الوقت مر و سليم رتب كل حاجه عشان يكون مامن نفسه و مامن اللي معاه كمان و طول اليوم كان بيبص علي بلكونه امل نفسه يشوفها تطلع ذي عادتها عايز يطمن عليها بس ملهاش اي اثر و دا قلقه عليها وان سيد نفسه مانزلش دا بيقلقه اكتر
سامر :سليم
سليم:ايه
سامر:الرجاله امنت المكان و انا اتفقت مع كل علي مكانهم.
سليم :تمام
سامر :بقولك ايه طيب انا في حاجه مش فاهمها
سليم :اي
سامر :العربيه الذياده دي لزمتها ايه وليه انت مش معرف بيها حد غيري
سليم : عشان لو باظت يبقي بسببك انت يا فالح ووقتها هعلقك علي باب المعرض دا
سامر :اي يا عم قلبك ابيض
سليم :انا بعرفك. بس اللي هيحصل
سامر : اطمن انا ماتكلمتش بس باردو مافهمتش انت جايبه ليه و ليه مش هيمشي معانا
سليم : هو وجوده امان لينا عشان لو خيربت ما تخربش اوي نلحق اللي نقدر عليه
سامر :مش فاهم
سليم :بقولك ايه مش وقته رغيك دا دلوقتي هبقي افهمك بعدين المهم روح كمل شغلك انت و نفذ اللي انا بقوله
سامر ماشي
و جيه معاد العمليه وسليم راح مع رجلته علي مكان اللي متفق عليه
عطيه :اي يا سليم هننزل
كرم :ننزل فين لسه فاضل ربع ساعه انا قولتلك قبل مانتحرك ان كدا هنوصل بادري
سليم نزل منغير ما يتكلم وتجاهل كلام كرم وشاور للرجاله تنزل و كلهم نزلو
سليم ابتدا يوزع الناس بحيث انهم يكونو محاوطين المكان
كرم بقلق .... هو في اي يا سليم
سليم :بامن العمليه مش اكتر
كرم :ايوه بس دا مش كان في الخطه يعني
سليم : عارف
كرم بتوتر : هوانا بعرفك منا عارف انك عارف انا بس مستغرب انك كنت مرتب حاجات من ورانا و يتري دي اخر حاجه مخبيها ولامخبي حاجه كمان
سليم ماردش عليه وولع سيجارته ونفخ دخانها .....مايخصكش
كرم بص لسليم بتوتر و قلق منه و حس ان سليم مرتب لكل حاجه خاف خطته تبوظ هو حط نفسه بين خانتين لو نفد من الظابط مش هينفد من رجاله ابو نواس وبقي يبص لسليم بخوف
وبعد وقت وصل رجاله ابو نواس وتقابلو في نص
سليم كان متقدم عن رجالته و معاه شنطه الفلوس وبص للشخص اللي قدامه كان عنيه فيها الغدر و سليم حس ان الموضوع دا مش هيعدي علي خير
