Unicode
The Birth of Serenity
Spireaပန်းလေးတွေရဲ့ အရှင်သခင် ကိုယ့်ရဲ့ Serenityကို Spireaပန်းလေးတွေ ဆက်သမယ်။ နည်းနည်းတော့ ရယ်စရာကောင်းပေမဲ့လည်းပေါ့။ ကိုယ်ကတော့ ကိုယ့်ကမ္ဘာကြီးကို စောင့်ရှောက်ပေးရမယ်။ နောက်ပြီး Serenityကိုလည်း စောင့်ရှောက်မယ်။ ဘာလို့လဲလို့ ပြန်မမေးနဲ့။ မင်းကိုမြင်တာနဲ့ကို ခစားချင်နေတာ။ ကိုယ့်ရဲ့ Serenityကလည်း ပလူတိုအပြင် ကိုယ့်ကိုပါ စောင့်ရှောက်ပေးမှရမယ်။ ဘာလို့ဆို ကိုယ့်မှာ Serenityကြည့်ပေးမှ ပျောက်မယ့်ရောဂါစွဲကပ်နေပြီ ကိုယ့်ရဲ့ Serenityရဲ့…
》》》》》》》》》》《《《《《《《《《《
(Heelal = ဟီလာ, Universe’s Guardian)
ဟီလာသည် ကောင်းကင်ယံကို ကြည့်နေရင်းပင် နှစ်နှစ်ခြိုက်ခြိုက်ပြုံးမိသွားသည်။ ကောင်းကင်တစ်ခုလုံးသည် ကြယ်တာရာများနှင့် ပြည့်နက်နေပြီး နတ္ခတ်များသည်လည်း ကောင်းခြင်းသဘောကို ဆောင်နေသည်။ ထို့နောက်တွင် အလင်းလက်ဆုံးဖြစ်နေသည့် ကြယ်တာရာ နတ္ခတ်တစ်ခုအားကြည့်ကာ ဟီလာ၏မျက်နှာထက်တွင် အပြုံးပန်းတို့သည် ပို၍ပင် ဝေဆာလာသည်။
မှန်သည်။ ဒီနေ့ ပလူတိုဂြိုဟ်၏ အရှင်နှင့် သခင်မတို့၏ သားဦးလေးဖွားမြင်မည်ဖြစ်သောကြောင့်ဖြစ်သည်။ ထိုသတင်းသည် သက်ဆိုင်ရာဂြိုဟ်အသီးသီးတို့တွင်သာမက စကြဝဠာတစ်ခုလုံးတွင် ဝေဆာနေလျက်ရှိသည်။ ပိုထူးခြားသည်ကား ထိုသားဦးလေးဖွားမြင်သန့်စင်ခြင်းကို စကြဝဠာ၏ အရှင်သခင်မ ဟီလာကိုယ်တိုင် တက်ရောက်မည်ဖြစ်သောကြောင့်ဖြစ်သည်။
ဟီလာသည် စကြဝဠာတွင် အာဏာစက်အကြီးဆုံးသူတစ်ယောက်ဖြစ်ပြီး ဒုတိယမြောက် အာဏာအကြီးဆုံးဖြစ်သော နေမင်းအရှင်သခင်၏ သားတော် Zonမွေးဖွားတုန်းကပင် တက်ရောက်ခဲ့ခြင်းမရှိ။ ယခုကဲ့သို့ ဖွားမြင်ခြင်းအား ဟီလာကိုယ်တိုင်လာရောက်ကြည့်ရှုခြင်းသည် ဒုတိယအကြိမ်မြောက်ဖြစ်သည်။ ပထမအကြိမ်ကတော့ ကမ္ဘာမြေအား စောင့်ရှောက်သူ Aardeမွေးဖွားသည့်အချိန်ကဖြစ်သည်။
ယခုဟီလာ ပလူတိုသို့ရောက်လာသောအခါ နန်းဆောင်၏အဝင်ဝတွင် ပလူတို၏အရှင်ကစောင့်ကြိုလျက်ရှိသည်။ အရှင်သည် ဟီလာအား ဂါရဝပြုလိုက်သည်။ ဟီလာသည်လည်း အသိအမှတ်ပြုလိုက်ပြီးတော့ အရှင်ခေါ်ဆောင်သည့်နောက်သို့ လိုက်သွားခဲ့လေသည်။
YOU ARE READING
134340:THE PLUTO
Fanfic《《သူတို့နှစ်ဦးကြားက ပုံပြင်လည်းမဟုတ် ဒဏ္ဍရီလာလည်းမဟုတ်ခဲ့သည့် ခမ်းနားလှသော ချစ်ခြင်းမေတ္တာ》》 《《သူတို႔ႏွစ္ဦးၾကားက ပုံျပင္လည္းမဟုတ္ ဒ႑ရီလာလည္းမဟုတ္ခဲ့သည့္ ခမ္းနားလွေသာ ခ်စ္ျခင္းေမတၱာ》》 Kim Namjoon || Park Jimin