منالى الصعب💙

البارت5💙

رواية منالى الصعب
البارت5
صلوا على شفيعنا♥️
ذهبوا ووجدوا ليلى وعبد الرحمن فى استقبالهم ليتجهوا إلى هناك.
ليلى:اتفضلوا ياجماعة نورتونا.
صباح:منور بأصحابه.
عبد الرحمن:اتفضلوا ياجماعة.
ليتجهوا جميعاً إلى الداخل.
ليتصل اللواء على عبدالرحمن.
اللواء:عبد الرحمن افتح الأسبيكر.
لينفذ عبد الرحمن اوامره.
اللواء:انتو دلوقتى حواليكم حرس فى كل حته تمم الساعة9الصبح هتيجى طيارة خاصة تاخدكم كلكم من المطار والعربيات هتيجى تاخدكوا ومعاكم الحرس هتتحركوا من عندكم الساعة8هتنزلوا فى المطار فى اسكندرية هتلاقوا عربيات مستنياكم برة هتركبوا هتوصلكوا لحد الفيلا وهيبقى فى حرس هناك برضو كده احنا عملنا اللى علينا تمام.
الجميع:تمم.
ليغلق عبد الرحمن الإسبيكر ويقول:حاجة تانى يافندم.
اللواء:آه انت مش هتبدأ فى المهمة غير بعد اسبوع تمم وهتوصلك اخبار أول بأول على تليجرام.
عبد الرحمن:تمم يافندم.
اللواء:مع السلامة.
عبد الرحمن:سلام.
ليغلق عبد الرحمن الهاتف ويتجه لحديقة القصر مع مالك وسراج.
اما فى الداخل.
ليلى:عرفونى على نفسكم او استنوا انا هسأل.
لتقول للمار:انتى مين ياقمر.
لمار:انا اللى ضاع من عمرى سنين محسوبتك لمار.
ليلى:اه انتى ظريفه حبيتك.
صفاء فى نفسها:لا هتلاقى من دا كتير.
ليلى:فى سنة كام يالمار.
لمار:فى تالته كلية هندسة.
ليلى وهى تشير لمنال:وانتى اسمك اى يسكرة.
منال:اسمى منال.
ليلى:انتى منال.
منال:اه.
ليلى:فى سنة كام.
منال:فى تالته ثانوى.
ليلى:ربنا معاكى يروحى علمى ولا ادبى.
منال:علمى رياضة.
ليلى:الله يقويكى. وتنظر لها بخبث واعجاب وتقول:هى دى عروسة ابنى.
وبعدما تعرفت ليلى عليهم جميعا اردفت:أنا ليلى عندى ولدين عبد الرحمن وفارس بس فارس كان جاى تعبان من كليته فنام شوية عشان كدة منزلش معانا.
صباح:الف سلامة عليه.
ليلى:الله يسلمك.
ليلى:تعالوا أوريكوا اوضكم على ما ام سامى تحضر العشا.
وتريهم غرفهم وتذهب هى وصفاء وصباح الذين اصروا على الذهاب معها لتحضير العشاء.
اما عند غرفة هبة وهاجر.
هاجر:هبة متعرفيش أوضة منال فين عاوزاها فى حاجة.
هبة:تقريبًا اللى جمبنا.
هاجر:طب تمم انا رايحالها عشر دقايق وجايه.
هبة:تمم روحى.
لتخرج هاجر لترى غرفتين بجانب غرفتهم واحدة من اليمين والاخرى من اليسار.
لتقول:طب هى انى اوضة يوووه مش مشكلة بقا انا هخبط على اى واحدة.
لتذهب الى إحدى تلك الغرف وتدق الباب.
بعد عدة ثوانى يُفتح الباب ويخرج فارس وينظر الى هاجر بإستغراب:انتى مين.
هاجر بخجل:أنا اسفة خبطت على اوضة غلط.
فارس:عادى بس انتى مين برضو.
هاجر:انا هاجر.
فارس:انتى تبع عيلة يوسف.
هاجر:ايوة.
فارس:أهلاً بيكى.
هاجر:شكراً عن اذنك.
لتتجه إلي الغرفة الاخرى وتدق الباب لتفتح لها لمار وتدخل هاجر الى الغرفة سريعاً.
