عندما تخيب الظنون

البارت الخامس

عندما تخيب الظنون
البارت (5)
للكاتبه نور عصام

حبيباتي قبل كلشي صوتولي ؏ القصة وكثرولي م̷ـــِْن تعليقاتكم الحلووة 😘🥰🥰

ونبلش بالقصة.....

شفت واحد شايل غسق ويحاول يسكتها شفت بَــس ظهره وكفت شويه ردت اشوف منو بَــس م شفت شي لان منطي ظهره للباب ف صحت غسق لـيشہ تبجين جان يباوعلي ويكول طالعه ؏ خالتها غير
طلع مسلم ابن عمتي بَــس اول مره اشوفه هيج لابس جان لابس تيشيرت ابيض وفوكه ستره سودة وبنطرون جينز نيلي (ازرق غامض) وحذاء ابيض مسلم كَــُلٓـُــشٌ حلو بشرته بيضه وشعره ؏ اشقر وعيونه عسليات وجسمه رياضي حلو ضعيف بَــس مو كَــُلٓـُــشٌ ضعيف وطوله تقريب 175
جوري: هذا انت مسلم عابتلك جيب غسق يلا
مسلم: شبيج جوري ترا م واح اكلها
جوري: خبيث خوفتني
مسلم: ههه انتي تخافين جوري ام السان تخاف م اصدك
جوري: جيب غسق خلي اسكتها
مسلم: تعالي اخذيها هاج
تقربت عليه اريد اخذ غسق هو تقرب عليه واخذ نفس قوي وكال بصوت هادء وناصي
مسلم: عطرج يجنن ولج
اني سكتت لان م اعرف شكول سحبت غسق بس هو لزم ايدي اطراف اصابعي كبل سحبتها وطلعت رحت للصاله شويه واشوف التليفون لكيت بي 6 مكالمات من نفس الرقم وهم تجاهلته ورجعت اركص شويه وكالو يلا راح تطلع الزفه تحظرو حتى نصعد بالسيارات اني خليت شال ؏ شعري وطلعت كعدت ورا السايق بَــس الشال كل شويه ويوكع ف م اهتم لان عرس وكلت عادي شويه ومسلم دك شباك السياره
جوري: ‏​‏​هااااا شتريد
مسلم: م تعدلين حجابج م تشوفينه كل شويه ويوكع
باوعتله صفح وبقيت العب ويه غسق ف هو بنبرة غضب كال
مسلم: اني اعلمج ست جوري
اني هم م هتميت
وطلعت الزفه وبقنه نهلهل ونصفك والولد يركصون نص طريق وكفو السيارات ونزلو اخواني ولد عمي ولد خالي وعمامي واخوالي واصدقاء حسام كل الشباب نزلو وبقوو يركصون بالشارع شكد تمنيت انزل وياهم حتى اركص 😂
اني بقيت بَــس اصور شويه وطلعت الزفه وصلنه بيت العروسه والعروسه ماشاء الله طالعه تجنن كلش حلوه وهم ركصنه وطشينه جكليت واخذنه العروسه ورحنه حسام وزوجته مروة راحوو للفندق بَــس احنه رجعنه للبيت لان مسوين عشه عفنه الطباخ يطبخ وصلنه للبيت تقريب الساعه ب 6 العصر لبين م بدلنه جابو العشه وتعشت النسوان والزلم تعشو واحنه ميتين تعب كملنه ركص ونظفنه البيت وصارت الساعه ب 10 الخطار راحوو بقو بَــس الاقارب عمامي وخوالي وزوجاتهم وجتمعنه كلنه وبقينه نسولف وضحك وشقه بعدين اني تعبت ونعست كَــُلٓـُــشٌ رهف راحت والساعه ب 12 ونص ف عفتهم وصعدت لغرفتي لكيت غسوقه نايمه نمت بصفها وبقيت ابوس بيها ونمت كعدنه الصبح هم ريوك وتنظيف وماما وعمتي راحوو العرسان اخذولهم ريوك واخواتي وعمتي الثانيه يسون بالغده وني كملت شغلي ورحت شفت تليفوني لان ناسيته صامت من الزفه وبقه رحت لكيت الرقم نفسه متصل اكثر من مره وداز رسائل ؏ الفايبر (الوووووو وليش م جاوبين وجاوبي ولج) ف صار عندي فضول اعرف منو راسلت كلت منو؟ وصلت شويه وشافها وكال وجع م عرفتيني
جوري: ﻶ منو ؟
كال معجب سري وضحك
كتله لو تكول منو لو انطيك بلوك
كال مسلم شبيج ثول
