ريم ماشيه و بتشجع نفسها علي اللي هي هتعمله و بتقنع نفسها انها صح عشان تبقي ذيها ذي امل لحد ما وصلت عند الورشه اللي شغال فيها حماصه و شافته واقف قدام الورشه بصتله وضحكت ف راح ليها
حماصه :خير
ريم :انت زعلان مني
حماصه:وهزعل منك ليه انتي عملتي حاجه جايه ليه
ريم :عشان بحبك و مستعده اعمل اي حاجه عشان ترجعلي
حماصه بص حواليه وبصلها وضحك ....اي حاجه
ريم هزت راسها باه
حماصه طلع مفتاح الشقه بتاعته ادهالها ....اسبقيني علي هناك وانا هخلع وهحصلك
ريم اخدت منه المفتاح بايد بتترعش وراحت علي مكان اللي هو قالها عليه و دخلت الاوضه اللي هو عايش فيها و كانت خايفه جواها حاجه بتقولها تمشي وان كدا هي بتقضي علي نفسها
ريم :اهدي انتي صح انا هخليه يتعلق بيا و يحبني امل قدرت تعلق سليم بيها هي اكيد مش اشطر مني وهنجح ف دا و هخليه يجي يتقدملي
ريم روقت الاوضه و سايبت شعرها وقعدت تستناه
وبعد مده جيه حماصه و معاه شنط
حماصه بصلها باعجاب من فوق لتحت ....اي الجمال دا وجيه يقرب منها ريم بعدت. ...اي شنط دي
حماصه:دي حاجه كدا لزوم الليله شويه اكل و شويه مزه
ريم:اه
حماصه قعد هو وريم ياكلو و نظرات حماصه ليها كانت مخليها متوتره و محرجه تبصله
ريم عشان تقلل من توترها ....تحب ارقصلك
حماصه :احب اوووي وقعد عدل عشان يشرب و يتفرج عليها
وريم رقصت و بقت تتدلع عليه وبعدها قام رقص معاها
وبعد مده حماصه كان لم الحاجه اللي في الاوضه ووقف يلبس هدومه وبصلها و ضحك
حماصه :قومي روحي عشان مرات ابوكي ماتخدش بالها انك اتاخرتي
ريم؛هشوفك تاني امتي
حماصه:اانتي عرفتي المكان اما تعوزي تيجي تعالي
ريم :يعني انت دلوقتي اتاكد من حبي ليك و هتكمل معايا
حماصه: طبعا اللي بتحب بجد مش بتمنع نفسها عن اللي بتحبه
ريم بصتله بحب ....طيب انا همشي بقي عايز حاجه
حماصه :لا يا جميل خلي بالك علي نفسك
ريم ابتسمت ليه بسعاده و مشيت
حماصه ضحك .... هبله اووي قال نكمل قال و شرب من ازازه اللي قدامه وهو بيضحك و بيفتكر وقته معاها
ريم مشيت و كانت طايره من الفرحه و حاسه انها اخيررا امتلكت كل حاجه
وهي ماشيه شافت سليم بس حاسه المره دي بانتصار مش بضيقه و كان مشغلين اغنيه لعبدالحليم (اول مره تحب ياقلبي)
