تعب گلبي

البارت الثاني عشر

بقلم اسراء عباس

راح أصبر بدونك وأرهم بلياك

وأذبح رمش عيني الجان يبجيلك

وأتحمل عذابك والبعد والشّوك

وما حط صورتك كدّامي وأشكيلك

ما أكلّك نسيتك بس جرح بالرّوح

يكسر واهسي وما يقبل أمشيلك

عيني الشّالتك كلتلها أشيلج راح

كالت شيلني وما قبلت تشيلك

وجرحي ألفاك صدره وما يريد خيّاط

واكف جنُّه واحد جاي يدعيلك

بس مجبور أدفنك يا عشك يا شوك

وأقرى الفاتحة وبالوحشه أصلّيلك

بعيوني الحزن يقرونه اليواسون

والفوك الحزن لو تدري شاحجيلك

شمّات الأجو وأسوني ثالث يوم

حيل ويّاك كالو مدري شدّ حيلك

سجاد ': شجاي تحچي دكتور كل هذا التعب كل هاي الايام وتگلي ماكو اي تقدم يعني شنو يعني خلاص راح اضل معاق  طول عمري
الدكتور ': لا مو هيچ الشغله ابني انت دكتور ودارس وتعرف نصف العلاج هو الحاله النفسيه وانت اذا بقيت تفكر وقلقان دائمآ مراح تحصل غير التعب وشلعان الگلب
سجاد : ان شاء الله راح اريح نفسيتي وافكر بس بالعلاج
هدى : تمر عليه الأيام ثگیله حیل گوه اخلصهه احسهه مثل الموت البطئ مالي واهس بالدنيا كلهه
سجاد : استمريت بالعلاج وكل الي افكر بيه هو اريد ارجع الهدوة گلبي صار الي واهس بالعلاج
هدى : واخيرآ اجت العطله وراح ارتاح من الأسئله والقال والقيل

سجاد : سويت فحوصات جديده ومنتظرهه تطلع ان شاء الله خير يا رب
بيوم نايم واجه الدكتور   گعدني
الدكتور : سجاد سجاد اگعد ارید احاچيك
سجاد : نعم دكتور گول
الدكتور : مااعرف شگلك بس انت لازم ترجع لأهلك  وجودك هنا مااله داعي
سجاد : شنو دكتور شصاير فهمني ليش ارجع بعدني مامخلص علاجي

الدكتور : راح اتصل على رافد يجي يأخذك لأهلك الفحوصات كلهه نفس الشئ ماكو اي تحسن احتمال انت حالتك ميؤس منهه
سجاد : شنو قصدك دكتور
دكتور : قصدي گوم اوگف علی رجلیك اريد اشوفك
سجاد : الفرحه ماوسعتني يعني فحوصاتي زينه
دكتور : اي كلش زينه وعضلات رجلك راجعات مثل قبل بس هسه يرادلك تتدرب عالمشي بعد ماكو علاجات طبيعيه هسه يرادلك مدة اسبوع عشر ايام تتدرب عالمشي وهاي جبتلك عكازات حتى يساعدنك وان شاء الله بعد اسبوع ماتحتاجهن
سجاد : شكرا دكتور تعبتك وياي مااعرف اشلون اجازي تعبك
دكتور : هديتي من اشوفك تمشي بدون مساعده
سجاد : ان شاء الله
صرت اتدرب من الصبح لليل الوگفه سهله علیه بس المشي بعد يراد وقت ان شاء الله مابقه شئ وارجع اشوف هديوه

هدى : ايام العطله مرت بسرعه بدون ما احس خلصتهه لو نايمه حتى اتخلص من الواقع لو اساعد ماما بالبيت وخليت ماما تعلمني الطبخ الحمدلله ضبطته كلش بعد بس شغلات بسيطه بقت
صباح الخير ماما
سناء : النور حبيبتي گاعده من وکت الیوم‌
هدی : ملیت من النوم ماما ضايجه كلش
سناء ': شبيچ حبیبتي تردين نطلع المكان
هدى : خلينه نروح للسوگ اشتري ملابس مابقه شئ للدوام
سناء : اي اگول گعدتچ من وکت مو لله وراهه مصلحه
هدی : ماما عفیه خلینه نروح
سناء ': ديلا اتريگي وبدلي ملابسچ ونمشي
هدى : اوكي يا احلى ماما
سناء : مصلحچیه مو بیدچ
هدی : اشتريت ملابس وشغلات احتاجهه واشتريت عبايه جديده ورجعت ميته تعب اول ماوصلت بس صليت ونمت حتى بلا غده نايمه وسمعت أصوات جوه طلعت من الغرفه حتى اشوف منو عدنه منو هذا اليحچي وي بابا هذا صوت 

صوتولي على كل بارت حبايب قلبي احبكم حيل