لمار:مالك يبنتى عفريت كان بيجرى وراكى.
هاجر بعدما هدأت قليلا:لأ هى فين منال.
لمار:منال فى الحمام.
هاجر:تمم.
اما فى الخارج عند غرفة فارس بعدما ذهبت هاجر يقول:اهى دى البنات ولا بلاش مش القرف اللى بنشوفه.
ويتجه الى غرفته.
اما فى المطبخ.
صفاء:ماشاء الله اكلك جميل ياليلو لو البت منال داقته هتفضل تشكر فيه من هنا للصبح.
صباح بضحك:بس مش هتدوقه واراهنك انها اول ماتشم ريحة الاكل هتبقا عاوزة تبعد عنه.
ليلى:لى كدا.
صفاء:اصلها عاملة ريجيم ومش عاوزة تضعف ادام الأكل.
ليلى:طب هى بتاكل اى.
صباح:هى بتتعشي زبادى وحاجة تانية معاه فاكهة او خضار.
ليلى:طب استنى هجهزهملها.
وتذهب ليلى لتجهيز طعام منال.
اما عند الشباب فى الحديقة.
كان يجلس كلا من مالك وعبد الرحمن ويوسف وسراج.
يوسف:انا بإذن الله لما أكبر هكون ظابط زيكم.
عبد الرحمن:ركز فى دراستك واعمل واجباتك وانت هتطلع زى منت عاوز.
سراج:جماعة انا جعان.
مالك:ماأنت لسة متنيل واكل.
سراج:دا من امتى.
مالك:من حوالى نص ساعة.
سراج:شوف اديك قولت نص ساعة يعنى30دقيقة يعنى1800ثانية هما دول شوية ياجدع انت.
عبد الرحمن:لا بصراحة كتير جداً.
سراج:قوله يخربيت الزولم بتاعك يالوكة.
مالك:يخربيت لوكة دى هو ياإنت يالمار.
يوسف:احسن احسن.
عبد الرحمن:بيحبوك اوى.
مالك:اه مهو باين.
بعد مرور بعض الوقت.
يتجمع الجميع حول مائدة الطعام معدا لمار ومنال.
فينزلوا بعد قليل من الوقت فتتجه لمار للجلوس بجانب صفاء.
اما بالنسبة لمنال فأرادت ان تفر لأعلى لكن تخجل ان تفعل هذا امام الجميع.
ليلى وكأنها رأت مايجول بخاطرها.
فتقول:تعالى جمبى ياميمو.
لتتجه منال للجلوس بجانبها لترى طبق ملئ بالزبادى وبجانبه تفاح مقطع امامها لتنظر إلى ليلى بأمتنان وتبدأ بالأكل.
فكان شكلهم اكثر من رائع فكان يجلس مالك ويختلس النظرات لهبة وعبد الرحمن نفس الشئ بالنسبة لمنال اما الباقى يأكل فقط ولا يبالى.
وبعد الطعام جلسوا جميعاً فى الحديقة.
كان منظرهم اكثر من رائع.
لتتجه منال ولمار للجلوس على الأرض ففعل هبة وهاجر نفس الشئ اما يوسف فكان يلعب على الهاتف العاب إلكترونية.
ليفعل الشباب نفس الشئ ليجلس مالك بجانب لمار وكان هناك فارس وهاجر لكن بينهم وسادة فقالت هبة بحماس:تيجو نلعب لعبة الإزازة.
فوافق الجميع بإستثناء عبد الرحمن.
لتقول منال:هتوافق ياعبده ولا أقوم اعملك شاى.
ليضرب عبد الرحمن فارس على عنقه من الخلف:مجيبتش الأزازة لى ياض.
فارس:فوريرة ياحب.
ويتجه فارس ويحضر زجاجة ليبدأوا باللعب.
لتلفها لمار لتأتى على فارس يسأل منال.
فارس:اكتر يوم حزنتى فيه فى حياتك.
منال:يوم موت بابا.
لتمتلئ عين هاجر بالدموع لتمسحها سريعاً دون ان يراها أحد لكن رآها فارس ونظر لها بحزن.
لتلف لمار الزجاجة مرة أخرى لتأتى على هبة تسأل مالك.
