منالى الصعب💙

البارت4💙

رواية منالى الصعب
البارت4
صلوا على الحبيب♥️
مجرد ان انتهت منال من جملتها وجدت مالك يجرى بسرعة ناحيتها لتجرى منال تجاه غرفة والدتها:إلحقينى يامامااااااع.
صباح بخضة:فى اى يابت.
منال:مالك عاوز يضربنى.
مالك:دنا هنفخك ياكلبة انتى بقا بتكسفينى مع الراجل ياحيوانة انتى.
منال:فيها إى يامالك يعنى دا مقلب.
مالك:مقلب فى الراجل اللى أول مرة يدخل بيتكم ياحيوانة.
يوسف:يعنى هى اول مرة يامالك.
مالك بتعب:على رأيك هى أول مرة.
لينظر إلى خالته التى لا تريد أن تترك يوسف وتعانقه بشدة وتقبله من حين إلى الآخر.
ليردف مالك:اى خدمة ياصبوحة قولتلك هجيبلك يوسف ومن غير ما أعمل اى حاجة جالك اهو.
يوسف:ياعم أقعد انت حتى معرفتش مكانى مفيش غير عبد الرحمن هو اللى جابنى.
مالك:احم انا بقول اخرس احسن.
منال:عبد الرحمن آه ألف سلامة.
فى كلية الطب فى جامعة القاهرة.
نرى فارس وهو يتجه إلى مكان محاضرته.
وهناك مجموعة مكونة من ثلاثة شباب وبنتين ليقول احدهم إلى إحدى الفتيات وهو يشير إلى فارس:هو دا.
لتقول له تلك الفتاة:آه هو.
ليقول:يلا ياشباب.
ويتجهوا إلى فارس ويقوم هذا الشاب بالإصطدام به عمداً.
ليقول فارس:براحتك يبنى فى اى.
الشاب:ابنك وبعدين انت مالك براحتى ولا لأ.
فارس ببرود:ماشي بس متخبطنيش وترجع تقول انت مالك.
ليلكمه الشاب فى وجهه:انت هتعدل عليا يااض.
ليرد له فارس اللكمة:انت عاوز تتخانق بقا.
ليرد عليه الشاب:الصراحة آه.
ثم يشير إلى الشابين الذين كانوا معه ليأتوا ويمسكوا بفارس واحدة من جهة والثانى من الأخرى ويلكمه هذا الشاب عدة لكمات ويقول له:مش نور الشناوى اللى يتضرب يلا.
ويضربه عدة لكمات أخرى ولم يستطع فارس ابعاد الشابين لان جسده يعتبر نحيل بعض الشئ بالنسبة لهما.
فيأتى أمن الجامعة ويأخذهم إلى مكتب العميد.
بعد مرور ساعة يعود فارس إلى القصر ويدخل فتراه ليلى فتجرى إليه وتردف بصراخ:إى اللى عمل فيك كدة.
فارس بحزن:ممكن تسيبينى لوحدى ياليلى بعد إذنك.
لتأخذه ليلى فى حضنها وتربت على ظهره ليبدأ فارس بالبكاء ثم يقول:هو لى أنا ضعيف لى مش زى عبد الرحمن.
ليلى:لا ياحبيبي انت مش ضعيف أنت مسالم مبتحبش تأذى حد.
فارس:طب أنا هطلع أنام شوية.
ليلى:استنى أنا هطهرلك الجروح اللى فى وشك دى وبعدين اعمل اللى انت عاوزه وتحكيلى ايه اللى حصل.لتذهب وتعود بحقيبة الأسعافات وتبدأ بتطهير جروحه ويقص لها فارس كل ماحدث.
ليلى:وهو انت كده ضعيف انت حاولت تدافع عن نفسك بس هما اللى اتكاتروا عليك ياحبيبي.
فارس:ماما أنا عاوز اتعلم ألعاب قتالية ادافع بيها عن نفسي.
ليلى:دى خطوة صح بس تتعلم عشان انت عاوز تتعلم اللى يفيدك وينفعك مش عشان تنتقم لان لو اتعلمت عشان تنتقم مش هتكسب لأنك هتبقا ناوى على شر،خد حقك عادى بس بعقل ياحبيبي ماشي.
