سؤال بس ليه تفاعلكم قل كدا تاني 🥺🥺
فضلا يعني فوت قبل ماتنولو☺️
امل و هي بتصور رجعت لورا الكارتونه وقعت و عملت صوت و خلت اللي موجودين انتبهو علي صوت
شخص ١:اي صوت دا هو في حد هنا
شخص 2:مش عارف تعالي نشوف في اي
بصت حواليها كان في شباك خرجت منه بسرعه و بقت تجري بخوف
شخص 1:اهي هربت الحقها بسرعه مانعرفش هي سمعت ايه
امل بقت تجري وهما بيجرو وراها لحد ما خبطت في حد بترفع راسها برعب كان سليم
سليم بصلها باستغراب شكلها خايف وقبل مايسال شاف ناس جايه تجري من بعيد ف شدها و استخبي ورا الحيطه و حط ايده علي فمها عشان تسكت و هو بقي يتابع بحزر لحد ما اطمن انهم مشيو من طريق تاني و اخدها وبعد
سليم:. انتي كنتي بتعملي ايه و ناس دي بتجري وراكي ليه
امل بتاخد نفسها....كنت في المخزن
سليم بانفعال:هو انا مش قولتلك مالكيش دعوه انتي عارفه لو كانو مسكوكي كانو هيعملو فيكي ايه انتي ليه مش بتفكري
امل اضايقت من طريقته : دي حياتي انا وانا حره فيها بلاش تعيش دور انك خايف عليا
سليم بصلها بغضب وقرب منها : انتي شايفه كدا
امل خافت من نظرته ف رجعت خطوه لورا و شدت ايده و حطت الموبايل فيها : ايوه اتفضل دا دليل ادانتهم هتعرف تقبض عليهم انا كنت ناويه اروح بيه القسم بمان انك جيت اتفضل
سليم ماردش عليها بس شدها ومشي و كان ماشي بخطوات سريعه و امل بتجري عشان تعرف تمشي مع خطواته راح بيها لحد مكتبها و دخلها و قفل الباب
امل :انت اي الهمجيه اللي انت فيها دي امت بتشد حمار
سليم بنفعال. :انتي ياريت تسكتي خالص انتي فاهمه ولا لاء
امل كاانت عايزه ترد عليه بس سكتت و سليم سمع الفديو و بصلها و عجبه تفكيرها
واتصل بكريم
كريم :خيرررر انا مش بتفائل اما تتصل بيا اصلا
سليم :تعالي المستشفى دلوقتي و هات معاك عسكري عشان يكتب محضر
كريم بص للموبايل بعدم فهم ....انت بتكلمني انا
سليم بانفعال :ككككريم
كريم : ياعم مانزعقش خلاص جاي سلام
سليم قفل و دقايق و كان كريم جيه و معاه عسكري وبصلهم باستغراب
سليم :افتح محضر يابني
و قالو يكتب كذا حاجه وقال لامل تحكي
امل بصتله بعدم فهم
سليم:ماتحكي اللي حصل معاكي
امل:انت بتزعقلي كدا ليه انت ماتزعقليش انا مش شغاله عندك
سليم: امل ماتختبريش صبري اكتر من كدا
