عندما تخيب الظنون

البارات الخامس عشر

عندما تخيب الظنون
البارات(15)
للكاتبة نور عصام

واتصل علية نفس الرقم انطيته رفض ورجع اتصل جاوبته بَــس اني جنت حيل ضايجه
جوري: منو وليش تتصل بهيج وقت يعني م تكول ناس نايمه
جاوبني وهل الصوت مو غريب عليه م اعرف احس سامعته
لـيش ازعجتج مثلاً لو قطعتج من اتصال مهم
سكتت الصوت مو غريب احس سامعته بَــس منو م اعرف
جوري: منو...
يهمج تعرفين.؟
جوري: اكيد يهمني منو.
راح اكلج منو بَــس ع شرط
فجئة استسلمت صار من يكلي ع شي كبل اقبل بدون تفكير م اعرف السبب
جوري: شنو هل الشرط
تكولين الحقيقة وكوني صريحه وياي منو اللي جنتي تحجين وياه
جوري: جنت احجي ويه صديقتي
ضحك بستهزاء وكال ‏​‏​هاااا صديقتج
ف حيل ضجت من تصرفه شيقصد يعني ف كتله بعصبيه
جوري: اول شي اني جنت احجي ويه صديقتي والله ويه صديقتي تريد تصدك ع راحتك م تصدك هم ع راحتك ثاني شي اني م مجبوره احلف كذب او اكذب عليك لان م اعرفك ولا تعرفني ولا خايفه منك حتى اكذب ولو عندي شي اكيد اكلك مو خوفاً منك بَــس اني م عندي هاي السوالف اللي تفكر بيها وهسه تكول منو او لا
هههه ع كيفج شبيج اكلتيني انطيني مجال احجي...
جوري: احجي اسمعك وياريت كول منو
اني حسن
هو كال اسمه واحس گلبي يريد يطلع من مكانه صار عندي شك انوو هو نفس الشخص بس مو متأكدة
جوري: منو حسن
حسن: اللي شفتي اليوم بالحديقة
جوري: زين شلون جبت رقمي وليش اتصلت
حسن: لـيش م يصير اخذ رقمج او اتصل بيج
جوري: اჂ̤ م يصير بعدين م نطيت رقمي من وين جبته
حسن: وليش م يصير
جوري: اني م احب هل السوالف ولا مسويتهن قبل كل همي دراستي وبس م افكر بهيج سوالف مال مراهقين
حسن: عرفتج مو من هل النوع كل البنات اللي جانو هناك يتمنون واحد يحاجيهن انتي الوحيده اللي من اجيت وحاجيتج عفتيني ورحتي
جوري: اهااا يعني حاجي ويه اهوايه بنات حتى تعرف اطباعهن مو
حسن: ههههه ولج مو هذا قصدي بَــس كل شخص من تشوفه اول مره تعرفه شنو واني من شفتج تمنيت اتواصل وياج
جوري: وشلون اخذت رقمي هاي ثالث مره اسألك من وين اخذت رقمي م تكول لـيش شهل السر
حسن: هههه ﻶ مو سر بَــس خلي لبعدين اني اكلج منو انطانياه
جوري: وليش مو هسه
حسن: لاصيرين فضوليه كتلج بعدين تعرفين
جوري: هههه اووك ع راحتك لتحجي
حسن: عفيه هيج صيري لتصيرين فضوليه
بقينة نحجي تقريباً نص ساعه حجينه ع الدوام وسألته اذا حاجي ويه بنات او عنده حبيبه م حسيت ع الوقت اله الساعه ب12 صح حجينه نص ساعه بَــس من كد م مرت سريع عبالك دقيقة
جوري: الساعه ب 12 اروح انام باجر عندي دوام
حسن: اووك عيني روحي نامي بَــس اكيد نعيد هل المكالمه مو
جوري: ان شاء الله هسه تصبح ع خير
سد التليفون واني مو مصدكه انو حجيت ويه حسن الكاع مو شايلتني من الفرحه بَــس بقيت افكر منو انطاه رقمي شويه ويدزلي رساله
حسن: عيني ياذكية اني ارتاحيتلج وراح اسوي وياج علاقة حب اذا وافقتي طبعاً واني صحيح حاجي ويه بنات اهواايه بَــس والنبي صداقه ﻶ اكثر ولا اقل زميلاتي بالدوام يعني وهسه نامي باجر نحجي ماشي كبدبد
قريت الرسالة كمت م اعرف شنو اكتب حتى دخت م ادري نثولت 🤦‍♀️😂