فارس:ماشي.
ليلى:أول ما عبد الرحمن يرجع قوله يعلمك وربنا يوفقك ياحبيبي.
ليميل فارس ويقبل يدها ويردف:ربنا يباركلى فيكى ياأحسن ام فى الدنيا.
ليلى:ويباركلى فيك ياحبيبي.
ويصعد فارس إلى غرفته ليرتاح قليلاً(من العلقة😹).
ونعود إلى شقة منال.
يدق الباب بشدة وتفتحه لتجد خالتها صفاء.
صفاء:لقيتو الواد يوسف ولا لسه.
منال:كان مخطوف ورجع ياخالتو الحمد لله.
لمار:طب هو كويس.
منال:ايوة الحمد لله.
صفاء:امك فين يابت.
منال:جوة ياخالتى هه ياخالتى ياأخت امى يللى انا بنت أختك.
صفاء:من اللخمة نسيت اسلم عليكى معلش يابنت الهبلة.
منال:تسلمى ياخالتى. لتسلم عليها وتعانقها وتقول منال:ماما فى الأوضة جوة.
صفاء:طب أنا داخلالها.
لمار:ازيك يابت يامنال وازى امك.
منال:كويسة يخويا وامى بخير وبتسلم عليك.
لتعانقها لمار:حبيبي حبيبي حبيبي.
لمار:بس خسيتى يابت.
منال بفرحة:بجد يعنى النظام جه بفايدة.
لمار:آه والله خسيتى.
منال بفرحة:طب كويس هروح أوزن بكرة.
لمار:انتى فى الحالتين قمر ياقلبى.
منال:بت يالمار المحن دا بيوجع بطنى.
لمار بضحك:ماشي يازميل.
منال:أيوة كدة اتظبطى تعالى ندخل نقعد معاهم جوة.
لمار:يلا يختى.
ويذهبوا إلى الغرفة.
فى صباح يوم جديد.
صباح:بت يامنال الباب بيخبط روحى هتلاقى هاجر جت من الدرس.
منال:حاضر ياماما.
لترتدى منال خمار والدتها الطويل بعض الشئ.
لتفتح الباب وتجد عبدالرحمن فينظر لها عبد الرحمن طويلاً معجباً بإحتشامها لأنه سمع امها وهى تقول لها أن من الممكن أن تكون هاجر الباب ورغم ذلك ارتدت الخمار.
لتقول منال فى نفسها:ماله بيبصلى زى ما يوجين كان بيبص لروبانزل كده لى تك داهية فى حلاوة أهلك.
عبد الرحمن:احم هى فين والدتك.
منال:عاوزها لى.
عبد الرحمن:انتى مالك دا انتى حشرية.
منال:لا يخويا اقف معووج واتكلم عدل انا بقولك اهو اللى انت بتتنيل تسأل عليها دى تبقى امى.
عبد الرحمن:بوتاجاز انفجر فى وشي إى دا إمشي ياشاطرة اندهيلى أمك.
منال:لأ وبعدين مفيش حد هنا بالأسم دا يخويا.
عبد الرحمن:أنا هتعب نفسي لى. لينادى بصوت عالى:ياحاجة صباح.
صباح:أيوة انت مين يبنى.
ليردف يوسف بلهفة بعدما خرج:دا الظابط اللى انقذنى.
صباح:اتفضل يبنى روحى يمنال اعملى للأستاذ حاجة يشربها.
عبد الرحمن بسرعة:وربنا ابداً مش عاوز حاجة.
منال بضحك:ازاى لازم تشرب حاجة.
عبد الرحمن:وربنا منا شارب حاجة.
لمار بعدما خرجت من الغرفة:اوبا اى الحتة اللى واقعة من المسلسلات التركية دى.
لتنظر لها منال لتراها تنظر الى عبد الرحمن نظرات حمدى الوزير.
منال لعبد الرحمن:انا لو منك اروح دلوقتى.
لينظر لها عبد الرحمن ثم يعود النظر الى لمار ليخاف من نظراتها فيقول:لو سمحتى ياحاجة صباح أنا اللى كنت قاعد فى الدور اللى تحت ودى مفاتيح الشقة ودى الفلوس اللى قعدت بيها الأيام اللى فاتت.
