تعب گلبي

البارت الثاني

بقلم اسراء عباس

زعلان بسَ يازعل؟

لا تزعلك گمر والدنيه اليل .

اني اسمي هدى بنت عم سجاد عمري ١٩ سنه سادس علمي امتحاناتي بقالهه شهرين وتبدي عندي عمام ثنين وخالات ثنين امي وخواتهه ماخذات ابويه وعمامي كلنه عايشين بنفس المنطقه
عمو احمد ابو سجاد عنده 3 ولد فهد الچبیر وادهم الوسطاني الي ماخذ اختي غدير والصغير سجاد حبيب روحي بيتهم يبعد عن بيتنه 3 بيوت عمو احمد ماخذ خالتي سلوى وعمو امجد ماخذ خالتي هناء وعنده ثنين بنات متزوجات وولد واحد اسمه ماهر سنه رابعه اقتصاديات
اتصلت علي صديقتي باليل قبل مانام وعزمتني على خطبتهه الصبح حاچیت ماما و بابا  ووافقوا اروح لبست فستان طويل مكشوف الآيدين وشوي مكشوف من الصدر مخصر يبرز جسمي ومكيجت مكياج قوي سرحت شعري ولبست بشت لبست الحجاب شمر على شعري طلعت من البيت البشت مالتي مفتوح صار بوچهي سجاد شافني وكام يطلع شرار من عيونه أشرلي بمعني شني وين ماعرفت شسوي ارجع امشي تجمدت بمكاني گمت ابلع من الخوف طلع بابا وراي حتى يوصلني واني عيني بس على كتلة النار الواگفه گبالي أشرلي بمعنى اني اعلمچ وراح
يمه متت بدمي شيفكني من عصبيته واني حته ماگتله عالخطبه ولا يدري جاي اطلع
سجاد:طلعت من البيت جاي اروح للصيدليه وصلت يم بيت عمي محمد وشفتهه بت الكلب وياريتني ماشفتهه مكياج مال رگاصات ولبسهه چنه لبس گح
لوما عمي طالع چان شربت من دمهه
صعد ضغطي من الاعصاب مشیت ودمي يغلي لو الزمهه محد يرحمهه مني اااااااخ بويه اني اعلمهه يصير خير بسيطه هدى بسيطه
هدى: وصلت لبيت صديقتي ماحسيت بشئ  من كد الخوف ماشفت اي شئ من الخطبه بالي كله يم سجاد
أشرلتي صديقتي سجى بمعنى تعالي يمي رحت يمهه وباركتلهه الف مبروک حبیبتی تستاهلین
سجى: الله يبارك بيج عمري ان شاء الله يوم الالچ شبيچ  شو مو على بعضچ
هدى : لا ماكو شي ابتسمتلي واستئذنت منه حتى امشي يلة حبيبتي مع السلامة
سجى : بعد وكت خليچ  يمي
هدى :لا لازم امشي اتصلت على بابا وراح يجي
سجى : تمام اخذي راحتچ
هدی:وصلت للبيت سلمت على ماما وصعدت فوگ حیل مقهوره وضايجه
اتصلت على سجاد بالعشر مرات ومايرد عليه شمرت الموبايل عالچربایه اني شبيه ليش ماگتله عالخطبه
اول مره اطلع وماگله لأن خفت مايخليني اروح
گمت غسلت وچهي وتوضيت للصلاه وگعدت اصلي وخلصت وگعدت افکر بسجاد وماحسیت الا نایمه عالسجاده
سجاد: حتى مالي خلگ اشتغل من وره هدوه اااااه ياهدوه ياتعب گلبي ضلي تعبي بگلبي طول عمري
أحسن شئ اعزل واروح للبيت
الطريق كله افكر بهدوه وين راحت وشنو هذا اللبس اللابسته وشلون عمي خلاهه هيچ تطلع
وصلت للبیت لاگتني امي
سلوى:ها یمه الله یساعدک
سجاد:يساعد بختچ یمه وبستهه براسهه وصعدت صلیت ونمت حتی بلا عشه گعدت لگیت موبايلي محترگ حرگ من وره هدوه وماردیت علیهه حتی تتعلم درس وتعرف غلطهه شنو
هدی:ماحسيت الا امي تگعدني حتى اتعشه
گعدت آکلت شوي وگمت رجعت اتصل بسجاد وهم ما يرد هو موصچک صوچي اني امداني اذا دگیت بعد درست شویه ونمت گعدت الصبح شفت موبایلي ماكو ولا مكالمه شگد قاسي گلبک یسجاد
شلون اصالحه ماادري
قررت اتمارض حتى يجي برجليه هههههههههههههه اجيبك لدرب  اجیبک
نزلت لأمي گتلهه ماما لحگیني رأسي راح ينفجر 
سناء:شبيچ حبیبتي عين الماصلت عالنبي اكيد طگنچ عین انتي البارحه رحتي طالعه عروس
هسه اتصل على سجاد يجي يقيس ضغطچ

كثرولي تعليقات ودوسو عالنجمه❤😚