امل كانت قاعده علي ارض في جنينه وسانده ضهرها علي شجره بتقرا كتاب و شعرها نازل علي وشها و حست بحد بيشيل شعرها فرفعت راسها بخضه
سليم كان قاعد قصادها بيبتسم و هو بيشيل شعرها فامل رجعت هي شعرها لورا
سليم ابتسم ....اتخضيتي كدا ليه
امل بتوتر: مفيش و جمعت شعرها كله في ناحيه واحده
سليم قطف ورده من اللي جنبها و قرب منها و حطها في شعرها وامل اتوترت اوي من قربه منها دا و سليم احلي وقت بالنسبه ليه اما يشوفها متوتره ومتلغبطه كدا
سليم:قاعده كدا ليه
امل باحراج: عادي انا بحب اقعد هنا
سليم : اقعدي علي كرسي اريح ليكي من قاعده الارض و اقري براحتك
امل: انا مش قولتلك اني بحب اقعد هنا و راحت قايمه واقفه و مسكت كتاب في ايديها
سليم وقف هو كمان ...راحه فين
امل : طالعه اوضتي عن اذنك
سليم وقف قصادها وكل ما امل تتحرك سليم يقف قصادها
امل :وبعدين بقي و سليم بصلها و ابتسم
املل:لو سمحت عايزه اعدي
سليم: بابكي عمل العمليه علي فكره و قريب اووي هينزل مصر
امل : ايهههه امتي انتم مش قولتو انا هروح معاه العمليه
سليم : انا كنت متابع مع دكتور عشان اعرف ارتب ليكي ورق السفر بس هو رفض انك تيجي عشان محبش يتعبك و يعطلك عن دراستك و هو خلاص كلها كام يوم و هتلاقيه نزل
امل بصتله :هو كويس يعني
سليم :اطمني العمليه نجحت
امل وطت في الارض :شكرا
سليم: انا معملتش حاجه ربنا يطمنك عليه
شهد: اموله انتي هنا وانا بدور عليكي تعالي هاي يا سولي
امل : في حاجه يا ماما
شهد : اه عن اذنك يا سليم و اخدت امل ودخلت البيت و كانت ماشيه بتتكلم معاها
نادر:صباح الخير يا اموله
امل:صباح النور يا عمو
نادر :. اخبار المزاكره اي انا عايز الماجستير بتقدير امتياز
امل ابتسمت :ان شاءالله
نادر؛ لو حابه تسافري اي بلد تكملي دراستك فيها انا معنديش اي مانع و جاهز من دلوقتي
امل بلهفه و حماس :بجد .... و بعد كدا سكتت و تداركت نفسها ...شكرا يا عمو
نادر ضحك و لف ايده حوالين كتفها : انا قولتلك قبل كدا انتي ذي هديل مفيش فرق شوفي حابه تسافري فين و انا هرتبلك كل حاجه ومش تترددي ثانيه فاهمه