هبة:لى بتكره حسن ابن عمى.
ليتذكر مالك نظرات هذا الوغد لها فيردف بغضب:مبرتاحلوش عيل ملزق.
هبة بخوف بعدما رأت تعبيرات وجهه:طيب طيب ريلاكس يابيبي.
لينظر لها مالك فأبتسم قليلاً وبعدها إنفجر فى الضحك.
عبد الرحمن:بتضحك على اى.
مالك:اتعشمت واتغدر بيا.
ليضحك سراج ومنال لأنهم الوحيدون من فهموا مقصده.
لمار:يلا ياجماعتنا.
لتلف الزجاجة لتأتى عليها تسأل عبد الرحمن.
لمار:مين اول حب فى حياتك.
عبد الرحمن:مفيش فينظر لمنال بس تقريباً هيبقى فى قريب بإذن الله.
لتلفها مرة اخرى لتأتى على سراج يسأل هبة.
لينظر سراج لمالك بخبث ليفهم مالك نظرته فيشير له برأسه بمعنى لا لينظر له سراج بنفى.
سراج لهبة:هل نفسك تحبى وتتحبي.
هبة:أنا شايفة ان سنى صغير على الكلام دا لإنى يوم مااحب مش هحب غير اللى هيبقى نصيبى مش هحب حد غى السر فاهمنى.
مالك بفرحة:آه فاهمك.
لتلف لمار الزجاجة لتأتى على عبد الرحمن يسأل منال.
عبد الرحمن:اى الكلية اللى نفسك تدخليها.
منال:نفسي أدخل شرطة بس لو ربك مأرادش هتبقى هندسة بإذن الله.
منال:انا زهجت أقولكم نكتة مرة دكتور سنان دخل شقته لقا ولاده بيتخانقوا ومش راضيين يسمعوه قالهم مش معجون كدة ادونى فرشة اتكلم. لتنفجر بالضحك لينظر لها الجميع بقرف معدا عبد الرحمن فهم يبتسم على ضحكها.
منال:استنو هقولكم واحدة كمان بيقولك مرة واحد أحول ابوه مات دفن امه هاهاهاهاهاى.
ليتجه مالك إلى غرفته ويتركهم.
منال:طب اسمعوا دى مرة واحد أقرع شاف بطة قالها هاى بطة قالتله هاى زلابطة هاهاهاهاهاى.
ليتركها الجميع ويرحل معدا عبد الرحمن.
ليقول عبد الرحمن:نكتك حلوة.
منال:عشان انت بتقدر الفن.
وتتركه وترحل.
عبد الرحمن وهو ينظر لاثرها بصوت منخفض:ضحكتك هى اللى حلوة.
لنرى ليلى فى الأعلى تنظر لهم:باين هلبس فستان قريب.
فى صباح يوم جديد فى السادسة صباحاً.
نرى منال تجرى حول القصر وحدها لكن هذا اليوم مختلف فهى اليوم تجرى لكن باقى الأيام كانت تمشي.
لتجرى حتى تصل للحديقة خلف القصر وفى طريقها للعودة تسمع صوت مألوف لدينا جميعاً فهذا صوت نباح كلب ليدق قلب منال بشدة فهى ترتعب من الكلاب لتنظر خلفها لترى فعلاً كلب ويالا الحظ انه غير مربوط ليرى الكلب خوفها ليبدأ بالنباح ويجرى وراءها لتفر منال هاربة وهى تصرخ اما فى غرفة عبد الرحمن كان يجلس يقرأ ورده اليومى فيسمع صوت صراخ فى الحديقة لينظر من نافذته ليرى منال ويجرى وراءها كلبه(ريكس).
لينظر بفزع فلا أحد يستطيع ابعاد ريكس عنها غيره.
فيتجه بسرعة للأسفل.
اما فى الحديقة.
منال:يختااااى انت مبتهمدش دنت لففتنى حوالين البيت حوالى اربع مرات حرام عليك يارب بقا انا تعبت هما اللى فى البيت دول واخدين منوم ولا اى اصحوووو فى واحدة هتموت هناااا.
ليفتح عبد الرحمن الباب ويتجه لها سريعاً ويقول:ريكسset.
ليجلس الكلب بالفعل.
