⦉قصه ام البنات ⦊
البارت السابع / بقلم نور الهدى بنت العراق ❦❦
ايمان : جنت اغسل بالطارمه وره الغده والبنات امل ومريم بالمدرسة وضحى وهبه يم خواتهن التوم بالغرفه فوك يلعبن جانت الساعه 2الضهر ادنكت الباب طلعت فتحته وجان احمد ابن حماي كريم هو واخوه حسين
احمد : شلونج عمه ايمان
ايمان :هله عمه شلونكم اتفضلو ليش واكفين بالباب
احمد :لاوالله مستعجلين بس امي ودتني عليج اتكول بسرعه تجيني هسه من كل ولازم
ايمان : خير خو ما كو شي امك بيه شي
احمد : لا والله مابيه شي بس ماادري شتريد منج
ايمان : انتضر دقيقه خلي اكول لبيبتك خاف متقبل اجي
احمد : لعد خلي اطب اسلم عليه واذا قبلت حتى ترحين وياي اوصلج
ايمان : طبيت للغرفه عمتي جانت مطروحه على الجربايه ترتاح وره الغده وكتله
عمه فاطمه مرت كريم دازه عليه ابنه احمد تريدني اروحله هسه
العمه : خير شبيه
ايمان : ماادري دازه احمد عليه تريدني هسه اروحله
العمه : روحي بس لاتتاخرين واخذي خلفتج وياج مو اضل تهوس فوك راسي مالي خلكهم
ايمان : صار صعدت البس عباتي وشلت التوم وحده من هاي الايد وحده من هاي الايد وضحى وهبه مكيفات من شافني لابسه عباتي عرفنه الشغله بيه طلعه يركضن كدامي نزلت وتلكاني احمد جان كاعد يم بيبيته اخذ مني ليان واني شلت رزان طلعنه سوه وضحى وهبه يكمزن كدامي لابسات نفس الون اليشوفهن يكول توم لانه نفس الطول وصلت الباب البيت مال حماي واحمد وياي دكيناه الباب و فتحته مرت حماي
فاطمه : يأهلا وسهلا بام امل تفضلي داده شلونج
ايمان : وبيج المهلي هله خيه بخير الحمد الله انتي شلونج
فاطمه : الحمدلله بخير انطيني هالحلوه منج
ايمان : انطيته رزان وليان شايله احمد ودخله جوه قبلي طبيت من جهة المطبخ ليجوه قبل لا اطب انتبهت باب الاستقبال الخارجيه اكو شحاطه مال نسوان طبيت جوه وفاطمه وياي كتله خير خو ماكو شي
فاطمه : لا خيه ماكو شي بس ها وحده اتريد اشوفج كالت مره مخيطه يمج قطعه اقماش تعاي كاعده بالاستقبال
ايمان : كلت مستغربه تشوفني طبيت ليجوه ورحت ويه فاطمه للاستقبال من جهه الهول بس طبيت الباب ضليت متبسمره من الي جاي اشوفه كدامي شفت اختي الي تقريب راح يصيرله سنه ماشايفته هي جانت كاعده من شافتني وكفت على حيله وهي تبجي اتقدمت عليه وحضنتني
ايمان : انتضار تقربت عليه وحضنته
انتضار : ياخيتي والله طاك كلبي عليج
ايمان : متحاضنين ونبجي ونتعاتب بس مو بالحجي نتعاتب بس بدموعنه ونحيبنه الي رج للاستقبال من كثر البجي والنواعي بعد محاضن ودموع استمرت نص ساعه كعدنه على الكاع
أنت تقرأ
قصه ام البنات
General Fictionقصه للام لديها ست بنات تحارب الدنيا من اجلهن هل ستنجح ام لا؟ قصتنه تتكلم عن امرأة لديها ست بنات تعرفون اغليبه مجتمعنه انه هو ضد المرأة وعدهم الي يخلف بس بنات انه تكون وصمه عار عليه ونسوه انه هذا رزق رب العالمين هذا القصه تتكلم من وحي الخيال ونص...
