⦉قصه ام البنات ⦊
البارت السادس/بقلم نور الهدى بنت العراق ❦❦
ايمان : الليل كله منمت محتاره وافكر خاف حماي مايستقبلني اني وبناتي اذا مااستقبلنه ودافع لاخوه وين انطي وجهي اني بلكت الله يححن كلبه عليه وعلى بناتي صار الصبح واني منايمه من الليل بس ساعه وحده تقريبا صارت الساعه بسته ونص كمت لبست وجهزت نفسي وكعدت بناتي اريد اطلع قبل لايكعدون طالب وحازم يرحون لدوامتهم ويكشفوني كملت وطلعت وبناتي كدامي شايلات جنط الملابس واني شايله التوم وحده من هاي الايد وحده من هاي الايد طلعت من البيت الساعه بالسبعه واني اتلفت خاف احد كاعد لانه ادري اذا كعدوا محد يخليني اطلع ويجوز يطردوني وماينطوني بناتي سديت الباب مال البيت على كيف واني امشي بالشارع اني وبناتي والجو ثلج وستو كاشف الجو بيت حمايه مو بعيد بنفس المطنقه 5دقايق ونوصله وصلت الباب البيت مالت حمايه اني وبناتي اربعه يمشن كدامي والتوم شايلتهن خليت امل ادك الباب لانه اني ماااكدر شايله هواي دكينه يله فتحولنه فتحلنه الباب ابن حمايه رسول استوه كاعد من النوم من شافنه بانت على وجه الاستغراب
رسول : عمه ايمان خو ماكو شي شصاير وياج
ايمان :صباح الخير اشلونك عمه رسول لا سلامتك
ما كو شي شنو ماكو اتفضلوا راح اتخلينه واكفين بالباب
رسول : هله عمه صباح النور لالا تفضلوا اهلا وسهلا
ام رسول : ولك يمه رسول منو بالباب شو لسه واكف
ام امل يا هلا وسهلا بيج اتفضلي خيه تفضلي ليش واكفه بالباب
ايمان : انصدمت بيه من شافت بناتي كلهن وياي عباله بس اني جاي اريد منهم شي رحبت بيه وطببتني اني وبناتي لجوه اخذت وحده من التوم من عندي طبينه لكينه حماي كريم كاعده على صينيه الريوك يتريك هو وجهاله من شافنه انصدم حاله حال مرته وابنه بسرعه طفر من الريوك وحقهم شلون ماينصدمون واني وجهي صاير خريطه من الضرب مالت البارحه
كريم : ام امل خوما كو شي امي بيه شي
ايمان : ابتسمتله وكتله لا سلامتك ماكو شي عمتي مابيه شي
فاطمه : ياشجاك كريم تخلي المره اتفوت تاخذ نفس وبعدين نساله شبيه تفضلي خيه البيت بيتج تعاي ادفي يم الصوبه بارده بره كلش تعالن عمه امل مريم تعالن يمه ضحى هبه تعالن خلي اسويلجن ريوك
ايمان : كعدت يم الصوبه بالمطبخ وبناتي كعدن يمي والتوم وحده بحضن فاطمه وحده بحضن بت حماي الجبيره اسماء اخذته مني تبوس بيه وبعدهم مصدومين من جيتي كتلهم حتى اوخر علامات الصدمه عن اوجوهم وهم خطيه شفتهم انهبطو من منضري اني وبناتي وجنطي وياي
ايمان : الصراحه اني اعتذر علي جيتي بهيج وقت ومن الصباحيات ادري خرعتكم بجيتي هيج وكت غلط
فاطمه :شسالفه خيه البيت بيتج باي وقت تردين تجين الساعه بالسبعه اكو واحد لسه نايم كله دوامات و كاعدين ولايهمج كل الهلا بيج حبيبه بيت اخوج هذا مو غريب
ايمان : والنعم منكم داده والنعم من ابو رسول على راسي ونعم الاخ هو اني جايته اليوم ماحاسبته حماي حاسبته اخوي وداكه بابه واني ادري الاخوه لو اجته اخته مايرده مكسور خاطر
أنت تقرأ
قصه ام البنات
Genel Kurguقصه للام لديها ست بنات تحارب الدنيا من اجلهن هل ستنجح ام لا؟ قصتنه تتكلم عن امرأة لديها ست بنات تعرفون اغليبه مجتمعنه انه هو ضد المرأة وعدهم الي يخلف بس بنات انه تكون وصمه عار عليه ونسوه انه هذا رزق رب العالمين هذا القصه تتكلم من وحي الخيال ونص...
