منالى الصعب💙

البارت3💙

رواية منالى الصعب
البارت3
صلى على من جلس على ركبته يواسى طفل مات عصفوره♥️
دخل عبد الرحمن إلى الغرفة ونظر بصدمة إلى تلك السرائر المتسخة والأرض الممتلئة بدماء تلك الأطفال الأبرياء فيدرك انهم تجار أعضاء وانه تم قتل كثير من تلك الأطفال لينظر حوله فيرى أن هناك باب فى تلك الغرفة لكنه غير مرأي لأنه يعتبر جزء من الحائط  لكن رآه عبد الرحمن لأنه كان مفتوح قليلاً يبدو أن أحد نسي أن يغلقه جيداً فأتجه عبد الرحمن إلى ذلك الباب وفتحه ورأى........
أما فى شقة منال.
صباح بقلق:الواد يوسف اتأخر لى دا بقالو ساعة بيجيب حاجة من أول الشارع.
هاجر:هتلاقيه واقف مع حد من صحابه ياماما ولا حاجة.
صباح:لأ انا قلبى مش مطمن الواد أتأخر أوى.
هاجر:طب أنا هبص عليه من البلكونة.
صباح:طب روحى جيب العواقب سليمة يارب.
هاجر:ماما مش ظاهر وتقريباً الشارع مفيهوش حد.
صباح:استر يارب أنا نازلة ابص عليه أنا قلبى مقبوض واتصلى على اختك شوفيها فين.
هاجر:حاضر ياماما.
لتذهب هاجر وتتصل على منال وتتجه صباح للسؤال على إبنها وهى تدعو أن يكون بخير.
هاجر عبر الهاتف:منال انتى فين.
منال:انا خلصت درس وفاضلى اتنين فى حاجة.
هاجر ببكاء:أنا خايفة اوى يامنال.
منال:اهدى بس فى اى.
هاجر:يوسف اتأخر بره وماما قلقانة ونزلت تدور عليه.
منال:هتلاقيه عند حد من صحابه ياهاجر.
هاجر:مش عارفة بس أنا خايفة أوى يامنال.
منال:متخافيش انا جايه اهو.
هاجر:طب خلى بالك من نفسك فى رعاية الله.
لتغلق هاجر وتلتفت وتجد خالتها وبناتها حاملون حقائبهم على وشك الرحيل.
لتتجه لهم هاجر دون ان تظهر لهم شئ حتى لا يقلقوا.
هاجر:خلى بالك من نفسك ياخالتو وابقى تعالى تانى.
سعاد وهى تعانقها وتقبلها من خدها:حاضر يا حبيبة خالتك ابقى سلميلى على البت منال.
هاجر:حاضر ياخالتو.
سعاد:اومال فين امك اسلم عليها قبل ما أمشي.
هاجر:ماما نزلت تجيب حاجة واتأخرت شوية مش عارفة لى.
سعاد:طب أنا همشي انا واسماء ونورا بقى عشان الدنيا متليلش علينا فى المواصلات ابقى سلميلى على امك.
هاجر:حاضر.
سعاد:سلام ياهبة خلى بالك من نفسك الإسبوعين دول وابقى ذاكرى كويس.
هبة:حاضر يماما خلى بالك من نفسك مع السلامة.
سعاد:سلام يلا يابنات.
نورا واسماء:سلام ياهاجر.
هاجر:مع السلامة.
وبعدما ذهبوا جلست هاجر وهى تردد: استرها يارب.
هبة:فى اى ياهاجر.
هاجر بعدما قصت لها:وانا قلبى مقبوض اوى ياهبة وخايفة.
اخدتها هبة فى حضنها واردفت:متخافيش إن شاء الله هييجى بالسلامة.
وبعد مرور حوالى نصف ساعة تكون منال قد حضرت إلى المنزل لتدخل وتجد هاجر تبكي فى حضن هبة.
منال بقلق:إى لسه مجوش.
هبة:لسة.
بعد مرور نصف ساعة اخرى مرت على هبة وهاجر ومنال بقلق عادت صباح إلى المنزل وهى تبكى.
صباح:ملقيتهوش لأنه مراحش المحل اصلاً وسألت كل صحابه اللى يعرفهم واتصلت على اهاليهم ملوش أثر.
لتبدأ بالبكاء فتقوم منال لكى تعانقها لتجدها اغشي عليها.
هاجر ومنال:ماما.
بعد مرور بعض الوقت يخرج الطبيب من الغرفة.
منال:طمنا يادكتور.
الدكتور:هى الضغط بتاعها عالى وكمان مخدتش الدوا بتاع القلب وكدة طالما بتهمل فى العلاج قلبها هيتعب وكمان غلط عليها الزعل والصدمات.
هاجر ببكاء:ياحبيبتى ياماما.
منال:هاجر احنا لازم نلاقى يوسف عشان ماما تبقى كويسة.
هبة:اتفضل يادكتور.
اما عند الرحمن رأى الكثير من الأطفال جالسين على الأرض فى غرفة صغيرة ليتصل عبد الرحمن على الدعم لكى يقبضوا على تلك العصابة.
