေါ့ H T I Nမှာ Tကိုဘာလို့ မိုးကြိုးပုံလေးဆွဲထားတာလဲ သိလား"

"ဟင့်အင်း"

တက်တူးကိုသာ မျက်လုံးမခွာတမ်း ကြည့်နေရင်း ထင်ပြန်ဖြေလိုက်သည်။

"လျှပ်စစ်မိုးကြိုးတွေက တစ်စုံတစ်ခုကို ပစ်ပြီဆို အရှန်အဟုန်နဲ့ တိုး၀င်‌ပစ်ခတ်တတ်တယ် ပစ်လိုက်တဲ့အရာမှာ အမှတ်အသားကြီးကြီးစွဲထင်နေအောင်ပေါ့
ဒီလိုပဲ ထင်ဆိုတဲ့သည်းငယ်ရဲ့ လုပ်ရပ်တိုင်း အမူအရာတိုင်း စကားလုံးတိုင်း ခန္ဓာကိုယ်အစိတ်အပိုင်းတစ်ခုစီတိုင်း အရှင်းဆုံးပြောရရင် ဆံချည်မျှင်လေးတွေ လက်သည်းခွံလေးတွေကအစ ကိုယ့်ရင်ထဲကို ထိုးဖောက်၀င်ရောက်နိုင်တယ် အရာရာအားလုံးအတွက် ကိုယ့်မှာ မြတ်နိုးမှုဆိုတဲ့အရာတွေ စွဲကျန်နေခဲ့တယ်"