⦉قصه ام البنات⦊
البارت الثاني / بقلم نور الهدى بنت العراق❦❦
ايمان: بعد فتره من زواج طالب جنان صارت حامل
واني معاناتي بعده نفسه ونفس الحاله وصرت محتاجه للفلس ومن اطلب من طالب افلوس ينطيني
مبلغ كلش قليل ويكلي ماعندي رغم هو خير عنده من معايز بس صار هذا الخير كله بحلك جنان واذا اطلبت اكثر يسولي سالفه اله اول ماله تالي ويطلع حجج من جوه الكاع بحيث يتعارك وياي ميطيقني وحتى حاجه اذا يريده من عندي يطلبه بنتر وكبرن بناتي ومسؤليتهن كبرت والجبيره امل صارت بالمدرسه ومصروف اتريد واني كله متكفله بيه يوميه صرت اوصله للمدرسه بنفسي وارجعه بنفسي
ومشت ايام وراحت ايام وصار موعد ولاده جنان وطالب حاير بيه وجابتله الولد وطار من الفرح وذبح طلي لوجه الله وسماه الولد ليث وصارت جنان ام الولد وهيه المدلله وعمتي نفس الشي شايلته بصلوات وحتى من الغرفه ماطلعه تخاف عليه من عدي خاف احسده
ايمان: كاعده بالغرفه ارتب بيه واجتني امل ومريم يركضن ماما اجت خاله انتضار يايمه صارلي سنه مشايفته رغم احنه نفس المحافضه بس كلش قليل نلتقي هيه عده عيال واني عيالي ورجلي العكره ميخلني اروح اله
ايمان : يمه هله بخيتي يابعد روحي يايمه ياريحه اهلي اثنينه متحاضنين ونتعاب ونبجي
انتضار: ليش هيج خيتي كطعتي فد مره يعني لو اني لو متوصلين
ايمان : شسوي ياخيتي ليش هو بيدي والله مو بيدي
تفضلي جوه يعني ضلين بالباب طبت وطببت العلاليك محمله اشكال والوان طبت جوه وكعدن وياه عمتي بحكم هيه اصير بت حماه ومرت حماي سعاد هم كعدت يمه صعدت الغراض للغرفة فوك ونزلت جوه احضر له ضيافه كملته وطبيت كعدت يمهن
انتضار: اكلج ايمان البنات وين اشو ماكو خلي اشوفهن مشتاقتلهن
ايمان : يلعبن بالحديقة هسه اصيحن بس خلي هبه
يمج طلعت الحديقه وشفت بناتي يلعبن هنه ولد عمهن صحتنهن ماما امل مريم ضحى تعالن ماما خاله صيحجن اجن يركضن
انتضار: يمه فدوه حبيبات خالتهن اروح فدوه للبنات
تعالن لحضني خلاتي
ايمان : من طبن وسلمن البنات على اختي عمتي وسعاد يباوعن صفح ماعجبهن حجت عمتي من يمه
العمه : ياكحط هسه هنه بنات وخابصاتني بيهن لو ولد جاشسويتن
انتصار: ليش عمه شبيهن البنات نعمه وخير من رب العالمين لعد موانتي واني مره ليش تكرهيهن
العمه : يمه باوع للسان هاي ترادديني على ذني المكموعات عشتو اي والله فواكاها كاعده بيتي وتراددني نسوانه مامربايه شيطلع منجن بعد بنات حسنه
انتضار : ليش عمه شبيه امي وبعدين لاتجيبين سيره امي على لسانج الله واكبر هم ميت ومخلصت منج
أنت تقرأ
قصه ام البنات
Fiksi Umumقصه للام لديها ست بنات تحارب الدنيا من اجلهن هل ستنجح ام لا؟ قصتنه تتكلم عن امرأة لديها ست بنات تعرفون اغليبه مجتمعنه انه هو ضد المرأة وعدهم الي يخلف بس بنات انه تكون وصمه عار عليه ونسوه انه هذا رزق رب العالمين هذا القصه تتكلم من وحي الخيال ونص...
