امل قاعده بتشرب عصير و بتاكل و موبايلها رن برقم بابها
امل:الو يا بابا
سيد :عامله ايه يا حبيبتي
امل:الحمدلله قاعده مش بعمل حاجه ف باكل
سيد :بالف هنا يا حبيبتي طمنيني عليكي احسن دلوقتي
امل اتنهدت ....اه الحمدلله
سيد :مش ناويه تحكيلي كان مالك
امل :اصل كنت متخانقه مع ريم ف كنت مضايقه
سيد بتعجب....ريم
امل ضحكت : شوفت بقي انت نفسك استغربت
سيد :طيب وكان اي سبب الاختلاف دا انتم عمركم ما زعلتو من بعض
امل :مش مهم اي سبب المهم ان احنا اتصالحنا صح
سيد :صح ربنا يهدي الحال مابينكم يا بنتي و يحببكم في بعض
امل بصت في ساعه .....طيب انا هقفل بقي عشان في معاد دوا لمريض
سيد :انتي جايه امتي
امل : هديلو الدوا و هاجي علي طول
سيد :ماشي يا حبيبتي انا هاجي اخدك
امل :ماشي سلام
امل قفلت مع بباها و راحت لسليم و هي كانت ماسكه العصير في ايديها
امل :جيت المره دي قبل ميعاد الدوا
سليم ابتسم ... ماشي
امل حطت العصير بتاعها علي تربيزه و طلعت العلاج لسليم
سليم : هو ممكن مسكن بس يكون في مخدر عشان عايز انام
امل :حاضر اتفضل دا علاج بتاعك و دا المسكن
سليم : شكرا
امل : العفو
سليم: هو دا اسموزي توت
امل :اممم تجربه
سليم :مش بحبه
امل شربت منه ....ليه دا جميل خالص
سليم رفع حاجبه ....خالص اللي هو اذاي
امل:يعني جميل
سليم ابتسم و امل انتبهت لموبيلها ....دا بابا انا همشي بقي
سليم :انتي ماشيه خلاص
امل:اه انا خلصت شغلي خلاص وانت كمان هتنام لحد الصبح وبكرا هاجي اطمن عليك سلام وسابته وخرجت
سليم رمي البرشامه وخرج من المستشفى بكل هدوء
من غير ما حد يحس بيه و راح البيت لكرم و دخل من غير اي اثر علي دخوله كانه شبح
كرم داخل بيته بكل امان ذي العاده و لسه بيفتح الدولاب عشان يغير هدومه اتفجئ بسليم في دولاب و موجه المسدس عليه