ويتجه عبد الرحمن إلى هؤلاء الأطفال وقال لهم:يلا قوموا بسرعة عشان نمشي.
ليتجه له يوسف ويردف:انت تبع العصابة.
لينظر عبد الرحمن بدقة إلى وجهه وملابسه فيعرف أنه آخر من تم خطفه من قبل تلك العصابة وسبب وصوله الى تلك الاطفال.
فيردف:لا انا مش تبع العصابة.
يوسف:بجد ولا بتضحك علينا.
ليضحك عبد الرحمن وينزل لمستواه:لا يسيدى مش بضحك عليكم أنا ظابط.
يوسف:بجد انا نفسي ابقا ظابط زيك انت ومالك.
عبد الرحمن:حاضر هنخرج بس من هنا واقولك تعمل اى عشان تبقا ظابط.
يوسف:بجد طب يلا نخرج.
عبد الرحمن:اصبر بس الدعم هييجى ويقبضوا على العصابة وبعدين نمشى.
اما فى شقة صفاء خالة منال.
نرى صفاء تغلق الهاتف وتتجه لترتدى ملابسها على عجل.
لتراها لمار وتردف:رايحة فين ياصوفى.
صفاء:الواد يوسف ابن خالتك مش لاقيينه اتصلى على مالك قوليله وتعالى معايا يلا عشان خالتك تعبت ووقعت من طولها.
لمار:حاضر.
لتتجه وتتصل على مالك.
مالك:عايزة اى طالما اتصلتى ومبعتيش كلمنى شكراً يبقى فى مصيبة.
لمار:مهو فى مصيبة فعلاً يوسف ابن خالتك مش لاقيينه ومختفى من الصبح وخالتك تعبت تانى.
مالك:طب أنا هسبقكوا على هناك.
لمار:تمم واحنا هنلبس ونيجى.
وتغلق لمار الهاتف وتذهب لترتدى ملابسها وبعد بضعة دقائق تخرج لمار وتجد امها ايضاً انتهت من ارتداء ملابسها.
لمار:يلا ياماما.
صفاء:كلمتى مالك.
لمار:آه وسبقنا على هناك هتلاقيه وصل هناك دلوقتى.
اما امام منزل منال نجد مالك ينزل من سيارته ويصعد إلى شقة خالته سريعاً.
فيدق الباب اما فى الداخل تسمع هبة دق الباب وتتجه لتفتحه لتجد مالك اما مالك عندما رأى هبة قال:ياريتك يايوسف تغيب كل يوم.قال هذا بصوت منخفض.
لتقول هبة بصوت متخشرج من البكاء:اتفضل يامالك.
ليتجه مالك الى الداخل ويحمحم قبل ان يدخل إلى الغرفة لتقول له منال:اتفضل يامالك تعالى.
ليدخل مالك وينظر بحزن إلى خالته بسبب وجهها الشاحب هذا ليتجه لها ويقبل جبينها ويقول:متقلقيش ياخالتو يوسف هيرجع على طول.
صباح بصوت مبحوح:يارب يامالك يارب.
ليتجه مالك إلى الخارج ويقوم بمناداة منال.
لتخرج له منال.
منال:نعم يامالك.
مالك:احكيلى ايه اللى حصل.
قصت له منال ما حدث.
ليردف مالك:تمم انا هتصرف.
ليتجه إلى خارج الشقة ويذهب لفتح الباب فيرى يوسف بصحبة عبد الرحمن امام الباب.
عانقه مالك بلهفة:يوسف انت كويس.
يوسف:ايوة الحمد لله.
مالك:كنت فين.
يوسف:كنت مخطوف.
لتتجه منال إلى الباب:بتكلم مين يامالك...... يوووووسف.
وتذهب وتعانقه بلهفة:عامل اى ياروحي كنت فين.
يوسف:يامنال متقلقيش انا كنت مخطوف.
منال:مالك بتتكلم اكنك كنت فى دريم بارك ورجعت.
يوسف:مهو الظابط دا انقذنى.
لتنظر حيث يشير يوسف وترى ذلك الشاب الذى كان ينظر الى تلك الفتاه.
لتقول بقرف:اهلاً.
وتأخذ يوسف وتتجه إلى الداخل.
مالك:هو انت ظابط فعلاً؟
عبد الرحمن بثقة:معاك عبد الرحمن محمود ظابط مخابرات.
مالك: ملازم اول مالك ابراهيم.
عبد الرحمن وهو يمد يده للسلام:تشرفنا.
مالك:الشرف ليا.ليردف:هو يوسف كان فين ومين اللى خطفه.
عبد الرحمن:هحكيلك.
مالك:اتفضل بس الأول عشان تشرب حاجه مش هنقف على الباب كدة اتفضل.
عبد الرحمن:شكراً. ويدخلوا إلى الصالة ويجلسوا ويقص عبد الرحمن إلى مالك ما حدث.
مالك:يعنى انتو قبضتوا على العصابة دى.
عبد الرحمن:ايوة الحمدلله.
مالك:ياهاجر.
لتخرج منال:نعم يامالك هاجر مش فاضية.
مالك:تشرب اى يا عبد الرحمن باشا.
