منالى الصعب💙

البارت6💙

رواية منالى الصعب
البارت السادس♥
صلى على شفيع المؤمنين♥️
وبعد مرور خمس ايام من وصولهم الى بيت اسكندرية نرى ليلى جالسة وبجانبها صفاء تقطع فواكه وبجانبهم صباح.
ليلى:متخلص ياواد ياسراج بقالك ساعة بتمسح الأرضية.
لينظر لها سراج بغضب بحالته المزرية تلك حيث انه يرتدى تيشيرت قديم وبنطال منزلى واسع يرفع فردة والاخرى كما هى.
سراج:متؤمريش بحاجة تانى ياست هانم.
ليلى:يخويا خلص اللى فى ايدك الاول.
سراج بنرفزة:طيب يختى طيب.
ليلى:حاساك قرفان كدة اجبلك مخلل.
سراج:شكرا بس ممكن امسح بشرشوبة بدل قطمة الظهر دي.
ليلى:مبرتاحش للمسح بتاعها كدة مش عارفة لى.
سراج:هى عمتك ياليلى دى شرشوبة.
ليلى:اخلص ياض.
سراج:حاضر حاضر.
ليلى:امسح الأحراف بتاعت السلم كويس يافارس.
فارس:حاضر ياليلى شغلتينى خدامة على اخر الزمن.
ليلى:اشتغل وانت ساكت هقوم انا اعمل يعنى وانت عاملين زى العجول كدة.
فارس:متعمليش بس اشمعنا عبد الرحمن مبيعملش حاجة.
ليلى:تقدر تقوله يعمل حاجة.
فارس:مهو مهو......
ليلى:متقدرش يبقى اشتغل وانت ساكت.
مالك:يعنى انتى خايفة من عبد الرحمن.
ليلى:لأ انا بس بحترمه.
مالك:طيب.
ليلى:انت خلصت الأوض ياض ولا لسة.
مالك:آه يختى خلصتها بس عاوز افهم هى البنات بتعمل اى.
ليلى:روقوا الأوض اللى بيناموا فيها ومنال وهاجر ولمار بيعملوا الحلويات وهبة بتعمل الاكل.
مالك:هى هبة اللى هتعمل الاكل.
ليلى:اه يانحنوح هبة هى اللى هتعمله وبعدين بقولك اى محن فى اللقمة اللى هنطفحها مش عاوزين.
مالك:محن اى بس ياحجة ليلى مفيش محن ولا حاجة.
وثوانى ووجد شئ ووجد شئ يرتطم بوجهه بقوة وما هو الا شبشب ليلى.
ليلى:حجة دى تقولهالى لما اتم 90سنة ياعجل انت.
مالك وهو يهمس لفارس:عنيفة اوى امك دى.
فارس:هو انا مناخيرى مفنشة من شئ شوية دى كل يوم بتخبط شبشبها فى وشي اتناشر مرة لما الواحد زهق.
ليلى:بتقول اى ياض.
فارس:بقول ربنا يخليلى ليلى وشبشب ليلى.
ليلى:آه بحسب.
عبد الرحمن وهو يدخل من باب البيت وبالطبع متنكر لأنه كان فى الخارج:السلام عليكم.
لتصرخ ليلى ثم تقول:انت مين ياض قول انت مين اما ادب السكينة دى فى كرشك انا بقول اهو.
عبد الرحمن بعدما نزع الباروكة وخلع النظارة:انا ابنك ياحجة ليلى.
ليلى:عبد الرحمن ممكن لو سمحت يبنى متقوليش حجة.
عبد الرحمن:معلش نسيت امال فين البنات.
ليلى:منا.. قصدى البنات جوة فى المطبخ.لتنظر له بخبث هه ياواد انت يانمس.
عبد الرحمن:ليلى انا طالع انام.
ليلى:نوم العوافى يابتاع..... هه مش هتكلم.
ليزفر سراج براحة ويردف:كويس انه مشافنيش كان هيزفنى والله.
ليعود عبد الرحمن ويقول:ليلى فين الترينج بتا...... وينصدم من هيئة سراج ويردف:اى يواد ياسراج اللى عامله فى نفسك ده.
