عندما تخيب الظنون

البارت الأول

عندما تخيب الظنون
للكاتبه نور عصام
البارت (1)
هـَلـْـو حبيباتي شــلونگم اجيتكم بقصة حقيقية تجنن والاسماء مستعارة راح انزللكم بالبارتات القادمة صور شبيهين للابطال واحتمال انزل صور حقيقية للأبطال كلشي يخص القصة ويخص البطلين راح تلكووو بحسابي
الأنستا 👈 noor_essam2002
راح انزللكم بالاسبوع بارتين لان م اكدر انزل كل يوم اعتذر بَــس عندي التزامات ودراسه ف م اكدر احبكم ❤️

ونبلش بالقصة وان شاء الله تعجبكم

كعدت الصبح ؏ هوسة اهلي وعمامي واخوالي كلهم لان اليوم حنة اخويه (حسام) كعدت ؏ هوستهم وضحكهم والهلاهل اللي ماليه البيت صبحت عليهم كلهم وبدينا بالريوك اني واخواتي (اني جوري واخواتي ازهار / ورود) حظرنه الريوك وتريكنه كلنه وكل شويه وحده من عماتي او من خالاتي تكوم وتهلهل جان (حسام) من النوع اللي م يحب الهوسه وبس واحد يهلل او يسوي هوسات يكوم يصيح عيلهَ بَــس عماتي وخالاتي عناد بيَ كل م يشوفنه يهلهن ويصفكن واحنه م نكول ﻶ نكوم وياهن ونهوس ونركص
كملنه ريوك وبلشنه بتنظيف البيت وماما واختي ازهار وعماتي اثنين بلشو بالغده والباقيات كل وحده تسوي شغله
اني من النوع اللي م ادخل بشي واغلب وقتي بيوم الحنة والعرس مخلصته كاعده ويه صديقتي لان تدري حنة اخويه ف اجت من الصبح (صديقاتي رهف وشهد ورشا وحنين) جانت صديقتي المقربه رهف لان جوارينه وعلاقتي بيها من احنه صغار حتى دراستنه سوه بنفس الصف م نتفارك ف كتلها تجين من الصبح علينه
اتصل بيها
جوري : ها ولج شلونج
رهف: لج هَــْـِْـْْـِلاّ الْحٍمَدٍ للـّہ وانتي
جوري: عوفج مني اكلج رهف باجر حنة اخويه واريدج تجين من الصبح
رهف: ‎صـدُك ؏ الخير
جوري : انه والج الخير هسه شنو تجين باجر لو ﻶ
رهف : اჂ̤ اكيد اجي اريد اركص
جوري :اჂ̤ بَــس اريدج من الصبح
رهف : ان شاء الله
جوري : يلا لعد اشوفج باجر بَــايہ
اجت رهف من الصبح خطيه صعدنه للغرفة وبلشنه نحظر الصينيه لان ماما كلتلي انتي حظريها

ابو حسام: وينج ام حسام
ام حسام: هااا شڪـَووو
ابو حسام: كملتي غداج
ام حسام: اჂ̤ كملته لـيشہ تريدون تتغدون
ابو حسام: ﻶ بعد وكت بَــس راح يجون خطار خاف م يكفي الغده
ام حسام: اهوايه مسوين خير من الله يكفي وزايد
ابو حسام : خاف م يكفي دزي بسام للسوك خلي يجيب
ام حسام: ﻶ عليمن اهوايه الغده خير من الله
ابو حسام: شوفي مو اتفشل ويه العالم يلا اني رايح اجو خطار
ام حسام : اكلجن كريم (ابو حسام) يكول اجانه خطار وخاف الغده م يكفي
ام مسلم: (عمة جوري) ﻶ خيه مسوين اهوايه خير من الله
ام حسام : خاف م يكفي وشيخلصنه من اخوج (ابو حسام)
ام مسلم : ﻶ يكفي
ازهار: جوري ولج جوري تعالي وينج
جوري : ها ازهار شرايده
ازهار: ࢪﯠحي للبيت وجيبي ملابس غسق نسيتهم هناك
جوري: واني وين الكاهم
ازهار : هنه بالغرفه محظرتهن بالجنطه بَــس ياسر كام يصيح واجينه بسرعه ف نسيتهم
جوري: انتي ناسية حتى روحج همزين م نسيتي غسق هناك واجيتي

اني جنت متعلقه بغسق كَــُلٓـُــشٌ وهيه هم متعلقه بيه بعدها صغيره عمرها 3 سنوات واختها ودق عمرها 10 سنوات واخوها عمار عمره 8 سنوات وانمار عمره 6 سنوات
صعدت فوك لغرفتي والبست صايه وطلعت لبيت ازهار اجيب الملابس بيتها قريب ؏ بيتنه ورانه بفرع المهم طلعت من البيت والجو جان حار والشمس طايحه بالكاعه الساعه ب 11 ونص بس لان حاره يكول ب 1 الظهر بشهر ال 8 وصلت لنهاية الفرع وجان تجي سياره توقف كدامي اني جنت م اطلع وحدي اهلي م يقبلون وحتى من اروح للمدرسه اروح اني وصديقاتي او اني ورهف اني وكفت كتله شتريد كال تعالي اوصلج كتله
جوري: روح م اصعد اعرف امشي
كلي تعالي اصعدي مو زينه عليج الشمس
اني درت وجهي ومشيت جان اباوع واشوف اخويه بسام ستوه جاي من السوك ماما دازته اني كمت ارجف من الخوف اريد اوكف ؏ رجليه م اكدر اباوع ؏ اخويه وادعي كون م شافني لان م يقبل اوكف ويه احد بالشارع حتى اذا اعرفه جان يوكف كبالي ويصيح عليه
بسام: لج جوري تعالي وين رايح ومنو هذا اللي جنتي واكفه وياه

انتظروني بارت جديد احبكم ❤️

حسابي الانستا 👇
noor_essam2002