وقد كانت صدفة

part 6

"وقد كانت صدفة "

يالموجود يالمحتاجك بكلشي
اتمناك تطلعلي من اي شي
من وجوه ما تستاهل عيوني
من خطوات ماتندل
تمشي بواهس ظنوني ..
من بين الزوايا المايمرها الصيف
چان محاضنك بيها ..
من حجاية صرت اسمعها واتأذه
وحدك چنت تحچيها .

ثاني يوم جمعه رحنه لبيت جدي أهل بابا طبعا هاي عدنه عاده الكل ينجمع من عمامي الكل بس عندي عمه وحده متزوجه وعايشه بالخارج.

دخلنه وسلمنه ، الكل موجود لان الميجي يعتبون عليه احنه بس الجمعه نتلاگه لان الكل عنده دوام والتزامات
دخلنه للاسقبال كلهم كاعدين من عمامي ونسوانهم واولادهم وبناتهم،رحت گعدت يم بيبي جان تكول..

(بيبي) خوله: شلونه الوفه؟

ردت احجي ويجي آدم ويگول ..

آدم:قصدج البومه بيبي

خوله :احترم نفسك يلمسودن ليش تحجي على اختك هيج

آدم: والله بس باليل نشوفه مثل البومه

ايلاف:لعد شسويلك غير عندي دوام ،بابا شوفه شلون يحجي عليه

علي:آدم كافي عوف اختك غير عده دوام ،تعالي حبيبت ابوه اريد اشوف منو ينجحه بالمادة

آدم:لا اله هاي عمي اني البومه والخفاش وكُلش احجي بس لا مادة استاذ علي ،كلهم ضلو يضحكون وسوالف خلصوا گاموا طلعوا بره حتى يشوّن السمچ والبنات يفترون هاي لي تسوي الطرشي وهوسه اني دگت عليه ميسم حتى نتفق على الطلعه.

اتفقت اني وياه على الساعه 4 العصر ، دزني عمو حتى اجيب نفط للنار من وره البيت بالحديقة الخلفيه وجان الگه آدم خاتل مثل الي جاي يصنط اجيت من ورا دار وجه عليه وسوه حركه بيده معناه اشششش وجان اشوف ليث ابن عمي احمد ورفل بنت عمي الثاني رسول لازم أيده ويگول اله ...

ليث: بحزن رفل مو جاي أتاذه مدكوليلي ليش حاظرتني ومن ادك على الخط ترفضين ليش؟!

رفل :ليث انتَ شايف تصرفاتك بس واحد من الطلاب حجه ويايه كلمه راساً ومطلته بالگاع شنو سالفتك فتهمنه تغار بس مو بهيج درجه وشكم مره فصلوك وانت بعد نفس تصرفك شتريدني اسوي .

ليث :لعد شترديني اسوي لمن يجي ويعترفلج بحبه ياله اگله عاشت ايدك حبيبي خوش سويت من عترفتله ،بابه سكتي جاي اكلج لتحجين ويه الطلاب شنو بس أنتِ وياهم بالقسم شاطره ويسألوج داكولج اني اغااااار تعرفين شنو اغار تحمليني ..

رفل :ليث تره صارت الشغله بلا ملح اني بعد ما اقبل تتدخل بشيء ميخصك ونترت أيدي منه.

ايلام:جان ينصدمون من يشوفونه اني وآدم رأساً بتعدوا عن بعض گال ليث

ليث :ها خو ماكو شي محتاجين شي ؟؟رد آدم

آدم:حجه بخبث مصاحب ابتسامه ممممم من شوكت انتو هنا وليش مدگول انتو على علاقة ؟!