⦉قصه ام البنات⦊
البارت الخامس / بقلم نور الهدى بنت العراق ❦❦
ايمان : كعدت على صوت وحده من البنات كعدت تبجي شلتها ورضعته باوعت للساعه ٥ العصر صايره حيل ولاادري بروحي صارلي اشكد نايمه كملت ابنيتي رضاعه ونزلت من الجربايه كوه مااكدر امشي كعدت البنات نايمات جوه بالكاع واني على الجربايه اني والتوم
امل حبيبيتي كومي ماما كافي نوم يله مريم ضحى هبه يله حبيباتي كافي نوم صحصحن كعدن وراحن للجربايه مكابلات اختهن وامل ومريم يلمن بغراض النوم مالاتهن عفيه ماما نادرات بناتي الحلواات
امل : ماما عادي نكعد يمهن نلعبهن لو نايمات
ايمان :لا عادي يروحي كومن يم خواتجن عدجن دروس لو لاء تره باجر احد
مريم : اني ماعندي ماما
امل : اني بس شويه كتابه اكمله يله العب ويه الزغيرونات
ايمان : اي عفيه امي الشطوره اريدجن دوم هيج شاطرات حتى ترفعن راسي
امل + مريم :صار ماما احنه نرفع راسج بنجاحنه
ايمان : عفيه الحلوات وانتن الزوج شجاي تسون بس صافنات على خواتهن التوم مكابلاتهن وكاعدات ربي يحفضجن الي يروح امجن اني صابره ومتحمله كله على مودجن اجتني ضحى الي عمره 5سنين
ضحى :ماما ذني البنات منين جبتيهن
ايمان : من بطني ليش ماما تسالين
ضحى : شلون طبن البطنج اكلتيهن وبلعتيهن بطنج وصارن جهال
مريم : لا ولج ماما راحت للدكتور وانطته حبايه وصاروا توم بطنه مو صح ماما
ايمان : هههههه اي صح ماما والله ضحكتني الملعونه منين اجيب هاي الفكار ماادري شياطين مو بنات
وعلى طاري الشياطين كعدت وحده من التوم مالتي مدري شلون بيهن وبيه منو اليه منو يساعدني واني كوه جاي اتحرك هاي راح يٱذن ٱذان المغرب ومحد ذكرني وما اريد بناتي يطلعن لانه ادري بيهن بس يطلعن يكتلوهن جهال عمهن حازم وكحين حيل مينكدرون واني جاي ارضع بنتي انفتح الباب وطب طالب سلم وكعد استوه يله بين الاستاذ مكلف نفسه
طالب :حمدلله على سلامتج شلونهن البنات
ايمان :الله يسلمك زينات سلم وراح يمهن من الجهة الثانيه وكال
طالب : شنو سميتوهن حتى باجر اسويلهن بيان مدام ماعندي دوام باجر
ايمان : رزان وليان سميتهن
طالب : هااا وليش تصرفين بكيفج وتخلين الغربه يسمون البنات ليش هيه الشغله بكيفج فوك مامخلفه بنات وتصرفين بكيفج
ايمان : عرفته وزته عليه عمتي الي ماعجبه الاسم وضلت تدرم عليه الطريق كله من اجينه كتله والله ذني البنات انته ماردتهن وحتى وهسه انته تسولف ماكلت بناتي وانته حتى مااتقربت عليهن ولا يكلك ابوهن غريب عليهن مو تكولون بناتج ذني خليهن اني اسميهن بكيفي وذني الاسماء عجبني حيل لو من ردت اسميهن صارن بناتك روح انته سمي ولد جنان الك ذني معليك بيهن
طالب : احترمي نفسج ولاتعلين صوتج بوجهي والله لوما اكول استوه جايبه جان عرفت شلون اربيج وجنان مره ثانيه لاتجييبن طاريه على لسانج تسواج وتسوه عشيرتج افتهمتي لو لاء
ايمان : حجه هذا الحجي وكام قبل لا يطلع شفت رجلين يم الباب خطفت عرفته جنان جاي تسصنت على الباب الله ينتقم منج انشالله مو مره حيه من جوه تبن تعيل واضم راسه وعمتي مناك وزته عليه علمود الاسماء مال البنات واني مكيفه واكول جاي يتحمدلي على السلامه طلع جاي هداد اوووف حادين اسنونهم عليه حيل لانه جبت بنات توم
أنت تقرأ
قصه ام البنات
General Fictionقصه للام لديها ست بنات تحارب الدنيا من اجلهن هل ستنجح ام لا؟ قصتنه تتكلم عن امرأة لديها ست بنات تعرفون اغليبه مجتمعنه انه هو ضد المرأة وعدهم الي يخلف بس بنات انه تكون وصمه عار عليه ونسوه انه هذا رزق رب العالمين هذا القصه تتكلم من وحي الخيال ونص...
