السلام عليكم اشلونجن بنات اني اعتذر بسبب التخير 🥺❤
⦉قصه ام البنات⦊
البارت الثالث / بقلم نور الهدى بنت العراق ❦❦
ايمان : صار على خبر حملي اسبوعين ويه شغل البيت الي ميخلص لدرجه عمتي حتى زوالي خلتني اغسل واني حامل من غير طبخ تنضيف وخبز اني عود مخلين عليه الطبخ والخبز وتنضيف المطبخ كله عليه وسعاد وجنان عود عليهن تنضيف البيت بس زوالي فراشات بطانيات البيت وحتى برد الشبابيك غسلهن كلهن عليه وسعاد ماعين جهاله ورجله من يجي من الشغل متغسلهن يعني اكمل طبغ الغده ويتغدون واغسل المواعين واصعد للغرفه ارتاح لو ادرس بناتي انزل العصر المطبخ مكلوب كلاب بالماعين والعشه نفس الشي هم من اكمل تنضيف واصعد ثاني يوم الكه المطبخ مكلوب بالماعين ويوميه نفس الروتين كاعده بالحمام اغسل اهدوم
الضهر وكت جيه امل من المدرسه وهيه بنهايه عام الدراسي وجاي تمتحن اول يوم اله بلمتحان اجتني تركض فرحانه
امل : ماما ماما
ايمان : ها ياامي هنا اني بالحمام تعالي يروحي اجتي بوسته
امل : ماما اليوم جاوبت والمعلمه كالتلي عفيه بالشاطره
ايمان : يمه فدوه عفيه بنيتي الشطوره شدي حيلج حتى بس تنجحين اجيبلج هديه
امل : اي ماما صار اني راح ارفع راسج وانجح اولى
ايمان : كتله هيج وطلعت تركض فرحانه ورجعت اكمل غسل اهدوم واني افكر منين اجيبله هديه ومااكسر بخاطره واني حتى فلوس الي انطتنياهن انتضار خلصن وماكو هسه جوه ايدي ولافلس اووف منين اجيب وطالب ميرضى ينطيني افلوس من يوم الي تزوج جنان وهو يمكن اربع مرات انطاني وكوه بشلعان الكلب يله ينطيني شكم فلس يادوب يكفني وهم اتعارك ويااه يله ينطيني يعني بس افتح موضوع الفلوس وياه يكلب وجه ويسويله مشكله خلفله على فلوس اختي لو ماهيه مدري وين انطي وجهي كملت شر الهدوم على السطح ونزلت صبيت الغده للبيت وصحت بناتي يجن ياكلن وانجمعو كلهم على الغده جنت مسويه مركه بتنجان حجت جنان وهيه تباوع للاكل صفح
جنان : اووي ليش عود ايمان مسويه بتنجان موتدرين اني مااحبه
ايمان : والله اني ما اسوي الاكل على مزاجج مايعجبج سوي اكل لروحج مو هم ماتمدين ايدج وهم تتنعوصين على الاكل هاي نعمه الله اكو غيرج ماامحصله
جنان : اووي وهسه اني شحجيت واكلتيني بكشوري وكلبتيه محاضره عليه
طالب : كااااافي نعمه الله موجوده وانتي ايمان من تطبخين اسالي مو تطبخين بكيفج مو بيت الخلفج هذا وبتنجان بعد لا تسويه مفهوم
العمه : ليش يمه واحنه ناكل بكيفك وبكيف نسوانك هاي ماتحبه وهاي ماتعجبه تره بعدني مامتت عود من اموت اتصرفو بكيفكم بالبيت وانتي ست جنان مايعجبج الاكل سوي غيره لروحج مو نمشي بامرج احنه ولاناكل على مزاجج
أنت تقرأ
قصه ام البنات
Aktuelle Literaturقصه للام لديها ست بنات تحارب الدنيا من اجلهن هل ستنجح ام لا؟ قصتنه تتكلم عن امرأة لديها ست بنات تعرفون اغليبه مجتمعنه انه هو ضد المرأة وعدهم الي يخلف بس بنات انه تكون وصمه عار عليه ونسوه انه هذا رزق رب العالمين هذا القصه تتكلم من وحي الخيال ونص...
