تعب گلبي

البارت الحادي عشر

بقلم اسراء عباس

أكبر تعب ممكن تحسه؟
تتذكر لحظه حلوه وتجيك
ابتسامه لا شعوريه
بثانيه تختفي هالابتسامه
لمن تتذكر انك فقدت
صاحب هاللحظه😞

سجاد : مرت خمس أشهر على بداية رحلت علاجي خمس أشهر واني بعيد عن اهلي هلكتني العلاجات الطبيعيه وره كل جلسة علاج اضل الليل ماانامه من الوجع تعبتني الابر والادويه والمقويات اتصل على اهلي كل فتره اطمن عليهم كله بكوم وهديوه بكوم
عفتهه زعلانه بس اني سويت هيج على مودهه فترة العلاج صعبه حيل واعرف بيهه ماتتحمل لهذا ردت ابتعد حتى اتعالج بعيد عنهه واعوفهه تعيش حياتهه اذا تشوفني اتوجع گدامهه تتأذه حيل خليهه زعلانه بس اتعالج وارجع اعرف شلون ارجعهه الحضني مره ثانيه لو باقي يمهه چان وقفت حیاتهه وحتی کلیه ماتدخل تبقی مشغوله بيه

هدى : گعدت الصبح بدلت ملابسي اجاني الخط رحت للدوام  سلمت على البنات وگعدنه نسولف قبل المحاضره شوي واجه ولد گال السلام علیکم ممکن احچي وياچ شوي
هدى : تفضل
الولد : لا وحدنه
هدى : ماشي تفضل
الولد : بصراحه اني معجب بيچ من فتره وسألت عليچ کلهه تحچي بأخلاقچ واني اريد اتعرف عليچ حتی اخطبچ
هدی : مااعرف شگول بس اني متزوجه شوفته الحلقه
الولد ': اني جدا اعتذر والله ماچنت اعرف ومحد گال متزوجه
هدی ': لا عادي مصار شئ من رخصتك
فاطمه : ها شنو معجب جديد
هدى : اي شلون اقنعهم اني متزوجه
الاء : انتي ولا مره جبتي سيرة زوجچ ولا حچیتي بيه يعني مامعقوله صار بالاربع اشهر نداوم ومانعرف شئ عنچ
هدی : ماکو شئ ينذكر مجايه مناسبه حتى احچي بزوجي
فاطمه : خاف غاصبيچ علیه لهذا ماتحبين تذكرينه
هدى : غاصبيني لا حبيبتي غلطانه هذا حب حياتي
الاء : اکو وحده ماخذه واحد عن حب وماتذكره ابد حتى بالصدف ماتجيبين طاريه
هدى : عفيه بنات كافي اني ماصدگت اتناسه الموضوع تفتحنه من جديد
فاطمه : ليش شصاير منفصلين
هدى : ماتحملت نزلت دموعي
الاء : لا حبي لا نعتذر والله ماعاش الي يبچي هاي العيون الحلوه تعالي امشي غسلي
فاطمه : طلعتي ام دميعه
هدى : ابتسمت  وگتلهم راح  اطلع للبیت تعبانه ومالي خلگ رجعت للبیت گبل ل غرفتي بچیت حیل آخ یسجاد یمتی انساك واعيش حياتي ليش بكل وجه اشوفك ليش بكل مكان اتخيلك ليش اريد ارتاح والله تعبت اتظاهر بالقوه بس اني ضعيفه بدونك والله ضعيفه احتاجك يمي مشتاقه الصوتك مشتاقه الحچیك مشتاقه الكلشي بيك وبنفس الوقت كارهتك شلون ماادري
سجاد : بيوم الي طلعت هدى من يمي اتصلت على صديقي دكتور جمله عصبيه ابوه عنده مستشفى اهليه بكادر طبي ممتاز گتله الصبح تعال اخذني بعد  ماحچیتله کلشي صار وياي اجه اخذني وحجزلي مكان بالمستشفى حتى اگعد بیه ومباشرتا بدیت العلاج وعذابه كل فتره ادز احد يشوفلي أخبار هدوة گلبي عرفت بيهه تداوم طب أسنان بت الكلب حتى هذا غيرته بس الشئ الفرحني تداوم بعبايه
سويت فحوصات جديده ومنتظرهه تطلع ان شاء الله اكو تحسن

هدى : بيوم باليل اجه عمو احمد حتى يشوفني
احمد : ها عمو شلونچ ان شاءالله تمام
هدی :  الحمدلله عمو حیاتي ماشيه ماوگفت علی احد
احمد : عمو حبیبتي انتي عاقله ولازم تعذرين سجاد وتقدرين ضرفه تره سجاد نفسيته تعبت وره الحادث وحس نفسه ثگیل علینه لهذا ابتعد
هدى : اني چنت مستعده ابقی ویاه الحد مایوگف علی رجلیه ومااتخلی عنه لحظه بس هو فضل يبيع
عن اذنك عمو عندي امتحان
احمد : براحتچ عمو
محمد ': اعذرهه ابو فهد البنيه مكسور گلبهه
احمد ': عاذرهه الله كريم

سجاد : باليل اجه الدکتور
الدکتور : ها الفحوصات طلعت
سجاد : اي دكتور بشر
الدكتور ': مااعرف   شگولك بس مجاي اشوف اي تحسن ليش ماادري 

****برأيكم وي منو الحق سجاد لو هدى

صوتولي احبكم😚❤