٥٧____٥٨
العروس في الثوب الاسود
البارت السابع والخمسون
رسيل: بس انت راح تشعل حرب بينه .
مروان: اريد من الله واحد يفك حلجة بجلمة وياج حتى اشوفه بعينه الامهات شتجيب ....
هديت ايدة ورحت كعدت جايبين مرجوحه جديدة يمكن علمود ايه بت ياسر، رحت كعدت عليها وهو كعد على الكراسي، وبدة يدخن.
رسيل: ليش هواي تشرب جكاير ترة موزين.
جان ديورث الجكارة بحلكة ورفع عينه باوعلي ،
ابستم
مروان: تخافين علي؟.
رسيل: اخاف منك ؟
ضحك ،
رسيل: شبيك حجيت شي يضحك؟
مروان: زين يعني هم تخافين، شغلي ما راح بلاش.
رسيل: لا عبالك اخاف من الضرب مالتك .
مروان: لعد؟ رفع حاجبه
رسيل: شخصيتك اخاف منها
مروان: من أي ناحيه
رسيل: كلها ، ما اعرفك ، ولا اتوقع ردات فعلك
شفته كام من مكانه .
رسيل: وين
مروان: اجيب كرزات واجي ..
راح، كلت بكلبي اكص ايدي اذا صاحي .
اجه وجايب ماعون وصينيه صغيرة.
كعد ورفع رجله على الطبله وخله الكرزات بصفه
مروان: يلا احجي .
رسيل: جان كتلي اني اجيبلك .
مروان: مو ما اريد اشتت افكارج
رسيل: شلون يعني مفهمت.
مروان: اول مرة اكعد يم عرافه واريد تحجيلي عن شخصيتي وياريت بدربج تشوفيلي المستقبل ، ويضحك...
رسيل: ترة اني ماكاعد اتشاقة.
مروان: ولا أنه ،
رسيل: اريد اعرفك اريد احزرك، مجاي اتوقع ردات فعلك مرات اسوي شغلات اكول راح يكسرني ؛ اشوفك تتعامل برود ومرات على شي تافه تلوي ايدي وتريد تكسرها حيرتني بيك.
مروان: ذكريني بذن الموقفين ....؟ويضحك
رسيل: اليوم الله ذاب الضحك عليك .
مروان: عفيه نسوان كلشي ما يعجبجن ..
رسيل: لا بس ماكاعد اعرف منين طلعت الشمس عليك.
المهم اذكرك بالمواقف .
مثلا من حركت البدلات مالتك كلت راح تكسرني،وانت اصلا معلقت على الموضوع .
مروان: لانه تافه مايسوى .والثاني ؟
رسيل: الثاني من تشوفني نازله بلا حجاب لو اترزل لو انكفخ ، ومرات تلوي ايدي لان اجاوبك .
أنت تقرأ
العروسة في الثوب الاسود
De Todoبنات القصة منقولة والقصة كل بارت بي ٢ #العروس_في_الثوب_الاسود ١_________٢ #مقدمه لم يكن يومآ الحُزن قضيتي ! بل قضيتي كيف اتخلص منه ! الحزن هو شعور بالعجز يشعر به المرء لكنه لايدوم . احيانا يغرقنا الحزن حتى نعتاد عليه وننسى أن في الحياة أشياء جم...