جوري: مسلم 😳😳
مسلم: اჂ̤ شبيج نصدمتي
جوري: شڪـَووو مراسلني ؟🤨
مسلم: اشتاقيتلج 😅
جوري: يبووو منك وين م اروح تطلعلي اله انطيك بلوك
مسلم: ينطيج گلبج تنطيني بلوك؟
جوري: ههه لعد لـيشہ م ينطيني ڪَلبـي يلا بَــاي حروح اني
مسلم: الله وياج ❤️
شويه واجو العرسان سلمنه عليهم وكعدنه شويه وبعدين كالو صبو الغده صبينه الغده وتغدوو وهم كعدنه شقه وضحك وسوالف صارت الساعه ب ٤4 العصر وراحوو كلهم عماتي وخالاتي الكل راح النوب اني نعست ف رحت نمت كعدت ؏ صوت تليفوني رهف تتصل عليه
جوري: ‏​‏​هاااا شڪـَووو تتصلين
رهف: عابت مو زين واتصل عليج
جوري: لج جنت نايمه كولي رايده شي
رهف: ﻶ م رايده شي بَــس اسأل
جوري: لعد خلي انام من اكعد نحجي بَــاي
كملت نومتي م كعدت لساعه 11 ونص بالليل الكل نايم واني ميته جووع رحت المطبخ لكيتهم مخليلي اكل مسوي دجاج وبرياني وكعدت تعشيت شبعت كرشي هههههه 😂😂 وشبعت نوم ف بقيت اكلب بالتليفون من الضوجه والمل اريد بَــس واحد احجي وياه والساعه ب 1 راسلت رهف ؏ الفايبر ماكوو م جاوب توصلها بَــس م تشوفها ف اكيد نايمه بقيت وحدي النوب م اكدر انام مو نعسانه شويه وراسلني مسلم اني تفاجئت شڪـَووو مسلم يراسلني بهيج وقت شصاير
مسلم: ‏​‏​هاااا م تنامين شعندج باقيه لهسه كاعده
جوري: وانت شعليك😏
مسلم: انجبي لج شنو شعليج ابن عمتج واكسر راسج هم
جوري: عفيه وانت كلتها ابن عمتي يعني مو ولي امري ولا اخويه ولا حتى حبيبي
مسلم: شنو عيني شنو حبيبج ؟؟ 🤨 ليكون عندج حبيب واني م ادري؟
جوري: هههه وانت منو حتى تدري
مسلم: اني منو موو بسيطه اني اعلمج
جوري: يمه خوفتني روح بابا روح
م جاوب بعد بَــس حسيته ضاج واني من النوع اللي م يحب يضوج احد او يزعله ف كمت احجي بيني وبين نفسي اووووف اكيد ضاج شبيج هيج حجيتي وياه طاح حظج جوري🤦‍♀️🤦‍♀️ ف عفت التليفون ونمت
ومرت الايام والنسوان طابه طالعه بيتنه ؏ زواج اخويه ويوجبن امي
ام حسام: جوري تعالي ولج م تجين تسلمين ؏ النسوان شبيج
جوري: يبووو ماما مالي خلكهن والله شسلم
ام حسام: شبيج م تسلمين صغيرونه
جوري: ماما شعرف منهن حتى اسلم اني خلي اروح لغوفتي احسن
وعفتهن ورحت لغرفتي وطلعت الكتب والدفاتر وبلشت اقرا واكتب..... ومرت الايام وصارت السبعه مال عرس اخويه وسوينه حفله واجوي اهل مروه (زوجة حسام) واجه شهر التاسع واجه الدوام والدراسه 😫😫
وبلشت السنه الدراسيه واجتي الامتحانات الشهرية وشلعان الگلب
اني جنت صف رابع ادبي وحلمي اصير محامية ودائماً من نكعد اني ورهف نسولف شنو راح يكون مستقبلنه وأي جامعه راح ندخل وأي قسم واثنينه حلمنه قانون مرت الايام واجت سنة جديده سنة 2016 ونقطعت اخبار مسلم بعد م راسلني ولا اني راسلته حذفت المحادثه وحذفت رقمه مرات احجي ويه اخته سارة هيه هم صديقتي ودائماً نحجي بَــس مره كلتلي ؏ شي وبقه بالي....

ولهنا ويخلص البارات اشوفكم بالبارات القادم ❤️
حبيباتي اჂ̤ شي يخص القصة تلكوو بحساب الانستاا
هناااا👈noor_essam2002
وراح انشرلكم اشباه الابطال هم ستوري 😍🥰

واتمنالكم قراءة ممتعة ولتنسون التصويت والتعليقات 🥺

احبكم 🫶❤️