جوري: ان شاء الله باجر نحجي بَــس انت لتتصل لان الصبح اني بالدوام وتليفوني يبقه بالبيت ف من ارجع نتراسل
بقيت اقرا بالرساله ويمكن قريتها فوك ال 100 مرة مو مصدكه جاي احجي ويه حسن طلعت الصور اللي بيهن هو وبقيت اباوع عليهن م حسيت بَــس ؏ صوت ورود تكعدني
ورود: جوري ولج جوري كومي الساعه ب 6:45 مو عندج دوام
كعدت واني خايفه عبالي حلم كبل شفت التليفون وقريت الرساله كمت غسلت وجهي وبدلت ونزلت جوه لكيت ماما وبابا كاعدين يكعدون من الصبح
جوري: صباحكم خير وعافيه
ابو حسام: هلا بهل الصباح
رحت ع بابا وبسته وبست ماما
ام حسام: شلونج اليوم راسج شلونه
جوري: ‏​‏​هاااا لـيش شبي راسي
ام حسام: مو البارحه تكولين راسي يوجعني
جوري: اჂ̤ صار زين اخذت مسكن.
(واني اصلاً ناسيه البارحه جنت دايخه وراسي يوجعني 🤦‍♀️😂)
وصل ابو الخط وطلعت صعدت بالسياره
جوري: صباح الخير شلونكم
ابو الخط: هلا بنيتي شلونج
جوري: الْحٍمَدٍ للـّه عموو وانت شلونك
ابو الخط: ع الله الْحٍمَدٍ للـّه
جوري: دوومك عموو شلونجن بنات
رهف: هلاااا تمام وانتي
جوري:اني عال العال
رهف: مو ع اساس البارحه جنتي مريضة
جوري: اჂ̤ صرت زينه
رهف: جوري شكو لـيش م تحجين ليكون عندج صديقه غيري
جوري: يبووو منج اليوم العصر تعالي عليه للبيت ونحجي كلشي بَــس اسكتي هسه
رهف: عفيه هسه كمت أحبج
جوري: ههههه ؏ اساس قبل م تحبيني
رهف: ﻶ هم أحبج بَــس حتى تكومين تحجيلي كلشي
وصلنه المدرسه شفت البنات سلمت عليهن كعدنه شويه لبين م يبدي الدرس
حنين: اكلج شهد حجيتي ويه عمر
شهد: لج اسكتي البارحه بقيت احجي وياه للصبح لو تسمعين صووته يبوووو يموت
رشا: وشنو الجديد بالموضوع انتي كل م تتعرفين ع واحد هيج تكولين بعد شكو
شهد: انجبي رشا هل المره غير.. اكلج جوري البارحه تقريباً الساعة ب 12:15 دخلت ع الفايبر ولكيتج نشطة ويه منو ليكون عندج حبيب واحنه م ندري
جوري: لا بَــس من رجعنه نمت وكعدت الساعة 10:30 ف تأخرت يلا نمت
حنين: هسه انتي عفتينه كلنه رحتي لجوري اصلاً جوري لو تكول جنت احجي ويه ولد م نصدكها
جوري: ههههه لهدرجه م عندي مشاعر
رشا: لج ﻶ انتي وين اكو مثلج بَــس تقصد م عندج هل السوالف التعبانه
رهف: البنات كلها ترتبط اله جوري كلبها ميت 😂😂😂
وكامن يضحك عليه وهنه م يدرن حسن جذبني خلاني اعرف شنو يعني حـب فزز ڪَلبـي اللي جان ميت وكعت بغرام عيونه  أللي سحرني شنو  أللي صار وليش هيج حبيت عيونه وحبيت احجي وياه صرت اتمنى يخلص الدوام بسرعه حتى احجي وياه اني  أللي م اعرف شنو يعني حب اني  أللي مالي بهل السوالف هيج صار بيه اني  أللي جنت احاسب شهد وحنين صرت مثلهن زين وبعدين شراح يصير شنو نهايتنة....؟!
اووووف ياربي وبقيت طول اليوم افكر شنو  أللي صار وصرت افكر بحسن شنو  أللي جذبني بي خلص الدوام رجعنه للبيت وبالي كله يم التليفون معقوله راسلني هسه ذكرني لو نساني وصلت البيت وكبل ركضت ؏ الغرفه اشووف التليفون ولكيته مراسلني.....

#يتبع

ولهنا وينتهي البارات اشوفكم بالبارتات القادمه ان شاء الله

واي شي يخص القصة تلكو بحسابي الانستا

@NOOR_ESSAM2002

ولتنسون تصوتون وتكثرولي من تعليقاتكم الحلوه

احبكم ❤️❤️