فتقول منال:انت جيت ياكلب. وتقع مغشياً عليها.
ليلتقطها عبد الرحمن قبل ان تصطدم رأسها بالأرض.
ليحملها لداخل القصر ويجعلها تستلقى على الكنبة ويجرى بلهفة ليحضر ماء لكى تستفيق ويحضر كوب من الماء ويضع القليل على وجهها لتستفيق منال.
منال بفزع:عبد الرحمن متخليهوش يجري ورايا.
عبد الرحمن براحة بعدما فاقت:اهدى هو خلاص مشي.
منال:هو الكلب دا بتاعك.
عبد الرحمن:اه.
منال بغضب وصوت عالى:اما هو آه فى واحد محترم يجيب كلب وميربطهوش جتك القرف ياشيخ.
عبد الرحمن بغضب:صوتك ميعلاش تانى. ليقول بصوت عالى:سامعة.
لتنظر له منال قليلاً ثم تنفجر بالبكاء.
ليتفاجأ عبد الرحمن من ردة فعلها.
عبد الرحمن:طب خلاص متعيطيش أنا آسف متزعليش منى.
ليراها مستمرة بالبكاء.
عبد الرحمن:طب انتى بتعيطى لى.
ليراها مستمرة بالبكاء.
عبد الرحمن:طب أعمل اى دلوقتى.
ليربت على رأسها وينظر لها بحنية:طب إنتى عاوزة اى طيب وانا اعملهولك.
منال:متزعقليش تانى عشان مش بحب حد يزعقلى وبعدين أنا صاحية خايفة تقوم انت تخوفنى زيادة.
عبد الرحمن:انا اسف بس مبحبش الصوت العالى.
منال:معلش يخويا.
عبد الرحمن:وبعدين اى اللى وداكى ورا القصر.
منال:مهو انا متعودة اعمل رياضة الصبح كل يوم ف وأنا بجرى وبلف كدة لقيت صوت كلب بلف ورايا بقى عينك ما تشوف إلا النور لقيت كلب اسود فى اسود بيبصلى وكأنى حتة لحمة وهو جعان خدت ديلى فى سنانى وطيرت.
عبد الرحمن بحدة:هو انتى بتجرى كل يوم عندكم فى الشارع.
منال:اكيد لأ أنا بمشي بس النهاردة بما ان مفيش حد فى الجنينة والحرس فى الجنينة اللى برة فجريت عادى.
عبد الرحمن:طب فطرتى.
منال:آه.
عبد الرحمن:فطرتى اى مفيش حد عمل فطار.
منال:مهو انا فطرت النهاردة زبادى مع خيارة.
عبد الرحمن:وهو دا فطار.
منال:آه فطارى.
عبد الرحمن:طب لى.
منال بإحراج:عشان عاوزة اخس.
عبد الرحمن:ربنا معاكى طب ممكن تعمليلى فطار عشان ماما وأم سامى نايمين وأنا جعان معلش.
منال:تمم من عيونى.
عبد الرحمن:شكراً ليكى معلش بجد.
منال:اى يبنى كمية المعلشات دى ايزى يمان.
لتذهب منال إلى المطبخ لتحضير إفطار له.
اما أعلى السلم فنرى احد ما يقف وعلى وجهه بسمة فرحة:أخيراً ياعبد الرحمن.
اما بعد مرور ساعة كانت الساعة7:30كان يقف الجميع فى ساحة القصر وكانوا ينتظروا ليلى التى كانت فى داخل المطبخ فخرجت ليلى بطبق ملئ بالسندوتشات وقالت:يلا كلوا قبل مانسافر عشان متمشوش من غير فطار.
لتعطى لكل واحد منهم ساندوتش ليأكله معدا منال وعبد الرحمن وبالتأكيد نعرف لماذا.
ليبدءوا جميعاً بالأكل وبعد مرور بعض الوقت يأتى احد الحراس ويقول:يلا عشان العربيات جاهزة.
ويتجه الجميع ليركبوا السيارات ويتجهوا إلى المطار ليبدأوا فترة جديدة وتبدأ حياة من الجنون والمرح والأكشن مع هذه العائلة الأكثر من رائعة.
الى اللقاء فى الفصل السادس♥️