عندما تخيب الظنون

البارت الثاني

ندما تخيب الظنون
البارت (2)
للكاتبه نور عصام

هلوو حبيباتي اجيتكم بارت جديد ان شاء الله يعجبكم
احبكم ❤️

شافني اخويه واكفه بالشارع وصاحلي
بسام: لج جوري تعالي وين رايح ومنو هذا اللي جنتي واكفه وياه
واني ارجف وميته خوف منه كتله
جوري: م واكفه وياه والله هو وكف واني عفته ورحت
بسام: تعالي ادخلي اني اعلمج
جوري : والله م واكفه وياه هو وكف واني عفته ورحت وانت اجيت اصلاً اني ستوني طلعت والله
بسام: وشعندج طالعه شسوين
جوري: ازهار دزتني اجيب ملابس غسق نستهم بيتها
بسام: ادخلي البيت واني اعلمج
دخلنه البيت وهو بَــس يصيح ويغلط
بسام: اله اطيح حظج شسوين طالعه وحدج اله اربيج من جديد
جوري: والله هسه طلعت قبل شويه
جان تجي ماما ؏ صياح بسام
ام حسام: شڪـَووو شبيك تصيح
بسام: شوفي بنتج ويه منو واكفه بالشارع
ام حسام: ولج جوري صخام بوجهج ويه منو واكفه
جوري: والله م واكفه هو وكف واني عفته ورحت
ام حسام: انجبي ولج شنو بسام يجذب
بسام: اني اعلمها اله اربيها من جديد وانعل يومها وراح
جوري: هو بسام شاف حتى يحجي هيج ترا مصار 5 دقايق من طالعه واسالي ازهار وشوفي كليلها شوكت طلعت اني
اجت ازهار وعمتي ؏ صياح بسام وامي
ام مسلم: شڪـَووو شبيكم تصيحون
جوري : ازهار كلي لماما شوكت طلعت اني شكد صارلي
ازهار: ستوج طلعتي لـيشہ شصاير
ام حسام: ستوها طلعت كليلها وين جانت ويه منو واكفه اله اخلي بسام يربيها من جديد
نصدمت من كلام ماما لـيشہ هيج تحجي وهيه م شافت شي ؏ حجي بسام
ازهار: ماما شسالفه اني دزيتها تجيب ملابس غسق من البيت لان نسيتهم هناك
ام مسلم : شجاج ام حسام جوري ستوها طلعت اني جنت واكفه من دزتها ازهار
ام حسام: ستوها طلعت واخوها لكاها واكفه ويه واحد
جان صحت بصوت عالي
جوري: جاي اكول م واكفه وياه هو وكف واني وعفته ورحت وصاح بسام والله م واكفه وياه ولا اعرفه شبيج م تصدكين ؏ اساس انتي امي
جان تظربني راشدي وتريد بعد تظربني بَــس عمه وازهار م خلوها
صعدت الغرفتي واني ابجي شويه وتجي رهف واختي ورود
يضحكن م يدرن شصاير
رهف: جوري كاعد تبجين
جوري: ࢪﯠحي من يمي رهف مالي خلكج
ورود: شبيج جوري منو وياج منو حاجج
اجت ازهار وحظنتني وكالت
ازهار: كله من ورايه اني دزيتج
ورود: شڪـَووو صاير شي
حجتلها ازهار شصار واني بقيت بَــس ابجي وروحي طلعت وكتلهم اطلعو اريد ابقه وحدي عافني وراحن
شويه واجه بابا كال حظرو الغدا لبين م يصلون اني بقيت حابسه نفسي بالغرفه صبو غدا وتغدو اجت رهف عليه
رهف: جوري كومي نتغدا
جوري: م اريد مو جوعانه
رهف: شنو اكل وحدي
جوري : رهف مو جوعانه ࢪﯠحي اكلي ويه البنات
طلعت رهف راحت تتغده وسه البنات واني بقيت بالغرفه
ازهار: ماما لـيشہ ضربتي جوري والله م سوت شي غلط اني دزيتها تجيب ملابس لغسق
ام حسام: حيل بيها حتى تتعلم م توكف ويه احد بالشارع
ازهار: ااف ماما مو جاي اكول م مسويه شي غلط شنو تتعلم
ام حسام: ختولي وبعده حسابها هسه اخلي بسام يكسر راسها ويربيها من جديد مستهتره هيه منطينها مجال اهوايه شوفني م احاجيها اكول خطيه عبالها م اكدرلها  الساق..طة
ازهار: عوفيها لخاطري والله اني دزيتها
ام حسام: ࢪﯠحي كملي شغل ويه ورود خطيه وحدها الخاتون زعلانه م تنزل

