نوفيلا زينة الغرام

🍉الفصل الرابع🍉

.
- وانتي ليه محكتليش حاجه زي كدا يا خالتي ازاي تاخدي منه الفلوس دي وأنا موجود

هتف بها معاذ وهو يقف بأرض مصنعه يتملكه الغضب من ذلك الرجل الاربعيني..

نظرت سعاد له بقله حيله :

- أنا محبتش اتقل عليك اكتر من كدا كفايه انت صبرت علينا كتير اوي في الايجار يا معاذ كتر خيرك يبني

حك معاذ يده بمؤخره رأسه وقال بهدوء :

- ايجار ايه بس انا عمري ما استنظرت منك ايجار ولا غيره انتي ازاي تفكري في كدا بس

نظرت له بخجل من رجولته المعهوده واجابت:

- اهو ال حصل بقا بس انا لازم اتصرف قبل ما يجي هنا تاني المصنع ويعملك مشاكل

امتعض معاذ وتحدث قاطباً جبينه:

- كلام ايه دا بس يا خالتي طيب دا كويس انه جه هنا وانا موجود عشان ياخد ال فيه النصيب الراجل دا عاوز يتربي اصلا علي ايدي

ردفت سعاد بابتسامه بسيطه:

- ربنا يوفقك يا حبيبي وتفضل علي طول في ظهرنا

اومأ لها بابتسامه وهو يردف بتأكيد:

- انا النهارده هروح اديله فلوسه عشان ميبقاش ليه عندنا حاجه وبستسمحك يا خالتي ان كتب كتابي أنا وزينه يبقي علي طول انا مش عاوز الراجل دا يفكر كتير انه ممكن يتجوزها ويفضل عنده أمل

- كتب الكتاب وموافقه لكن موضوع الفلوس دا لأ كدا بنتقل عليك اووي

نفي معاذ بهزه قاطعه من رأسه قائلا:

- تاني يا خالتي تاني اعتبريها هديه مني لزينه متشليش هم حاجه انتي خالص وكملي شغلك ولا كأن حاجه حصلت

ابتسمت سعاد بتلقائيه وردفت قبل أن تغادر:

- ربنا يحميك يا حبيبي

                             ***

بعد مرور ساعتين

ذهبت زينه إلي محل صالح الصغير القائم بالمنطقه تجولت بعيناها باحثه عنه فلم تري له اثر قطبت حاجبيها باستغراب وهي تكبر فتحة الباب ناظره قليلا داخل المكان فلم تري احداً وما لبثت حتي لفت انتباهها صوتا قادماً من خلفها:

- هو مش هنا دلوقت بس لو محتاجه حاجه أنا في الخدمه جربي بس تؤمري وشوفي ابراهيم هينفذ ازاي

امتعضت وهي تلتف له محاوله الذهاب :

- ابعد عني يا راجل انت وسبني امشي

بينما هو منعها وردف برفض قاطع:

- بقا حد يلاقي البسكوته دي ويسبها تمشي كدا بسهوله

ثم تابع ناظرا اليها بقوه:

- انتي هتبقي ليه غصب عن اي حد في المنطقه دي أنا الكبير هنا وانا ال كلمتي هتمشي يا حلوه!!