عندما تخيب الظنون

البارات الثامن

اجيتكم بارات جديد 😍😍

عندما تخيب الظنون
البارت (8)
للكاتبة نور عصام
كعدت الصبح  ؏ صوت ورود بَــس اريد افتح عيوني م اكدر من النعاس
ورود: لج جوري كومي مو عندج دوام شوفي الساعة
جوري: لج ورود اريد انام ࢪﯠحي من يمي
ورود: ولج كومي مو عندج متحان
جوري: خاب ورود شبيج دقيقه واكوم بَــس خلي انام دقيقه وحده
ورود: يااااا شوف هاي ياربي لج كومي الساعه ب 7 ونص الخط منتظرج برا
اني كلتلي هيج كبل طفرت ‎
جوري: ورود صـدُك تحجين
ورود: اჂ̤ والله شنو اجذب عليج
جوري: عزاااا بعينج لـيش م مكعدتيني من وكت طاح حظج
ورود: صار ساعه اكعد بيج م تكومين شسويلج
كمت ؏ السريع غسلت وبدلت ونزلت لكيت ابو الخط واكف بالباب كلت صبااح الخير وصعدت
ابو الخط صبااح النور هَــْـِْـْْـِلاّ بجوري اليوم متأخره مو من عوايدج لـيشہ
جوري: اჂ̤ والله عمو البارحه عندي امتحان وبقيت اقرا ف اتأخرت يلا نمت
ابو الخط: الله يوفقج بنيتي
جوري: شكراً عموو تسلم
رهف: حــقــيرھہ البارحه وين شكد تصلت عليج م جاوبين
جوري: لج من سديته من يمج سويته صامت وبقيت اقرا م شفت التليفون بعد اله الساعه ب 12 ونص وكلت اكيد نايمه ف غلست م جاوبتج
رهف:اჂ̤ نمت بعد كليلي اليوم محظره زين لو ﻶ
جوري: الْحٍمَدٍ للـّہ بَــس خلي اراجع لبين م نوصل للمدرسه لان م راجعت 
وصلنه المدرسه وامتحنه الْحٍمَدٍ للـّہ جاوبت لان جنت محظره زين كاعده واشوف رهف اجتني تركض
جوري: لج رهف شبيج تركضين ؏ كيفج يمعوده لتوكعين وتنكسرين ويه منو اروح للسفره
رهف: بَــس بهاي مفاولتلي عابتلج
جوري: هههه لعد شبيج تركضين
رهف: غير اريد اكعد وياج قبل م تنتهي الفرصه
جوري: اكعدي خيه اكعدي احجيلي شــلونج بالامتحان
رهف: هسه عوفينه من الامتحان احجيلي ؏ السفره
جوري: ههههه شبيج فشلتينه
اجن بنات كعدن يمنه احنى صديقات اكثر شي نكعد سوه شهد وحنين ورشا واني ورهف بَــس علاقتي بيهن م تتعده المدرسه مو مثل رهف تجيني لبتنا واني اروح لبتهم هذني ﻶ اشوفهن بَــس بالمدرسه عندي تواصل وياهن بَــس م اروحلهن للبيت بقينه نسولف ؏ السفره وشنو نحظر وشنو نلبس عدنه..
شهد من النوع اللي كَــُلٓـُــشٌ مغروره وشايفه نفسها وتتكبر ؏ البنات وعدها اهم شي المظاهر  م تتكبر علينه لان صديقاتها بَــس شايله خشمها ؏ شنو م ادري وخابصتنه بعلاقتها ويه حبيبها هيه كل م شوف واحد حلو ترتبط بي وتكول عليه حبيبي واخر شي يعوفها مدري تعوفه
حنين كذالك هم عدها علاقات اهوايه  ويوميه تجي وتحجيلنه حبيبي هيج يكلي وحبيبي هيج يجيبلي وهو كله جذب بجذب بس م تتكبر ؏ احد 
ورشا من النوع اللي بَــس تاكل تاكل وم تسمن وتبيعنه بلفة وبطل ببسي
ورهف عايشه بَــس بالخيال يبووووو موتتني بخيالها كل يوم وتجيني كوم هيج اصير وكون هيج اسوي وكون فلان ممثل يحبني ومخلصه حياتها بالخيال
اما اني م اهتم لاي شي ابداً اخر همي سوالف الحب والارتباط افكر بدراستي وبس افكر بحلمي اريد اصير محاميه ميهمني منو حبني او منو راح يحبني ولا يهمني شنو البس او وين اروح اتفاجأ  من اشوف بنات كل همهن شنو يلبس او وين يطلعن او ويه منو يحجن ولازم م يصادقن بنات حالتهن الماديه مو شي وأإأذأإأ وحده ابوها يشتغل حارس او عنده بسطيه محد تحجي وياها مع العلم اللي ابوهن يشغل حارس او عنده بسطيه تلكيهن من المتفوقات بالدراسه لان م يفكرن بشي غير داستهن اني غير  هل الشي تماماً م احب افرق بين البنات واشوف الكل بنظرة وحده حالتنه المادية زينه والحمدلله ابويه مدرس وامي معلمه واخويه حسام ضابط وبسام عنده محل ملابس نسائيه وسام جامعه مرحله اولى انگليزي ازهار تاركه لان تزوجت اما ورود مرحله ثانيه تربيه لان عادت سنه

كل شي يخص القصه تلكوو بحسابي الانستا

NOOR_ESSAM2002

ولتنسون تصوتون وتعليقاتكم الحلوه 🥰🥰
واذا تريدون شبيهات جوري ورهف وشهد وحنين ورشا اكتبولي
بالتعليقات حتى انزلهم أإأذأإأ تريدون انزلهم بالانستا او بالواتباد هم اكتبولي بالتعليقات

انتظروني بالبارتات القادمه ان شاء الله

احبكم❤️❤️