سراج:الزمن يخويا الزمن وينظر لليلى ثم يقول ربنا ع الظالم والمفترى.
ليلى:حسبي الله ونعم الوكيل فى المفترى والظالم ياسراج يابنى.
عبد الرحمن:هى ليلى عملتها فيك يبنى معلش.
سراج:لا انا محدش يقدر يجبرنى على حاجة انا بس حبيت امسح الأرضية دى النظافة من الإيمان ياأخ عبده.
ليلى:طب معلش ياسروجة لما تخلص رتب الكنب عشان النظافة بقى وكدة.
ليسمعوا صوت ضحكات لينظروا ثم يروا يوسف يقوم بتصويرهم.
سراج:خد ياض هنا.
ليجرى يوسف ناحية عبد الرحمن ويقول:انا فى حماية عبد الرحمن.
ليقول سراج لليلى:عاجبك كدة خليتينا لبانة فى بق اللى يسوى واللى ميسواش.
ليلى:يلا ياض رتب الكنب بطل غلبة.
لينظر لها سراج:عنيا ياحجة ليلى هه ياحجة.
ليلى:يارب يخويا نحج كلنا قول آمين.
سراج:حسبي الله ونعم الوكيل.
لتنفجر صفاء وصباح فى الضحك.
ويقول عبد الرحمن لسراج:قلبى معاكى يختى.
سراج:انشاله تسلمى ياحبيبتى.
وبعد مرور ساعة كانوا قد انتهوا من التنظيف وجالسين على المائدة ليأكلوا.
اما بالنسبة لمالك فكان كلما يأكل قطعة من الطعام يمدح فيها وفى صانعها وبالطبع نعرف لماذا.
مالك:الله على محشى ورق العنب الله.
صفاء:بس انت مبتاكلوش يامالك ومش بتحبه اصلا.
لمار:مهو حبه بقا ياماما.
منال وهى تهمس لمالك:خف شوية عشان بقيت مفقوس اوى.
مالك:اوى اوى.
منال:اوى.
مالك بإحراج:طب تمام ثم يرفع صوته مرة اخرى ويقول:بس مين اللى عمل الأكل الجامد دا.
هبة بخجل:انا اللى عملته.
مالك:تسلم ايدك.
هبة: شكرا.
وبعد مرور اربعة ايام نرى عبد الرحمن ينزل السلم بسرعة عالية وهو يتكلم مع شخص في الهاتف ويقول:تمام يافندم حالا مع السلامة ويقفل الهاتف:يامالك ياسراج يلا بسرعة خلصوا.
ونرى مالك يضع السلاح فى حزام فى خصره ويقول:يلا احنا جاهزين.
عبدا الرحمن:ياماما ياماما.
ليلى:اى ياض بتزعق لى.
عبد الرحمن:محدش يخرج من باب الفيلا مش عاوز مشاكل تمم.
ليلى:حاضر حاضر.
مالك:مفيش خروج للجنينة.
ليلى:حاضر.
ويتجهوا الى الخارج ويركبوا سيارة واحدة ويتجهوا الى وجهتهم.
بعد مرور عدة دقائق يصلوا الى المقر ويدخلوا بتخفى فكل من كان يقابلهم يقتلوه بدون صوت حتى لا يحدث ضجة.
اما فى الداخل.
مجهول:وصلوا يابوص.
البوص:سيبوهم يدخلوا المفاجأة مستنياهم.
مجهول:اوامرك.
عبد الرحمن:خلو بالكم عشان هدوئهم دا مش مطمنى.
فأومأ مالك وسراج برؤوسهم.
اما فى غرفة من الغرف نرى ثلاثة بنات وبالطبع نعرفهم منال ولمار وهبة.
لمار:يااااااااه اخيرا جربت احساس الخطف ياعيال.
هبة:آه عجبنى ياترى مين البطل اللى هييجى ينقذنى.
منال:حلو والله اوى الاحساس دا هبقى اجربه مرة كمان بس لى مبعيطش عشان ييجى واحد كدة طول بعرض بإرتفاع وسيم يدخل يشوفنى بعيط اقوم اصعب عليه بقا يقوم قايلى متعيطيش محدش هيأذيكى واقوم انا ابصله ببراءة كدة واق.....
