تعب گلبي

البارت التاسع

بقلم اسراء عباس
ما اظن نرجع سوة بس لا تحب ثاني
ولا تنطي روحك تره مو كل بشر اني
باچر اذا زعلك ماراح تلگاني
ماتلگة مثلي يهدلك الحيل
نعسان بس يسهرلك الليل
يعتذر منك وانت غلطان
ومن اليغثك دوم زعلان
بالمختصر لا تحب عن لا يأذونك
خايف تحب بشر ما يفهم عيونك
حساس اعرفك ترة
وخايف لمن تنهضم مايعرف شلونك
مو مثلي لمن چنت ماعيش من دونك
هاي الرسالة بدمي تنگال
وباچر تصادف كل الأشكال
خلي علة بالك تبقى طيري
محد يعوضك بية غيري .

وعيت على نفسي بغرفه بديت اردد اسم سجاد بصوت خافت گوه ینسمع سجاد سجاد وبعدهه صرخت بصوت عااااالي سجااااااااااااااااااااااااااااد اجو ماما وبابا يركضون على صوتي
سناء : سلامتچ ماما هدي
هدى : سجاد ماما اريد سجاد راح وهو زعلان مني
محمد : هدي بابا هدي سجاد ما مات
هدى :چا الدکتور شنو یقصد انتم‌ تکذبون عليه
محمد : حبيبتي سجاد أنشل شلل مؤقت مايگدر یمشي على رجليه حاليا يحتاج علاجات طبيعيه وتمارين هوايه يلا يرجع يمشي
هدى : شكرا ربي شكرا الحمدلله اتقبل كلشي الا فكرت موته بابا اني اموت بدونه تعرف شنو اموت
محمد : سلامتچ بابا ان شاء الله تتزوجون وتعيشون احلى ايام اني ظلمتكم هوايه وحرمتكم من بعض هوايه ان شاء الله الايام تتعوض
هدى : عافوني وحدي وراحوا صفنت وصرت أتذكر شغلات
أتذكر قبل اول مالبست الحجاب مره من المرات اندگ الباب فتحته چان سجاد گال
سجاد : تعاي هنا لچ هدیوه شلون تطلعین بلا حجاب
هدی : انت ابن عمي يعني عادي
سجاد : منو گال عادي حبيبتي العادي بس بابا وخوالچ وعمامچ واخوچ
هدی : بس اني ماعندي اخو
سجاد : هسه وگفتي على هاي فرضا اذا عندچ اخ
#####
هدى : اااااخ ياسجاد شگد چنت مهتم بتفاصیل حیاتي من واني صغيره
مره أتذكر جاي العب بالشارع واجه هو زمخ بیه ولچ هدی تعاي هنا
هدى : شكو ليش تصيح
سجاد : الحجاب وين اللعب والتنطط بالشوارع وين دخلي جوه لعبي يلا
هدى : ويامن العب ها ويامن مااحب العب وحدي
سجاد : السانچ بت الکلب اخذيهن وياچ ولعبن بالحدیقه
هدی : الا اگول البابا تغلط عليه
سجاد : ماتخوفيني بأبوچ
هدی : ماتخاف من بابا
سجاد : لا مایخوف ابوچ
هدی : ماشي بسيطه

#####
وتالي ياسجاد كبرنه وابويه طلعلك گلب بصف گلبگ وبالحیل یلا وافق علیك
حضنت نفسي وبچیت سجاد مشتاقتلك هوايه حنيت لأيامنه قبل من نلتقي بالبوگه حتی بابا مایشوفنه من تنتظرني اباب المدرسه بس حتى تلمحني وياويله اليدنه عليه ويحاول يتقرب مني
خليتني احبك واحب شخصيتك واحب حبك وغيرتك علي كل تفاصيلك حبيتهه حتى اسم تعب گلبي حبيته سميتني هيچ من  تعباك بابا ورفضك بدل المره الف واحد غيرك  چان استسلم من زمان
سناء : حبيبتي يگولون سجاد بده یصحه تعاي نشوفه
هدى : گمت بسرعه ورکضت مثل المجنونه گالوا همه وابوه یمه بس یطلعون ندخلچ اویلي يابه يلا بسرعه راح اموت اريد اشوفه
احمد :: ها عمو حبيبتي صرتي احسن
هدى : اي عمو احسن بس اريد اشوفه هو زين عمو عفيه گولي زين
احمد : اي عمو زين بس ما يدري بشغلة رجليه لا تحچین گدامه هسه
هدی : اوکي دخلت عليه التقت عيني بعينه بقينه وقت على هذا الحال وبعدهه ركضت بحضنه وبچیت بهستیریه اني اسفه اني السبب زعلتك خفت سجاد خفت تروح وانت زعلان مني اجن والله اجن بس يصيرلك شئ حبيبي اوعدني ماتعوفني الله يخليك سجاد لا تعوفني اني فتحت عيوني عليك مااشوف بالدنيا غيرك لا تعوفني
سجاد : ها يبعد كل ناسي ها يرويحتي خفتي عليه
هدى : متت انتهيت والله
سجاد : عار مااموت لا تخافين
هدى : اريد انام هنا واشرت على صدره
سجاد : خليني اصير زين واطلع منا ماانتظر لحظه وحده نتزوج بسرعه
هدى : احبك اني

سجاد : اخ بويه شو رجليه ماحس بيهه
هدى :اجه الدکتور حتی یشوف  وضعه ويكتبله على خروج
الدكتور : حياك الله يابطل
سجاد ': اهلا دكتور شنو يمتى اطلع مليت
الدكتور ': هسه راح اشوفك وان شاء الله ماكو شئ
بس اسمع اول ما تطلع تبدي بالتمارين والعلاجات
والعلاجات الطبيعيه وكل اسبوع تمر عليه حتى اشوف وضعك وان شاء الله ترجع تمشي على رجليك
سجاد : بعصبيه صحت يعني شنو اني بعد ما امشي صرت عاجز لا ياربي لا ليش شسويت بدنياي ولچ هدیوه حبیبچ صار عاجز بعد مابيه فايده
هدى : لو يگطعون رجلیك ثنينهن هم ابقى احبك
سجاد : هذا حجي بعد كم يوم تدخلين كليه وتشوفين الشباب اشكال والوان بذاك الوكت تندبين حظچ
هدی : اني فتحت عيوني عليك وراح ابقى وياك الحد ما اغمض عيوني ومايحلى بعيني شاب بعدك
سجاد: هدى سمعي راح اطلع منا واتزوجچ وشهر واحررچ اصلا هذا الچان رایده عمي من البدايه
هدى : انت شتحچي شو مامهتم كأنما جاي تسولف بموضوع عادي هاي مسألة حياة مسألة عمر ونعيشه اكيد صار العقلك شئ انت اذبحك ومااخليك تعيش بعيد عني فاهم لو لا
سجاد : لا تزيدين عليه المواجع هدى كافي روحي انتي للبيت كفيتي ووفيتي طلعي بره يلا ماريد اشوفچ
هدى : دموعي نزلت بلا وعي صرت ابچي بحرگة گلب الضاهر حچیك صدگ وانت بعتني وبسهوله هم  على الرغم الدكتور  گال شلل مؤقت بس انت ردتلك حجه واجتك عالبارد المستريح ماشي ياسجاد تحلم تلمح ظلي بعد وگول هدی ماگالت

مامبري الذمه الينشر القصه بلا ذكر اسمي