عبد الرحمن:شكراً انا قايم ماشي.
منال بطيبة مصطنعة:وربنا مايحصل دا انت انقذت الواد وعاوز تمشي كده من غير ماتشرب حاجة دا احنا هنعملولك كوباية شاى هتشرب وراها ماية.
عبد الرحمن:تمم شكراً.
منال:هتشرب حاجة يامالك.
مالك:اعمليلى شاى معاه.
منال:من عنيا.
مالك بصوت منخفض:انا مش متفائل.
ليردف بصوت مرتفع:منور ياعبد الرحمن باشا.
عبد الرحمن:ممكن متقوليش باشا دى بره الشغل انا هقولك مالك وانت قولى ياعبده.
منال بصوت مرتفع:الشاى ياعبده.
عبد الرحمن:شكراً ياأنسة.
منال:خد يامالك.
لتتجه منال إلى المطبخ لكنها وقفت وراء حائط تنظر لهم دون ان يروها.
مالك:اشرب ياعبدة.ثم يضحك.
عبد الرحمن بضحك:حاضر.
ويشرب عبد الرحمن ومالك الشاى.
ثم يبصقوه سريعاً ويبدأوا بالسعال.
لتنفجر منال بالضحك.
منال ببراءة مصطنعة:يوه يقطعنى تلاقينى نسيت وحطيت ملح بدل السكر وحطيت شوية شطه صغننين اد كدة برضو ميضروش يعنى خدوا اشربوا مايه وتصب لهم كوبين من الماء.
ليأخد مالك كوبه ويبدأ بشربه ويبصقه سريعاً وعبد الرحمن نفس الشئ.
منال:يووه يقطعنى تانى تلاقينى جبتلكوا خل.
لتتجه الى عبد الرحمن وتكون قريبة منه مع الحفاظ على المسافة بينهم وتهمس بالقرب من اذنه:عشان بعد كده كل ما تبص على واحدة من حتتى تفتكر المقلب دا تحط عينك فى الارض.
لينظر لها عبد الرحمن بوجه وعيون باللون الأحمر من الغضب لترجع منال إلى الوراء خطوتين بخوف.
عبد الرحمن:يعنى الهبل اللى عملتيه دلوقتى دا عشان مفكرانى ببص على البنت صح.
منال:اينعم.
عبد الرحمن:طب وانتى مالك.
منال ببلطجة:بنت حتتى وتخصنى واللى يمس حد يخصنى حتى لو بنظرة يستحمل اللى هيحصله امين.
هبة التى خرجت من الغرفة للتو:امين ولد جليل ولا امين ولد الطحاوى.
ليردف مالك:طب وانا مالى هو عاكس البنت انا مالى يالمبي.
منال:يعنى يرضيك الراجل يبقى قاعد معاك ويتعمل فيه المقلب وانت تقعد تتفرج كده لا يامالك معرفش عنك كدة انت مثال للرجولة والجدعنة أكتر من احمد السقا تقول كدة اخس اخس بجد.
لتبدأ هبة بالضحك.
لينظر مالك لهبة بهيام:لا ميرضينيش خالص.
منال بحدة:عينك فى الأرض ياض.
مالك:ياض انا حضرة الظابط مالك يتقالى ياض.
منال:يخويا بلا نيلة اظبط نفسك بس الاول.
ليضحك عبد الرحمن على شكل مالك.
هبة:منال انا داخلة اذاكر مع هاجر.
منال:روحى يختى ومتخرجيش من الأوضة من الأوضة دلوقتى خالص سامعة.
مالك:ليييييه يامفترية حرام عليكى ياشيخه حرام.
منال:اظبط يلا.
مالك:حاضر ياسيد المعلمين.
لتنظر منال إلى عبد الرحمن لتجده ينظر لها.
لتقول:اى يسطا بتفكر تنتقم منى عشان المقلب وتاخدنى وتجلدنى وتعذبنى وتحبسنى فى اوضة ضلمة وبعدين تحبني بقي صح.
عبد الرحمن: احبك انتى..لى.
مالك:يعنى انت سبت المعتقل اللى قالته دا ومسكت فى الحب.
منال بردح:وبعدين متحبنيش لى يخويا هاه هاه هاه.
مالك:بصى لنفسك وطريقة كلامك يامنال دا انتى ولا اشطرها سواق توكتوك فيكى يابلد.
عبد الرحمن بضحك:وشهد شاهد من اهلها.
منال بعدما شهقت شهقة مثل النساء السوقية:مش عاجباك انا ولا اى يخويا دنا مجننه نص شباب مصر بس يكشى هى النفس.
مالك:آه فعلا على يدى.
منال:وبعدين فى دلع متشال لقرة عينى هل انت قرة عينى.
مالك:لا.
عبد الرحمن:طب استأذن انا بقا ياجماعة.
ثم مر بجانب منال وهمس:إلى لقاء قريب يامنال.
منال بجهل بعدما خرج:هو الواد دا قال اى مسمعتوش هو قال حاجة وبعدين قال يمنال يامين يلايمنى عليك يااقرع ياابن القرعة انت.
إلى اللقاء فى البارت الرابع♥️