تعب گلبي

البارت الثالث عشر

بقلم اسراء عباس

أجى واحد عليّا وكالي شبيك؟

أحسّ حملك ثكيل ودمعة بعيونك

وأحسّ داخل كليبك نار تشعل نار

وأحسّ ظهرك حنيتة وهدّلن متونك

كتلة القصة هيج وهيج بيّا الصّار

صـــــاح: الله أكبر، عمّي خيعونك

ما يسوون إظفرك خلهم يولّون

ما عدهم كلب ذولا اللّي يخونونك

تتعذّب عليمن أنتَ هم إنسان؟

بس دوس أعلى كلبك لا يدوسونك

وعليمن تنتظرهم والله ميرجعون

حيــــل بعيد صاروا ما يذكرونك

ولو بيهم أمل أنتظر جان ويّاك

بس قاسي كلبهم ما يفيدونك

وأُخُذ منّي نصيحة وعوف دمع العين

صافن لا تظلّ باجر يعبرونك.

 

ماهر : عمي الله يخليك زوجهه الي
محمد : اشبيك ماهر انت تخبلت البنيه على ذمة رجال اشلون ازوجهه الك
ماهر : عمي هو بس عقد سيد وصارله بالسنه غايب ويجوز مايرجع بعد يعني تبقى منتضرته
محمد : اي تبقى منتظرته ولا ازوجهه وهي على ذمة رجال ثاني
هدى : ويع هذا صوت ماهر شيريد نزلت لأمي
ماما هذا ابن اختچ شیريد المن جاي
سناء : يريد بخطبچ
هدی : شنو تخبل هذا شلون يخطبني واني متزوجه
سناء : والله ماادري يمكن فقد عقله
هدى :خليتني معلگه یسجاد لا طايله سمه ولا گاع
وبيوم بده الدوام وبلشنه محاضرات وروتين عادي شفت البنات صديقاتي حيل مشتاقتلهم
سجاد : الحمدلله بديت امشي بلا ما احتاج عكازات وان شاء الله خلال اسبوع اسبوعين ارجع امشي طبيعي جاي اخذ أبر مقويه وعلاجات احسب يوم يوم حتى اشوف تعب گلبي يمتى اسميچ راحتي يمتى يجمعنه الوكت جوه سگف واحد تعبت من الأنتظار
هدى : بيوم وزع علينه الأستاذ بحوث وصدفه صار اسمي وي ولد ابحث واحد وبيوم چنت واگفه وي هذا الولد زميلي الي وياي بالبحث اسمه ليث نتناقش على موضوعنه
سجاد : السلام عليكم
هدى : ماصدگت هذا سجاد اي سجاد واگف یمي لا هدى لا تضعفين ديربالج تضعفين
ليث ': وعليكم السلام منو
سجاد : اني زوجهه
ليث : اه اعتذر عن اذنكم
سجاد : بغضب الضاهر نسيتي انچ متزوجه يا مدام لا وبنص الكليه بعد
هدى : ليش منو انت
سجاد : اني سجاد لو نسيتي
هدى : سجاد مات مات بيوم الحادث السواه اما انت واحد مااعرفه
سجاد : لچ هدی اني سويت كل هذا على مودچ ماردتچ تتعذبين وياي بالعلاج صدگیني بفترة العلاج شفت الموت متأكد لو انتي وياي چان ماتحملتي تجيني ايام الليل ماانامه من الوجع ردتچ تعیشین حیاتچ وتکملین دراستچ وماتفکرین بیه
هدی : حسبالك اني ماافكر لو عشت مرتاحه لو نسيت وشئ وصار لك اني متت من التفكير والوجع البگلبي من غير نضرت الناس الي على ابو عافهه وراح تدري محد يدري بيك رحت تتعالج ومحد يدري بيك انشليت لهذا صرت اسمع اشكال الحچي شئ تگول شرد منهه شئ تگول مطلگه بس ماتحچي والأقوى من هيچ یگولون کسرهه و شرد حتی یذل ابوهه لأن عذباه يلا قبل بيه وأشكال الحچي يشيب شعر الرأس من غير هنا بالكليه كل يوم يجي واحد شكل يصارح واگول متزوجه بعد بس ماكاتبه على گصتي متزوجه محد یصدگ والله سآلنه البنات گالو مامتزوجه يابه يبنات اني متزوجه والله شنو عمرچ ماذكرتيه گدامنه ولا مره اجه عليچ کل هذا وتگلي تعيشين حياتچ اي حياة هاي ماتگلي اي حياة
سجاد : اسف ياتعب سنيني اسف والله ماچنت مفکر هیچ راح یصیر والله لآعوضچ علی کل لحظه عشتيهه بعذاب وأحط ايدي بعين كلمن يحچي عليچ
هدی : شکرا اتخطیت کل هذا وحدي مامحتاجه احد من رختصك عندي محاضره مشیت وانطيت الفرصه لدموعي حتى تنزل ليش  رجعت ليش ياعذابي ليش
سجاد : كل هذا صاير بيچ واني ماادري كل هذا عشتيه وحدچ اروح العمي احچي وياه
دگیت الباب
سناء : منو سجاد يمه سجاد حضنته فرحت من شفته واگف علی رجلیه
سجاد : شلونچ خاله عمي موجود
سناء : اي يمه ادخل
سجاد :  لگیت عمي گاعد بالصاله شلونك عمي
محمد : منو سجاد
سجاد : اي سجاد رحت بست رأسه واديه
محمد : وين چنت سنه وفوگ
سجاد : عمي رحت اتعالج وارجع ماردت اعذبكم وياي
محمد : هدى شافت ايام أمر من العلگم من الحچي وكلام الناس المايخلص والقال والقيل اجتهه ايام ما تنام الليل وياما ايام تتمرض وانام بالفراش بالأيام تبقى
سجاد : كل هذا عاشته واني مو يمهه عمي مستعد اعوضهه كلشي
محمد : مااعتقد تگدر ترجعهه مثل قبل
سجاد : لا تخاف عمي اعرف شلون ارجعهه الحضني مره ثانيه

هدى : شوفته هيجت عليه المواجع وبنفس الوقت فرحت واني اشوفه يمشي مشاعر مختلطه شئ يكرهه وشئ يحبه شئ مشتاقله وشئ ما يريد يشوفه بودي احضنه وبنفس الوقت بودي اضربه اااااخ يسجاد كومه عتاب شايلك گلبي
فاطمه : الحلو وين صافن
هدى : لا ماصافنه
فاطمه : البنات يگولون الیوم واگفه وي شاب يموت منو هذا لچ
هدی : هذا ليث چنت اتناقش ویاه عالبحث
فاطمه : ويع ياليث هو هذا شكل واحد مو من الكليه اعترفي
هدى : هذا ابن عمي
فاطمه : الله عليچ متزوج لولا خطبیني اله عفيه
هدى : على الرغم اعرفه شقه بس انتفض داخلي شبيچ هذا خطيبي
فاطمه : اي عيني هو هذا خطيبچ شدعوه لیش ضامته علينه تخافين نبوگه منچ
هدی : لا بس چان مسافر
فاطمه : اي گولي خطيبي مو ابن عمي يا حلو انت يا حلو اگول الوجه منور  أثاري بشوفة الأحباب
هدى : كافي فطوم  امشي عدنه محاضره

صوتولي وسوو شير لرابط القصه