قصه ام البنات

البارت الثالث عشر 🍁

⦉قصه ام البنات ⦊

البارت الثالث عشر / بقلم نور الهدى بنت العراق ❦❦

ايمان : ،الهوى لو بيد البشر جان من زمان كطعو وكلمن يكره احد يقطعه عن الهوى بس الهوى بيد رب كريم بعباده رحيم بيهم وبضعفهم  وماينسه عبده ومايخلي حاير ابد وكلشي بيده وكل واحد من هاي البشر مكتوبله نصيبه بهاي الدنيه ،،،،،،،

من بعد ما اطلقت من طالب ونطردت اني وبناتي وذلني هو واهله ولا واحد بيهم وكف وياي من اهله بس كريم حمايه هو وعائلته الله سخرهم اليه وكفواا وياي وماعافوني وحدي فتحولي بيتهم وماقصروا وياي وطول فتره الي كاعده بيه يمهم ابد ماااحسسوني بشي واحترموني وعاملوني معامله كلش زينه حسبوني من اهل البيت واكثر مخلوني احس انه اني طليقه اخو ولازم ما ايدخل بيه وحالهم حال اخوهم هم يطردني ويكول اني شعليه مثل ماجان يسوي حمايه حازم من جنت اتعارك ويه طالب ويطردني ولا يدخل ولاكئنو عايشين بيت واحد بس كريم ابد ما اقصر وكفته وياي مايسويه الاخ ويه اخته،،
بس حجي الناس ما يرحم على شنو كاعده ويه حماه وهيه طليقت اخو وشنو كعدته ويااه ومن هل الحجي للي ما يخلص وصلت بيهم حتى طعنو بشرفي واكثرهم همه بيت عيالي الي حتى من طلعت منهم ما خلصت ولاكفاهم الي جانو يسوه بيه من جنت كاعده عدهم وبعد مااتفقن عليه وطردني من البيت جانو عبالهم راح ابقه بالشارع لانه يدرون ماعندي اخ او اب وام حتى اكعد عدهم وجانو عبالهم كريم هم راح يطردني بالشارع مثلهم ومن صدمهم كريم وخلاني اكعد بيتهم و اتعارك وياهم علمودي وقسم الورث وكلمن انطاه حصته
رجعو عليه والله شنو كعدته يم حمااه اي كيد هسه اطلكت من طالب الافت على كريم
من صدك زهكوني فقررت اطلع احسن الي ولكرامتي وهم مااريد يصير مشاكل اكثر للبيت حمايه كريم وهم كلت يذبن تهمه براسي حتى كريم يخلنه يكلب عليه ويطردني واني مااريد اخسر كريم لانه هو سند اذا مو الي سند للبناتي
ومن كتله اطلع بيت وحدي صح بالبدايه رفض وجان رفضه قاطع انه اطلع بيت وحدي بس بمرور الوقت كدرت اقنعه وهم ماعافوني وحدي هو ومرته اولاده
ابد ماقصرو وياي الله يجازيهم الخير
بعد مرور شهرين من انتقالي البيت وحدي اشتريت مكينه خياطه بمساعده اختي انتضار خلت زوجه يشتريلياه على معرفته وماخلتني ادفع فلوسه كالت اعتبريه هديه للبيت وبلشت اخيط للنسوان المنطقه صح بعدني ما كسبت زبونات اهواي لانه جديده بس شويه شويه اخليهم يعرفون اخيط لانه اي وحده تجي يمي تخيط اوصيه تكول الغيره
والحال ماشي الحمدلله على اقل اصرف منه لانه الى متى يضلون العالم يصرفون عليه،،،،،

ايمان : جنت كاعده اخيط وره الغده وجانن البنات الي تقره والي تلعب واني كاعده اخيط بالهول اندكت باب البيت كمت افتحه لانه اني ماخلي بناتي يفتحن الباب اخاف عليهن اتقربت للباب وكلت منو

فاطمه : اني داده اني فاطمه افتحي الباب

ايمان :فتحت الباب
يااهلاوسهلا هله بيج خيتي هله باام رسول