امل جابت الحاجه ومشيت وطلعت بيتها
سيد :انتي كنتي فين يا امل قلقتيني عليكي يا بنتي
امل:كنت بجيب فطار و حاجات للبيت
سيد :هو انا مش قولتلك ارتاحي انهارده انا كنت هنزل اجيب كل حاجه
امل: عادي بقي انا هدخل اغير هدومي واغسل ايدي ونفطر ماشي
سيد :ماشي يا ستي
الايام ماشيه بتتابع من غير اي احداث
امل في الجامعه مع ريم و ملاحظه ان ريم متغيره وماسكه الموبايل علي طول مش سيباه من ايديها خالص و دا عكس طبعها
امل :هو اي المميز في الموبايل انهارده
ريم بصتلها و ابتسمت و ماردتش
امل:لاوالله طيب قومي عشان ندخل المحاضره
دخلو الاتنين المدرج و ريم ماسكه الموبايل بارده و بتتكلم مع حد و هي مبتسمه لحد ماخلصت المحاضره و هي علي نفس وضعها امل كانت بتبصلها باستغراب
ريم قفلت الموبايل و بصت لامل كانت بتبصلها نظرات استفهام
ريم ابتسمت: هقولك كل حاجه
امل :قولي
ريم : عارفه سمر جارتنا
امل :اه مالها
ريم :كنت واقفه معاها من كام يوم وكملت كلام وهي مبتسمه و اخوها شافني معاها و جيه كلمني بعدها
امل وهي مبرقه .....اخو سمر حمُصه
ريم :حمُصه ايه اسمه حماصه
امل :وهي فرقت معاكي اووي وبعدين انتي اتجننتي يا ريم دا واحد.صايع وانتي ليكي مستقبل اذاي تفكري في كدا
ريم :ماتقوليش عليه كدا يا امل دا بيحبني من زمان وكان مستني الفرصه بس
امل بضيق من كلامها ..... يا ريم الطريق من اوله غلط انتم الاتنين عكس بعض في كل حاجه مش هيكون في تفاهم مابينكم انتي واحده متعلمه وهتبقي دكتوره لكن دا واحد جاهل مايعرفش حاجه وصايع اذاي تفكري فيه انتي مفكرتيش في الحياه اللي جايه هتبقي اذاي
ريم بصت لها من غير ما تتكلم
امل باستغراب .... انتي مش بتردي ليه
ريم :عشان ماتوقعتش ان كلام حماصه يطلع صح انا كدبته وقولتله امل اقرب صاحبه ليا و دي أختي
امل بعدم فهم .....انتي بتقولي اي
ريم : بقول الحقيقه يا امل انك انتي بتغيري مني تحبيني اه لكن ابقي احسن منك لا
امل بصتلها و برقت بزهول .... انا يا ريم
ريم :ايوه انتي و حقيقي انا اتصدمت فيكي انا كنت اتوقع اي حد يكرهلي الخير لكن انتي مستحيل و سابتها و مشيت و امل باصه عليها في زهول مش مصدقه اللي اتقال من ريم و دموعها لمعت في عنيها و قامت هي كمان عشان تمشي وراحت المستشفي
