بقلم اسراء عباس
شعاتب منك وانه وركه بخريفك طاح؟؟ تهز عمري وتطيح سنين من عندي.. ظلمه ؟؟وخيط اسود؟؟ وابره عد عميان؟؟ وعفتني بنصهم ارجف بزرفي و حدي. ياسكف البنيته من الشمس لشتاي؟؟ بعز تموز اجيتك شفتك امندي.. الك بضلوعي شهكة نص جسر مكطوع؟؟ خمس سنين محد فوكه متعدي!!
هدى: رجعت للبيت دخلت الغرفتي بداخلي كسره ووجع ضليت ابچي هوايه الحد مانمت بمكاني
گعدت علی صوت وهوسه جوه رکضت حتى اعرف شصاير لگیت عمي وخالتي سلوى عدنه نزلت عیوني مورمه وجواهه اسود من البچي شكو شصاير
محمد : عمچ یگول سجاد اختفه من البارحه للیوم یدورونه ومالگوله اثر سآلین المستشفی یگلولهم اجه واحد اخذه ومشه
هدى : الله نزل عليه برود بهذيچ اللحظه مااعرف منين اجاني مااهتميت وعفتهم مخبوصين وصعدت الغرفتي لزمت دلیل الکلیات وگمت اگلب بیه اتصلت على صديقاتي حتى اناقش موضوع التقديم وياهم بقينه تقريب ساعه نحچي ونسولف شوي ونزلت جوه لگیت ماما بالمطبخ ماما حبیبتي جوعانه اريد ريوگ
سناء : هدى بيچ شئ
هدى : لا مابيه ليش
سناء : اليشوفچ بالمستشفی ووضعچ مایشوفچ هسه ولا یمچ السالفه
هدی : لتخافین ماما تلگیه راح یتعالج بغير مكان ماما سجاد قبل ما يمشي كسر گلبي وراح يگلي عوفيني وحتى اذا اتزوجچ شهر واطلگچ
سناء : يجوز من شاف وضعه هيچ ماراد یربطچ بیه
هدی : چذاب يريدله حجه الدكتور گله شلل مؤقت ويروح وي العلاج الطبيعي
سناء :: قدميله اعذار ماما حبيبتي هسه هو ابتعد حتى يراجع نفسه ويريح نفسيته ان شاء الله كم يوم ويخابر عليچ مستحیل یتحمل مایسمع صوتچ ویحاچیچ
هدی : ضحكت باستهزاء ورحت للثلاجه حتى اطلع شئ اكله
وره ايام انفتح التقديم للكليات خليت كلية طب الأسنان اول اختيار شلت شغلت الصيدله من بالي كلش راح أهتم بنفسي وبدراستي وبس
وصل العمي خبر ان سجاد جاي يتعالج ومايريد يلبكهم بيه مجرد حجج عالفاضي ماعنده غير الحجج
بعد اسبوعين طلعت قبولاتي والحمد لله طلعتلي الكليه الأريدهه جهزت كلشي واشتريت ملابس واكيد اكيد اشتريت عبايه جديده على ذوقي مو على مود سجاد بس صدگ حبیتهه وانطیت عهد النفسي مااذبهه ابد
داومت اول يوم خايفه ومرتبكه حيل اجواء جديده عليه اول مره اعيشهه سألت على قسمي وقاعتي وين ودخلت چان اکو هوایه طلاب شلون ادخل خاف اعثر بعباتي دخلت سلمت وگعدت مر الیوم عادي ماكو شئ مهم محاضرات سوالف تعرفت على ثنين بنات حبابات وحده اسمهه فاطمه والاء كولش خوش بنات صديقاتي بأيام الدراسه ولا حده صارت وياي شئ طلعلهم معاهد شئ كلية تربيه شئ هندسه واكو محافظات وسجى طلعلهه علوم ودائما على تواصل اني وياهه رجعت للبيت كولش تعبانه
هلو ماما عفيه ميته جوع شنو غدانه
سناء :هله حبيبتي الله يساعدچ مسويه دولمه غسلي وبدلي هسه ابوچ علی جیه
هدی: ماشي ماما بدلت ونزلت يم ماما بالمطبخ
سناء : شنو تفاصيل اول يوم الچ بالکلیه
هدی : محاضرات واستاذ طاب استاذ طالع تعبت كولش تعرفت على بنات ثنين كولش حبابات فطومه ضحوكه وتحب تشاقي وتنكت والاء هادئه ومتدينه حيل بأختصار يومي حلو اجه بابا وتغدينه غسلت وصعدت للغرفه صرت أكره اگعد وحدي تهيج عليه المواجع اني مانسيت سجاد على الرغم صار غايب بالشهرين مانسيته شنسى وشخلي انسى العشره والأيام الحلوه والمره العشناهه هي مو يوم ويومين حتى انسى خمس سنين خمس سنين ضحكنه سوه حزنه سوه عشنه کل ایامنه بتفاصیلهه سوه ماتفازگنه یوم مستحیل تنسي بيوم وليله مستحيل ماگادره اکرهك سجاد شسوي ماگادره
تصويتاتكم حبايب قلبي 😍😚
أنت تقرأ
تعب گلبي
Romansaوحين تبتعد عني عيناك اشعــــــــر بألـــم يمــزق قلبـــي اشعـــر بخوف اشعر بحزن تشتعــــــل ناااار اشواقــــي ويلتهب في داخلـــي الحنين. قد تدمــــــــــع عينــي وأبقــــى وحدي اعـــد الدقائــــق والساعات لعودتكـ،، اشتيآآآآآق ... وآحتراق ... وصوت أن...
