قصه ام البنات

البارت الرابع عشر 🍁 البارت الخامس عشر 🍁

⦉قصه ام البنات⦊

البارت الرابع عشر / البارت الخامس عشر

/بقلم نور الهدى بنت العراق ❦❦

ايمان : بعد ما كملنه ريوك طلعن البنات رزان وليان وهبه للمدرسه دوامهن صبحي وخواتهن الكبار دوامهن ضهري ،
ماما ضحى كومي غسلي المواعين

ضحى : ماما حبابه عندي امتحان خلي مريم تغسلهن

مريم : ولج جذابه ليش جذبين انتي البارحه موكلتي ماعندي امتحان معليه انتي غسليهن

امل : عوبات ضلن اتعاركن اني راح اكوم اغسلهن هاي كلما تكول امي على شي لازم تتعاركن

ايمان : حجيت واني خازره ضحى لااكعدي امل اني ماكلت مريم لو امل اني كلت ضحى يله كومي بسرعه غسليهن لو تعرفين شنو اسوي

ضحى : اف كايمه كايمه

ايمان : راحت ضحى وهيه دردم مجبوره كامت
ماما مريم جيبلي غراض العجين اريد اعجن هم يله الحك اخبز العالم راح تجي تريد خبزه ماضل وكت

مريم :صار ماما

امل : اكول يوم انتي لشوكت تضلين تخبزين للعالم ما تعبتي من هاي الشغله الي تهد الحيل

ايمان : شلون اعوفه يايمه منين ناكل ونشرب اذا عفته وانتي تدرين هو بس علاج اختج ينرادله مصرف كامل منين انجيب وانتي تدرين احنه عايشين على افلوس الي اطلعه من الخبز والخياطه
يعني قابل اعوفه ونموت من الجوع

امل : اي ياماما شكم مره كتلج خلي اعوف الدراسه واساعدج بالشغل ليش ما تقبلين هم اساعدج وهم يقل من المصرف عليج الي يكسر الضهر

ايمان : ديربالج تحجين هذا الحجي مره ثانيه ممنوع تفكرين تعوفين الدراسه هذا الحجي الج ولخواتج اذا وحده تفكر تعوف الدراسه تنسى اني امه مفهوم

مريم : اي يوم صار بس اهدي اعصابج مانفتح هذا الموضوع مره ثانيه امل اسكتي كافي شبيج

امل : يوم الله يخليج انتي لشوكت تضلين كلما افتح هذا الموضوع وياج صيرين عصبيه انتي عبالج اني مرتاحه من اشوفج اربع وعشرين ساعه مكسور
ضهرج على المكينه والخبز للعالم عبالج فرحانه من اشوفج حتى بليل واحنه نايمين انتي تشتغلين
ابوس ايدج خليني اترك المدرسه على اقل اخفف عنج الحمل وهم اساعدج

ايمان : اذا تردين تساعديني وتجازين تعبي انتبهي للدراستج صدكي كل تعبي هذا يروح من اشوفجن واصالات بدراسجن وحاملات شهادة بيدجن يمه الشهاده سلاح البنيه وامانه بهذا الوكت وهل تشوفين اني لو عندي شهاده لو مكمله دراستي جان مصار بيه كل هذا واني مستعده اشتغل اضعاف هذا الشغل بس كون اشوفجن بخير ورافعات راسي بدراسجن ونجاحجن يمه كلشي ماريد منجن بس كون ترفعن راسي بين الناس لاتخلن الناس تكول عليه ايمان ماعرفت تربي