تعب گلبي

البارت الخامس

بقلم اسراء عباس

عيوني تعاركن بالغيره حد الموت
اذا تشوفك اليسرة اليمنة منتحسة
ومعذور ليغار عليك تعرف ليش؟
جمال البيك حتى يغار من نفسة
ما شبهك گمر هو يتشبه بيك
لأن ام الگمر چانت بيك تتنسة
سفينة الشمس ماترسي بشواطي الكون
بس خدود وجهك للشمس مرسه
ومن گد ما حلو لمن تمر بالناس
تگوم تغني حتى الوادم الخرسة

سجاد :رحت العمي حتى اتفق وياه اخذ هدوه نروح نشتري الذهب ونحجز صالون وبدله
محمد : وحدكم ماترحون اخذ لو امك  لو امهه وياكم
سجاد: عمي ليش خلينه نروح اني وياهه عليمن ناخذ احد ويانه
محمد : هذا العندي
سجاد : خلاص ناخذ امي ويانه
محمد : امك لا لأن اعرفك راح تقشمرهه وتخليهه ماتروح اخذ خالتك وياكم
سجاد : ماشي باچر بالتسعه الصبح امرلکم ونروح
ثاني يوم خذت سيارة الوالد ورحت البيت عمي انتضرتهم بالسياره على مااجو
سناء : السلام عليكم خاله شلونك
سجاد : وعليكم السلام هله خاله تعاي گعدي يمي
سناء : خلي هدى تگعد يمك
هدى : لا ماما اگعد وره
سجاد : باوعتلهه بالمرایه گاعده وره جاي اشوفهه شلابسه مو گتلچ بعد ماکو طلعه بلا عبایه
هدی : واني  گلت مااحب العبایه ماالبسهه
سناء : يمه سجاد نزلني يم خالتك هناء وروحو وحدكم
هدى : شنو ماما لا تره اگول البابا والله
سناء: انچبي روحو يلا كملو ومرولي
وصلنه المحل الذهب گلتلهه اختاري عاندت شفتهه تباوع على طقم ماشالت عينهه منه سألته على سعره گال ب7مليون یلا مایغله عليهه واريد وياه گلاده علی شکل گلب تنحط بیهه صوره عرض عليه مجموعه واختاريت وحده
اختارينه الحلقات گتله ارید تکتب علیهه اسمائنه گال علی باچر تعال علیهن طلعنه من المحل گتلهه گعدي يمي مو سايق عد الخلفوچ اني
هدى : خزرته وصعدت گتله رجعني للبيت
سجاد : بعد البدله والصالون نفس الصالون الچنتي تردينه قبل مو
هدى : اي شئ
سجاد : شنو الأي شئ فاتحه هي لو خطبه
كملنه كلشي ورجعنه على خالتي دگیتلهه هورن حتی تطلع
هدی : اريد انزل اسلم على خالتي
سجاد: انچبي وگعدي
وشفت ماهر طلع واتوجه علينه
ماهر: هله هاي منو هداوي شلونچ مشتاقین مانشوفچ هلیام
هدی : هله ماهر اني اكثر والله بس تعرف مشغوله بالدراسه ومااطلع
سجاد : ليش مااجيبلكم ثنين عصير مو احسن
ماهر : هله ابو الشباب اعذرني ماشفتك
سجاد : اي مو لابس طاقية الإخفاء
ماهر : لا هداوي نورهه عمه عيوني
سجاد :امشي صيح خالتك لا انزل ادفنك بمكانك
ماهر : هدي ابو الشباب مو كلشي بالقوه
سجاد : امشي لا اشوفك القوه شلونهه
اي ست هدى شنو مانزلتي تباوستي وياه فد نوب
هدى : ابن عمي وسلمت عليه شبيهه يعني
سجاد : هدى لا تختبرين صبري تعرفين كلش زين اني هذا الولد ماارتاحله لو تردين تحرگین دمي
هدى : اي شفت اشون مثل ماكسرت گلبي
سجاد : ماكو حل ثاني لو لاگي حل چان سویته
هدی : چنت تگدر تتفق ویاي نچذب عليهم بدون ماتسوي شئ
سجاد : فكرت بيهه بس ادري بيچ  ثوله ماتعرفين تمثلين
سناء: شبيكم صوتكم عالي تعاركتو
سجاد : لا خاله ماكو شئ رأسي موتني
سناء : سلامتك خاله خاف ضغطك صعد
سجاد: اي يمكن هيج
سناء راح اتصل بأدهم يجي ياخذك للطبيب لا تسوي حادث
الو هايمه ادهم انت وين
ادهم : اي خاله بالبيت صاير شئ
سناء : حبيبي هذا سجاد ضغطه صعد واحنا راجعين للبيت تعال اخذه للطبيب  اي احنه مو بعيد قريب على بيت عمك امجد
غدير : منو
ادهم : هاي امچ
غدير : شكو شبيهه ماما
ادهم : مابيهه شئ حبيبتي سجاد شوي تعب
السلام عليكم شلونكم شني سجاد شبيك هله ها يمه منو شلونج حبيبتي هداوي
سجاد : إنعل ابوك يابو حبيبتك تعال سوق بمكاني
ادهم : حتى وانت مريض ماتسكت نزلي هداوي خليني اكعده بمكانچ
هدی : ماشي
وصلنه للبيت وهم راحو للمستشفى

سناء : تعاي شسويتي للولد ليش هيج صار بيه
هدى : ماسويتله شئ هو على كلشي حارگ دمه لأن سلمت على ماهر انفعل وعصب
ادهم : شبيك هذا شكل واحد خطوبته بعد يومين
الدكتور : مو  گلت بعدوه عن الانفعالات احسن ینجلط
ادهم : دكتور محد محاچیه راح یشتري ذهب هو وخطيبته خطوبتهم بعد يومين المفروض فرحان خاف من الفرحه ضغطك صعد يويل
سجاد : ماكو شئ دكتور بس ما مأخذ علاجي اليوم
الدكتور: لازم تلتزم بالعلاج وانتبه الصحتك وابتعد عن الأنفعالات
ادهم : ان شاء الله  شكرا دكتور
شبيك شصاير مو هذا الچنت تتنظره من سنين شكو بعد
سجاد : هدوة گلبي تعبتني لك ادهم
ادهم : شكو شبيهه
سجاد : ادهم راح احچیلك كلشي صار وشنو الخله عمي هالمره يوافق يزوجني هدوه 

https://youtu.be/ZNFe4F2GTBM
صوتو للقصه ونشرو الرابط