لمار:هتبصيله ازاى.
منال وهى تنظر ببراءة او هكذا تعتقد فهى فى الحقيقة تبرق بعينيها:كدة المهم بقا ابصله ببراءة واقوله بجد وهو يسرح بقا فى عينيا ويقولى انتى جميلة اوى فأنا بقى اتكسف واق......
هبة:تتكسفى؟!!!
منال:آه ويقوم باصصلى بحب بقا و...
لينفتح الباب ويدخل رجل طويل القامة وضخم ويظهر الاجرام على ملامحه وليس وسيم.
منال:مش مهم الشكل اهم حاجة النظرة اللى كلها حب. وتغمض عينيها وهى تقول يااااااه.
لمار:هبة هى دى بصة الحب اللى بتقول عليها.
هبة:حاساها نظرة مش كويسة سيكا.
لتفتح منال عينيها وترى هذا الرجل ينظر لها نظرة شهوانية.
فتقول:هتلاقيها نظرة حب بس احنا اللى ظالمين الرجل.
الراجل:لولا ان البوص مانع كدة كنت خدتك تطرى عليا انا والرجالة يامزة.
منال وهى تشهق شهقة مثل نساء الحوارى الشعبية:تاخد مين ياادلعدى انت مفكرنى زى امك ياض ياعب** انت.
الرجل بعصبية:متجيبيش سيرة امى على لسانك احسن اوريكى وبعدين اللى يشوفك من برة يقول بنت ناس اما انتى مش كدة خالص.
لينظر للمار يراها تنظر له نظرة اجرامية فيخاف الرجل قليلا ثم ينظر لهبة يراها تنظر للأرض.
الرجل وهو يشير على هبة:لو البوص مكانش رافض كنت خدتك انتِ تطرى علينا.
هبة:متطرى عليهم انت ياعمو.
الرجل:هو انتم بنات.
لمار:انت ادرى ياعمو.
منال:يلا ياخويا طرقنا مش ناقصين قرف.
ليتجه الرجل للخارج وهو يتأفف منهم.
منال:رجالة تسد النفس.
هبة:مفيش أكل هنا ياعالم يامعفنة.
ليتجه مالك وعبد الرحمن وسراج إلى غرفة البوص ليدخل عبد الرحمن الى الداخل وخلفه مالك وسراج ليروا البوص جالس على كرسيه وبجانبه يقف الشخص المجهول ولكن وجههم غير ظاهر بسبب الظلام.
البوص:والله نورتوا يا رجالة.
عبد الرحمن:وقعت يابوص وهنخلص من قرفك.
البوص:فاضل واحد فى نسلى لو موتت هياخد مكانى.
عبد الرحمن بصدمة:قصدك على مين.
البوص: لا متتصدمش ياعبده باشا لسه الصدمات جاية.
ليقول البوص بصوت عالى:هاتوهم.
ليدخل ثلاث رجال كل رجل ممسك ببنت من البنات.
لينظروا لهم بصدمة ويردف عبد الرحمن:انتو اى اللى جابكم هنا.
منال:لا ابدًا زهقنا من جو الفيلا فقولنا ناخد جولة ثم ترفع صوتها:هنكون جايين لى يعنى مخطوفين.
مالك:سيبهم يابوص انت حسابك معانا احنا مش معاهم.
البوص بضحكة مزعجة:طب اقولك حاجة سيب وانا اسيب.
ليبدأ بالضكك لتنظر له لمار بقرف:دمك مش خفيف يسطا والله.
منال:ياغبية اضحكى عشان تحسسيه ان دمه خفيف فيقوم سايبنا نروح.
فيضرب عبد الرحمن طلقة من مسدسه فى السقف.
البوص:لا خوفت.
عبد الرحمن:لسة وقت الخوف مجاش يابوص.
لتنفتح جميع نوافذ المقر ويدخل منها العديد من الجنود وينتشر الضوء ويظهر وجه البوص والمجهول.
لينظر مالك ولمار إلى المجهول بصدمة شديدة.
لتدمع عين لمار.
ويقول مالك:انت.
المجهول:ايوة انا اى رأيك فى المفاجأة دى.
إلى اللقاء فى البارت السابع❤