صباح:فلوس اى يبنى اللى انت عملته مع يوسف ميتقدرش بمال.
عبد الرحمن:انا معملتش غير شغلى اللى لازم اعمله.
صباح:انا مش عاوزه فلوس يبنى ربنا يسعدك.
عبد الرحمن:شكراً ليكى ياامى.
صباح:الشكر لله يحبيبي.
عبد الرحمن:مع السلامة.
صباح:ربنا يستر طريقك يبنى.
ليخرج عبد الرحمن من الشقة وينزل إلى السلم ويتجه إلى سيارته ويشق طريقه إلى القصر.
اما فى شقة منال.
تنظر منال إلى أثر عبد الرحمن بشرود ومشاعر متضاربة.
لتراها لمار وتمر بجانبها وتهمس لها:هتحبيه.وتتركها وترحل.
لتنظر لها منال وتنفى ماسمعته برأسها.
أما عند عبد الرحمن بعدما وصل للقصر يدخل إلى هناك ثم يري وجه فارس الملئ بالكدمات.
ليردف بغضب:إى اللى عمل فيك كده.
فارس:مفيش ياعبد الرح.......
عبد الرحمن بمقاطعة:اى اللى عمل فيك كدة.
قص له فارس ما حدث ليغضب عبد الرحمن بشدة وتتحول عيونه للون الاحمر.
ليقول فارس بخوف:والله ياعبد الرحمن هما مسكونى وانا معرفتش احرر نفسي منهم والله.
عبد الرحمن بحدة:يعنى لو كان لوحده كنت هتعرف تضربه.
فارس:بس هو......
عبد الرحمن بمقاطعة:هتعرف تضربه.
فارس:الصراحة لأ بس كنت هحاول ادافع عن نفسي حتى.
عبد الرحمن:تمم عاوزك بكرة الساعة6الصبح تكون واقف هنا.
فارس:هتعمل اى.
عبد الرحمن:اسمع الكلام وخلاص.
فارس:حاضر.
ليخرج عبد الرحمن ويتجه إلى سيارته ويشق طريقه نحو مبنى المخابرات ثم يصل بعد حوالى نصف ساعة وينزل من سيارته ثم يغلقها ويدخل إلى المبنى ويتجه مباشرةً إلى مكتب اللواء ويدق الباب فيسمح له اللواء بالدخول.
اللواء:اتفضل اقعد يابطل.
عبد الرحمن:حضرتك طلبتنى.
اللواء:العصابة اللى انت قبضت عليهم مش لوحدهم.
عبد الرحمن:مش فاهم ممكن توضح.
اللواء:يعنى فى شبكة مافيا موزعة فى كل محافطة فى مصر عصابة من النوع دا وانت بعد ماقبضت عليهم بالطفل يوسف اعتقدوا إن هو ساعدك وبعدها هما راقبوك وبما إنك اترددت عند بيتهم مرتين فكروا إن هما كمان ساعدوك وبالتالى اصروا ان هما ينتقموا منهم ويصفوهم كلهم بما فيهم الظابط مالك وعيلته.
عبد الرحمن بقلق عليهم:يعنى إى.
اللواء:يعنى اللى هيتصرف فى الموضوع دا ناس كبار فى المخابرات دول هيتصرفوا مع المافيا أما انت فمطلوب منك القبض على المقر الرئيسي بتاعهم اللى هو فى محافظة الإسكندرية فإحنا إشترينا ليكم ڤيلا كبيرة هناك وأقمنا عندها حراسة كبيره تبعنا تحسباً لأى ظرف.
عبد الرحمن:يعنى إى ليكم.
اللواء:مهو لازم عيلة الطفل يوسف تكون معاك للأمان ولازم انت تعلم فرد فيهم الضرب بالسلاح عشان لو حصل حاجة فى عدم وجودكم.
عبد الرحمن:بس دى هتبقا عصابة كبيرة بما انها المقر الرئيسي بتاعهم.
اللواء:متنساش انك هيبقا معاك الظابط مالك والظابط سراج.
