العروسة في الثوب الاسود

الارت ٣١و٣٢

٣١_________٣٢
العروس في الثوب الاسود

البارت الواحد والثلاثون

وصلنة لزم ايدي ودخلنا سوى للكلية .

رسيل: والله حلوة كليتك

ابتسم وكال..

حسام: بس مو احلا منج ..

رسيل: حسام كافي عاد ..

شدد لزمتة على ايدي ، ومشينه لحد ما وصلنه للقسم
جانت اجواء تجنن الكل مخبوص ولد وبنات .

شافنه ولد مبين صديق حسام .

ها لك هاي منو وياك

حسام: انجب معليك لتباوع لا افكس عينك

عمر: ما اباوع عمي راح اغمض بس شنو هاي صاروخ

حسام: عمر لتخليني اتندم جبتها ويايه ولو اني متندم، اكعد راحه احسلك

ضل يضحك ويصنف مبين صديقه المقرب .

بعدين صاح على بنيه واكفه ليغاد مخبوصه جانت ويه البنات .

حسام: سارة سارة تعالي

سارة: هلو شلونك هاي منو الحلوة وياك .

حسام: بت عمتي رسيل..

سارة: الله هم اسم حلو وهم وجه يجنن ..

حسام: قل اعوذ برب الفلق يمعوده لا تحسديها .

سارة: لا عيني ما احسد اني بس والله حلوة ..

حسام: امشي لج صوجي صحتج ، ياربي وين أضمها من عيونكم

رنا: هاي منو اليوم ويه حسااااام واخيرا تعرفنه على الحب .

حسام: ياحب لج.

تغمزله وتحجي ..

رنا: ياحب يعني اللي اربع سنوات خلاك متشوف احد وتمشي كمب الحيط تعال عمر وينك عمررررر ...

حسام: ها راح تنصبون عليه بسيطه

عمر: ها رنووو شفتي الصاروخ

رنا: شفت شفت واخيرا عرفنه منو حبيبه الكلب .

ضلو يحجون بيناتهم ، كلش ضجت وحسيت بتوتر وابد مرتاحيت .جريت ايد حسام وشاورته .

رسيل: حسام دنك احجي وياك ..

حسام: ها عيني شنو ...

رسيل: ترة ضجت شنو هالحجي امشي رجعني

حسام: تعاي نكعد بمكان هادئ...

رسيل: لا عفيه رجعني وانت ارجع اخذ راحتك ويه جماعتك ليش تتقيد بيه .

حسام: لا متقيد ولا شي امشي نكعد وهم ناكل شي قبل الصورة بعد ساعه موعدها .

رسيل: ماشي

لزم ايدي وطاير بيه يمشي سريع يا ولد اللي يصير كدامي ويباوع يخزره لو يصير كبالي ويخليني امشي وراه الى ان عثرت بحفرة صغيره بيها مي وطين.