٥١_____٥٢
العروس في الثوب الاسود
البارت الواحد والخمسون
رسيل: لتكلي هلمرة صدفه لان ما راح اصدكك .
حازم: لا مو صدفه بس اريدج بموضوع
رسيل: واني ماعندي بيني وبينك مواضيع عوفني عفيه ليروح مروان يشوفك ويايه وتصيرلي مشكله.
حازم: انه هم ابن عمج حالي حال مروان ليش خايفه مني.
رسيل: مخايفه بس مروان ميقبل احجي وياك.
حازم: بصفته شنو ميقبل زوجج اخوج
رسيل: ابن عمي واخويه ؛ واذا كملت سوالفك الله وياك ، التفتت اروح جان يلزمني من ايدي ؛ وبلزمته طبك مروووان، دكلي هورن رحت صعدت ،
اجه حازم يسلم على مروان، وصل للباب يريد يفتحها ، مروان شخط السيارة ومشى سريع .....التفتت ورايه شفت حازم واكف مبين ضاج ، رجعت باوعت على مروان ، شال ايده يلبس النظارة الشمسيه ، اني عبالي راح يضربني رأسا خليت ايدي على وجهي .. هو انتبه عليه .جان يكول
مروان: اتأكد بالاول
رسيل: شنو مفهمت
مروان: اتأكد من سالفتكم ويصير خير .
رسيل: مروان تشك بيه معقولة؟
مروان: وليش لحتى ما أشك
رسيل: بس انت تعرفني اني شنو واخلاقي شنو
اندار عليه خازرني
مروان :لا والله ما اعرفج منين اعرفج،
البارحه كلتي صدفه ومشيتها بمزاجي اليوم شنو هم صدفه اتحرى عن السالفه واذا طلع من جواها شي محد يخلصج من ايدي.......صاير نار ، الله يستر
سكتت بس شنو الدنيا طلعت من عيني يعني يوم واحد ميعدي عليه بسلام ، كل مرة تصريلي شغله اتعس من القبلها .
رجعني للبيت نزلت وشخط السيارة وراح .
فتت للبيت نورة بالمطبخ .
رسيل: هلوو نور
نور: هلو رسوله
، مدنكه تلبس ابنها الشورت وتحجي ويايه رفعت
راسها .
نور: هاي شبيج شو وجهج اصفر
رسيل: ما ادري شكلج
نور: احجيلي دادة
جرتني وكعدنه على الكراسي مال ميز الطعام .
رسيل: باعي اليوم .....وحجيتلها الصار كله .
نور: هاي لعبه
رسيل: شلون يعني لعبه ومن منو؟
نور: رغد ورة هاي السالفه .
رسيل: وشنو راح تستفاد.
نور: تستفاد لتخافين، ديري بالج لتوكعج بمصيبه .
أنت تقرأ
العروسة في الثوب الاسود
De Todoبنات القصة منقولة والقصة كل بارت بي ٢ #العروس_في_الثوب_الاسود ١_________٢ #مقدمه لم يكن يومآ الحُزن قضيتي ! بل قضيتي كيف اتخلص منه ! الحزن هو شعور بالعجز يشعر به المرء لكنه لايدوم . احيانا يغرقنا الحزن حتى نعتاد عليه وننسى أن في الحياة أشياء جم...