عبد الرحمن:تمم يافندم.
اللواء:أنا هروح لعيلة يوسف بنفسي عشان لازم تنتقلوا هناك بكرة والكل هيتجمع عند القصر بتاعك النهاردة واعملوا حسابكم هتنتقلوا جوى لأنه هيبقا أكتر أمان ليكم.
عبد الرحمن:تمم يافندم.
ويتجه عبد الرحمن إلى منزله ليخبر ليلى وفارس بهذا الخبر.
ليحادث نفسه:انت مالك فرحان كده لى.ليتغاضا عن هذا الشعور بداخله ويتجه إلى القصر ويقول:ياماما ياليلو ياليلى.
ليلى:ياقاعدين يكفيكم شر الجايين عاوز إى ياض.
عبد الرحمن:ياض طب أنا غلطان إنى كنت عاوز اقولك على خبر حلو.
ليلى:خير.
قص لها عبد الرحمن ما قاله له اللواء.
ليلى:طب يوسف دا ليه إخوات.
عبد الرحمن:آه عنده منال فى تالته ثانوى التانية اسمها هاجر معرفش فى سنة كام.
ليلى بخبث:منال آه قولتلى طب أنا هطلع أجهز هدومى روح قول لفارس.
عبد الرحمن:حاضر.
ويصعد إلى غرفة فارس ويخبره ليجهز فارس حقيبته ويتجه عبد الرحمن ليحزم امتعته هو ايضاً.
اما فى شقة منال.
كانوا يجلسوا ويشاهدوا التلفاز ويدق الباب ويتجه يوسف لفتحه.
اللواء:فين مامتك يابطل.
يوسف:انت مين وعاوز ماما لى.
اللواء:اندهلها بس.
يوسف:طب اتفضل ماما تعبانة مش هتقدر تقوم.
اللواء:ماشي.
يوسف:ثانية واحدة. ويتجه إلى داخل الصالون ويقوم بإخبارهم ان هناك رجل غريب بالخارج ويريد الدخول.
ليرتدوا حجابهم جميعاً وينادى يوسف على اللواء:اتفضل.
اللواء:السلام عليكم ألف سلامة عليكى يامدام صباح.
صباح:الله يسلمك مين حضرتك.
اللواء:بعد اذنك عاوز حضرتك فى كلمتين على انفراد.
صباح:ادخلوا جوة يابنات وخدوا يوسف معاكم.
ليتجهوا إلى الداخل.
اللواء: أنا اللواء محمود إسماعيل.
صباح:اهلاً وسهلاً اتفضل.
ليقص لها اللواء كل شئ واضاف:لازم تجهزوا دلوقتى وتتجهوا معايا للقصر لإن الطيارة هتيجى تاخدكوا اسكندرية بكرة الصبح واتأكدى ان دا لسلامة عيلة حضرتك.
صباح:ممكن اشوف بطاقة حضرتك.
اللواء:حقك اتفضلى.ونظرت لها صباح لبعض الوقت واعادتها إليه ثم قالت:إدينا ساعة نكون جهزنا كلنا.
اللواء:تمم انا هستنى تحت مع العربيات.
صباح:تمم اتفضل.
فيتجه اللواء الى الخارج.
صباح:أخرجوا.
ليخرج الجميع من الغرفة.
صباح:طبعاً سمعتوا كل حاجة روحوا اجهزوا يلا بسرعة.
هبة:وأنا ياخالتو اعمل إى.
صباح:روحى إجهزى وأنا هقول لأمك.
هبة:حاضر.
فيذهبوا ليجهزوا جميعاً وبعد مرور ساعة إلا بضع دقائق يكون قد جهز الجميع.
صباح:يلا نتوكل على الله.
وينزلوا إلى الأسفل ويجدوا سيارتين ليركب ثلاثة فى سيارة وثلاثة فى الأخرى وأمامهم سيارة حراس وخلفهم واحدة أخرى ليصلوا بعد بضع دقائق إلى القصر ليجدوا مالك وصفاء وصلوا للتو ويجدوا أيضاً ليلى وعبد الرحمن بإستقبالهم.
إلى اللقاء فى الفصل الخامس💙💙