راح حسام للحلاق وازهار ورود ينظفن بالبيت وبنات عمتي ورهف وياهن بَــس اني باقيه بالغرفه وحيل ضايجه عندي كتب وروايات اخذت وحده بقيت اقرا بيها ونمت كعدت ؏ بوسه من خدي فتحت عيوني ولكيتها غسوقه ظحكت وحظنتها وبقيت ابوس بيها وهيه تضحك شويه واجت عمتي
ام مسلم: جوري بنيتي كومي انزلي جوه تغدي انتي حتى ريوك م متريكه كومي اكلي شويه لدوخين
جوري: عمه مو جوعانه هسه من اجوع اكل
ام مسلم: ادري بيج ضايجه من امج بَــس هيه تخاف عليج شفتي بسام شلون صاير عصبي ويصيح
جوري: بَــس اني م سويت شي غلط بدال م تكله بنتي م تسوي شي غلط تظربني
ام مسلم: هيه امج وحقها تظربج وكافي عناد وانزلي تغدي جهزي نفسج م تلحكين بعد
كلت لعمتي اჂ̤ هسه انزل واني بكلبي كلت اله م انزل ولا ابدل اله ابقه هنا كاعده لان ضجت من امي ورجعت العب ويه غسوقه وجان تجي ورود
ورود: جوري حبابه كومي اكوي شعري
جوري: جيبي الكاويه وتعالي اكعدي
جابتها واجت كعدت وبقيت اسوي شعري اجت ازهار باستني وكالت
ازهار: جوري يـࢪوحـي لضوجين ولاتقهرين نفسج الصار كله من ورايه
جوري: عمرري ازهار م ضايجه ولا مقهوره لتفكرين بيه
ازهار: لعد سوي شعري هم حبابه وباستني
جوري: اكعدي يله الله بلاني بأخوات عوبات م يعرفن يسون شي
جان تجي رهف وتكول
رهف: لعد اني هم اريد تسويلي شعري
جوري: هو اخواتي عوبات واجيتي انتي كملتيها اكعدي يلا امري لله شسوي
وبقينه نشاقه ونضحك كَــُلٓـُــشٌ احبهن ازهار ورود صح اخواتي الكبار بَــس م يعرفن يسون شي مكياج والشعر أإأذأإأ عدنه مناسبه اني اسوي الهن ورهف مثلهن م تسوي شي أإأذأإأ اني موجوده
صارت الساعه ب 5 ونص واجه حسام وتلكنه بالهلاهل والهوسات ويطشون علية جكليت وكمنه نركص بس اني مالي واهس بشي م ادري لـيشہ المهم ركصنه وصفكنه وحسام راح يم الخطار واصدقائه جاين هم شويه واجه بسام جايب عشه من برا لفات وبيبسي لان بالحنه م نسوي عشه بَــس بالعرس اني جنت حيل ضايجه من بسام ف عفته وصعدت هو هم م حجه شي تعشو وشغلو الديجي وكامو يركصون الديجي صوته حيل عالي نسمعه والكل كامو يركصوون الصغار والكبار واني هم من شفت هيج راحت الضوجه ونسيت الموضوع وكمت اركص وياهم

انتظروني بالبارات الجاي

حسابي انستا 👇
noor_essam2002